Aloe vera ki agar baat ki jaye toh ye ek aisi aushadhi hai jisse hame kayi tarah ke fayde milte hai, phir wo fayde aapke sharir ko rogo se mukti dilane mai ho ya phir aapke sharir ki sundarta badane mai ho. Har tarah se aloe vera hame fayde deta hai. Prakriti dwara di gayi yeh ek aisi aushadhi hai, jo hamare sharir ko kayi tarah se faydemand sabit ho sakti hai. Prakritik rup se pradan ki gayi aushadhiyo ka sabse bada fayda ye hai ki isse hame agar koi fayda nahi hota toh ye hame nuksaan bhi nahi pahuchate hai.

Iss tarah aushadhi ki duniya mai aloe vera kisi chamatkar se kam nahi hai. Aloe vera ek sanjivani hai, yani ki isme sanjivani buti ke sabhi gun moujood hai. Aloe vera ke dwara har tarah ke rog ko dur kiya ja sakta hai.

Aloe vera ek aisa podha hai jisme anya sabhi jadi butiyo ke mukable jyada gun moujood hote hai. Yani ki agar vyakti har tarah se fit rehna chahta hai toh wo aloe vera ke prayog dwara reh sakta hai. Iss tarah iske kayi tarah ke aise prayog hai, jinke dwara hame kayi tarah ke fayde mil sakte hai. Toh aaiye jante hai iske kuch aise prayogo ke bare mai jisse aapko kayi tarah ke labh mil sakte hai.

10 Benefits of Aleo Vera in Hindi

AELO VERA IN HINDI

1) Immunity badane mai: Aloe vera mai aise kuch tatva paye jate hai, jo hamare sharir ki immunity ko bada kar hamare immune system ko majbut banate hai. Jisse ham kisi bhi tarah ke viral infection se bach sakte hai. Iske alawa aloe vera mai aise kuch tatva paye jate hai jo hamare sharir mai nahi bante balki iske prayog dwara hame prapt hote hai. Is tarah ye hamare sharir ko swasth rakhne aur immune system ko majbut banaye rakhne mai madad karta hai.

2) Hemoglobin ki kami ko dur kare: Aloe vera ek aisi aushadhi hai, jo har umar ke vyakti ke liye labhdayak hoti hai. Aloe vera ke dwara sharir mai hemoglobin ki kami ko dur kiya ja sakta hai. Aloe vera hamare khoon ko bhi saaf karne ka kaam karta hai. Iss tarah aap aloe vera juice ka istemal kar sakte hai, isse aapka khoon bhi saaf hoga aur sath hi ye aapke hemoglobin ko bhi badane ka kam karega.

3) Twacha ke liye: Aloe vera mai anti-oxidant gun paye jate hai, jo twacha ki mrit koshikao ko hatane mai madad karta hai. Aloe vera twacha ko komal aur chamakdar banane mai madad karta hai. Iss tarah twacha par iske paste ka istemal karne se twacha ko kayi tarah ke skin infection se bhi bachaya ja sakta hai.

4) Muhaso (Pimpples) se bachaye: Aloe vera mai kuch aise tatva paye jate hai jo muhaso ko kam karne ka kaam karte hai aur sath hi inse hone wale dag dhabbo ko dur karne ka bhi kam karte hai. Iske alawa kayi baar aloe vera ka paste muhaso ke karan bane huye ghavo ko bhi bharne mai madadgar sabit hota hai. Iss tarah ye aapke muhaso ko dur karke twacha ko saaf karne ka kaam karta hai.

5) Wrinkles se bachaye: Aloe vera ki pattiyo mai anti oxidant jaise beta carotene, vitamin-C aur E paya jata hai jo ki hamari twacha me kasawat lata hai aur jhurriyo ko kam karne me madad karta hai. Iske alawa iska anti aging gun hamari twacha ke liye faydemand hota hai, jisse hamari umar kam lagti hai.Toh agar aap bhi jhurriyo se pareshan hai toh aaj se hi aloe vera ka upyog karna shuru kare.

6) Baalo ke liye faydemand: Baalo ki har tarah ki samasya ko dur karne mai aloe vera kafi labhprad sabit ho sakta hai. Aloe vera ke gude ko nikal kar paste bana kar baalo ki jado mai lagane se ye baalo ka jharna kam karta hai aur sath hi baalo mai rusi yani ki dandruff ko dur karne mai madad karta hai. Iske alawa agar baat ki jaye toh aloe vera ke prayog dwara sar ka ganjapan bhi dur kiya ja sakta hai. Aloe vera aapke scalp ke pH balance ko bhi maintain karne ka kaam karta hai. Ye hi nahi agar aap ise aise hi apne baalo mai lagate hai toh isse aapke baal chamakdar aur komal bante hai.

7) Cancer mai hai faydemand: Aloe vera ke prayog dwara cancer jaisi ghatak bimari mai bhi fayda mil sakta hai. Aloe vera ki pattiya cancer jaisi khatarnak bimari ko maat de sakti hai. Aloe vera mai kuch aise tatva paye jate hai jo cancer ko badne se rokte hai. Cancer rogi rojana subah sham 50 gram aloe vera ka juice pita hai toh isse uss vyakti ko labh mil sakta hai aur sath hi cancer thik hone ki sambhawna bad jati hai.

8) Diabetes ke rogiyo ke liye: Iska sevan diabetes ke rogiyo ke liye bhi faydemand hota hai. Iska sevan karne se ye hamare blood mai sugar ke level ko regulates karta hai. Jo ki madhumaeh ke rogiyo ke liye faydemand mana jata hai.

9) Dil ke liye faydemand: Ji haan, aloe vera dil ki health ke liye bhi achcha hota hai. Ye hamare sharir mai cholesterol ke level ko niyantrit karne mai madad kar sakta hai, jo ki dil ko swasth rakhne ke liye bahut hi faydemand ho sakta hai. Iss tarah aloe vera hamare dil ko swasth rakhne mai madadgar sabit ho sakta hai. Iske alawa agar baat ki jaye toh jab aapko chest mai pain aur heart burn jaisi samasya ho toh aap aloe vera juice ki madad le sakte hai, iss tarah ke symptoms hone par aapko gastro esophageal reflux diseases (GERD) ho sakti hai. Iss tarah aloe vera juice ke istemal se aap iss pareshani ka bhi upchar kar sakte hai.

10) Sujan (Swelling) ko kam kare: Jab hamare sharir mai moch aa jane ke karan ya phir kayi baar kisi insect ke kaat lene par swelling aa jati hai toh aise mai agar aloe vera ko kat kar usko halka garam kar liya jaye aur haldi ke sath swelling wali jagah par laga liya jaye toh isse swelling ka dard bhi kam ho jata hai aur sath hi swelling bhi kam ho jati hai.

Upar aapne jana ki aloe vera ka upyog aap kaha aur kis tarah se kar sakte hai. Iske alawa aapko isse kya kya fayde mil sakte hai. Toh agar aap bhi isse hone wale faydo ka labh uthana chahte hai toh aaj se hi iska upyog karna shuru kare.