Aankhe hamare sampurna shareer ka ek aham hissa hai. Inke dwara hi ham hamare charo or chal rahi cheezon ko dekh pate hain. ham apne pure shareer par toh dhyan dete hain lekin apni aankhon ko nazar andaaz kar dete hain. aankhon ki care karna bahut jaroori hai, hame ise nazar andaaz nahi karna chahiye.

Aaj is laptop, computer wale samay me, hamari aankhon ki dekh bhaal bahut jyada jaroori hai, kyuki hamare sare kaam lagbhag inhi ke dwara hote hai. Hamare mobile ke karan bhi hame aankhon se sambandhit samasya ho sakti hai.

Waise aankhon me agar koi paeshani hoti hai toh uske kuch saamaanya se lakshan ( symptoms ) hote hain jaise- aankhon se pani aana, aankhon ka bhari hona, laal ho jana,aankhon me jalan hona, saaf dikhayi na dena. Lekin ham kayi baar ise choti cheez si samajhkar nazar andaaz kar dete hain jo baad me badi samasya bhi ban sakti hai, isliye hame hamari aankhon ki bahut achche se dekh bhaal karna chahiye.

Toh aaiye aaj ham aapko kuch aise nushkhe, massage aur exercises batayenge jinko karne me aapko jyada pareshai bhi nahi hogi aur aap aasani se inhe ghar baithe kar sakte hain. Toh aaiye jante hain aankhon ka khaas kahyal kis tarah se rakha jaye., jisse aapko aankhon se sambandhit koi pareshani na ho.

13 Gharelu Upay se Rakhe Apani Aankhon Ka Khayal

aankhon ki roshni badhane ke upay in hindi

  1. Sabse pehli baat toh ye hai ki aap apne computer aur phone se jitna ho sake door rahe aur apni dincharya me parivartan Karen, jisse aap apni aankhon me hone wali pareshani se mukti pa saken.
  2. Aapke ghar me jis bhi room me computer rakha ho ya phir aap apne office me jis jagah baithkar computer par kaam karte hain, wahan par paryapt roshni hona chahiye kyuki agar wahan par paryapt roshni nahi hogi toh aapki aankhon par jor padega jisse aapki aankhone me pareshani ho sakti hai, iske alawa jahan tak achchi roshni ki baat hai toh roshni hamare peeche ki taraf se hona chahiye.
  3. Jab bhi aapko computer par kaam karte karte ek ghante se jyada ho jaye toh aankhe ya toh dry ho jati hai ya phir unme pani aane lagta hai, isse bachne ke liye apni aankhon me thoda sa movement Karen aur apni palkon ko aaraam aaram se baar baar jhapkayen.
  4. Roz lagataar 2-3 ghante computer par kaam karne wale logon me computer vision syndrome jaisi pareshani ko dekha ja sakta hai, lekin agar ham thoda parhez aur savdhaniya barte toh is samasya se bacha ja sakta hai.
  5. Waise aaj ke samay me ham computer aur moblile ke upyog karne se nahi bach sakte hai lekin agar inka upyog kuch parhez se kiya jaye toh ham aankhon me hone wali parshaniyon se bach sakte hain. jaise ki jab bhi ham computer par kaam karte hain toh lagbhag 20 se 25 minute ke antar se computer ki screen se apni nazron ko hata le. Hamesha apne computer ki brightness ko k level me rakhen. Brightness jyada nahi hona chahiye.
  6. Apni aankhon ki saaf safayi par dhyan de, iske liye jab aap subah uthte ho tab brush karne ke baad muh dhote samay saaf pani se apni aankhon ko saaf Karen, iske alawa raat ko son eke pehle bhi apni aankhon ko achchi tarah saaf Karen. Yaad rakhen jab bhi aankhon me kisi bhi tarah ki pareshani mehsoos Karen toh turant aankhon ke doctor ko dikhayen aur jaroori paramarsh le.
  7. In sab ke alawa aap aankhon ke liye hone wali choti choti exercise bhi kar sakte hain. iske liye aankhon ko ek baar upar aur ek baar neeche Karen aur is prikriya ko 5-10 baar karen, lekin dhyan rahe is exercise ko pure dhyan lagakar karne chahiye aur aankhen idhar udhar nahi karna chahiye,iske alawa aapka head movement bhi nahi hona chahiye nahi toh aankhon ko nuksaan bhi pahuch sakta hai.
  8. Apni aankhon ko upar Karen uske baad phir neeche Karen. Aisa karne ke baad bina sar hilaye aankhon ko daaye se baaye kare. Is prikriya ko 8-10 baar dohrayen. Dhyan rahe ki ye exercise karte samay aapki aankhon ki disha ( direction ) change na ho.
  9. Iske baad next exercise me aap apni aankho ko ghadi ki disha ( clockwise ) me ghumaye aur phir uske baad ghadi ki vipreet disha ( anti-clock wise ) me ghumaye aur is prikriya ko 5 baar karen. Aisa karne ke baad palko ko thoda jhapka le. Isse aapki aankhon ko aaram milega.
  10. Is prikriya me sar ( head ) ko na hilaye sirf aankhon ko hi movement karaye. Iske liye aankhon ko kisi cheez par 15-20 minute ke liye rok kar rakhe aur uske baad dheere dheere apni aankhon ko kisi dusri cheez par sthir ( constant ) kar le iske baad phir wapas usi jagah par apni aankhon ko sthir kar le aur ye prikriya ko hi dohrayen, ye prikriya 5-10 baar Karen.
  11. Apne hath ki ungliyon ( fingers ) ko apni band aankhon ke upar dheere se rakhen aur is tarah rakhe ki aankh ki goli ( eye ball ) par jyada jor na pade. Kuch der baad unhe hata le aur ye prikriya 5 baar dohraayen.
  12. Iske alawa hamare hath ki hatheliyon ( palm ) ko aapas me ragad le, jisse aake hath ki hatheliyan garm ho jayengi. Ab apni aankhon ko band kar lijiye aur in garam hatheliyon ko apni band aankho par rakh lijiye. Aankhon ko apni hatheliyon se is prakaar se cover Karen jisse ki aapke aankhon ke eye ball par jyada or na pade aur hatheliya is tarah rakhi jaye jisse ki aapki aankhon tak roshni na pahuche. Iske baad achche se saans le.
  13. Is prakaar yahan hamne aankhon se sambadhit gharelu upchaar ke sath sath aankhon ko sukun dene wali kuch exercise hi batayi hai, jinke dwara aapki aannkhon ko suskun milega.

LEAVE A REPLY