Aaj ke samay me sundar har koi dikhna chahta hai, lekin kayi baar chehre par baal hone se unki sundarta me daag lag jata hai jiske kaaran unme aatmvishwas ki kami ho jati hai.

Chehre me baal hone se chehra kaala aur ganda dikhayi padta hai, yeh unke samne bahut badi samasya hoti hai. Iske liye ham kayi baar bleach ya phir kuch chemicals ka upyog karte hain jo ki hamari twacha ko nuksaan pahuchta hai. Iske bajaye kuch ghrelu upaayon dwara chehre se anchahe balon ko hataya ja sakta hai.

Chehre Se Balon Ko Hatane ke Tarike Hindi Mai


1) Besan

besan for hair removal
Besan

Besan ko haldi ke sath milakar usme sarso ka tel daalkar lep (paste) bana lete hain, phir uske baad us lep(paste) ko chehre par lagakar rakhte hain aur thoda sukh jane ke baad ragad kar nikaal lete hain, aisa karne se chehra chamakdaar hota hai aur ise hafte me do baar kar sakte hain. Isse aapke chehre ke anchahe baal dheere dheere kam hone lagenge, sath-sath chehra kaantimay aur chamakdaar dikhega.


2) Sugar (Cheeni), Water (Pani) aur Nimbu (Lemon)

cheeni, pani aur nimbu
Cheeni, Pani aur Nimbu

2 chammach cheeni (sugar) me 10 chammach pani milakar usme 2 boond nimbu ka ras daal de aur is mishran ko achchi tarah mila le, phir use apne chehre par 15-20 minute tak laga kar rakhen. 20 minute baad hathon se achchi tarah ragad kar saaf pani se dho le, is prakriya ko hafte me 2-3 baar kare isse dheere dheere aapke chehre ke anchahe baal kam hone lagenge.


3) Haldi Powder

haldi for skin
Haldi Powder

Haldi Powder ko namak ke sath milakar usme nimbu ki kuch boonde aur doodh mila le. Is mishran ko apne chehre par achchi tarah se lagayen aur usse achchi tarah malish kare. Isse aapke chehre ke baal toh gayab honge hi sath hi sath chehra bhi safed hoga.

 


4) Cheeni (Sugur)

sugar for hair removal
Sugar

Sugar (Cheeni) ek aisa utpaad hai jo hamare ghar me aasaani se mil jata hai. Cheeni dead skin ko hatati hai aur balon ko bhi jado se nikaal deti hai. Iske liye pehle apne chehre ko pani se geela kar lijiye phir apne chehre par cheeni ko aaraam se ragad lijiye, isse aapke chehre ke anchahe baal kam hote hai. Hafte me aisa 2 baar karne se dheere dheere chehre ke baal kam hone lagte hain.


5) Besan aur Haldi

besan-and-haldi-min
besan aur haldi

Besan aur haldi ko haldi aur dahi ke sath milakar lep (paste) bana le aur uske baad is lep ko 20 minute tak apne chehre par lagakar rakhe, 20 minute ke baad ise thande doodh (cold milk) ya pani se dho le, isse bhi aapke chehre ke baal kam ho jayenge.

 


6) Cheeni (Sugar) aur Makke ka Atta (Corn Flour)

makke ka atta aur cheeni-min
makke ka atta aur cheeni

Ek katore me ande ka safed bhaag lekar usme cheeni aur makke ka aatta (corn flour) milakar iska lep bana lijiye aur iske baad is lep ko apne chehre aur garden par achchi tarah se laga lijiye. 15 minute achchi tarah massage karne ke baad 5 minute tak rehne de aur iske baad ise thande pani se dho lijiye, aisa hafte me 3 baar Karen. Aisa karne se chehra damakne lagta hai.


7) Papita (Papaya)

papita in hindi
Papita

Papite me papain naamak padarth paaya jata hai jo ki baalo ko niklane me madad karta hai.

Iske liye ham papita ko achchi tarah kaat kar aur cheel kar mash kar lete hain uske baad is paste me ½ chammach haldi powder milakar paste bana lete hain, is paste ko apne chehre aur garden par laga le aur 15 minute tak rakhne ke baad ise saade pani se dho le, is prakriya ko hafte me 2 baar kare, Isse aapke chehre ke baal toh saaf honge hi, iske saath-saath chehre ka rang bhi saaf hoga.


8) Haldi aur Doodh

haldi aur doodh
Haldi aur Doodh

2 chammach Haldi powder ko saada pani ya doodh ke sath achchi tarah mila le aur paste bana le.

Ab is paste ko apne chehre par 15 se 20 minute tak laga kar rakhe, iske baad thande pani se apne chehre ko dho le. Isse aapka chehre par glow bhi aayega.

 


9) Shehad (honey) aur Nimbu

Shehad aur nimbu ko milakar gaadha paste bana le aur is paste ko apne chehre par 15-20 minute tak laga rehne de. Halka sa such jane par ise ragad le aur iske baad saade pani se dho le. Isse aapke chehre ki twacha bhi chamakdaar banegi aur chehre ke baal bhi kam ho jayenge.


10) Bread aur Doodh

Dhono ko khane me bahut hi faydemand hota hai, iske sath hi ye hamari twacha ke liye bhi achcha hota hai. Iske liye doodh me bread ko dip karte hain aur us bread ko apne chehre ke balon par achchi tarah se lagakar usse achchi tarah se scrub karte hain, is vidhi ke dwara aapke chehre ke baal toh kam honge hi aur sath-sath isse aapki twach gori bhi hogi.


11) Oatmeal (Jaei)

Oatmeal ke dwara bhi ham apne chehre ke anchahe balon ko hata skate hain. Oatmeal chehra ki achchi tarah safayi karta hain. Iske liye oatmeal me shehad(honey) aur nimbu ka ras (lemon juice) achchi tarah mila le aur is paste ko apne chehre par achchi tarah se laga le aur 15 minute tak rehne de. 15 minute baad ise achchi tarah rub Karen aur garam pani se dho le. Isse aapki twacha bhi mulayam aur tarotaaza hogi.


12) Eating Habits 

Kayi baar dekha jaata hai ki ham apne khan-paan par dhyan nhi dete hain, jisse hamare harmons par prabhaw padta hai jiske kaaran kayi baar hamare shreer me cheeze santulit nahi ho pati hain aur hame is tarah ki cheezon ka saamna karna padta hai, isliye hame yeh dhyan rakhna chahiye ki hum sahi dhang se khaaye piye. Kyuki agar hum sahi dhang se khate peete hain toh isse bhi ham is tarah ki cheezon se bach sakte hain.


You may also like: Chehre Ke Daag Dhabbe Kaam Karne Ke Aasan Gharelu Upay

Is tarah hamne yahan par chehre par anchahe balon ko hatane ke kayi tareeke jaane. Ye upaaye aise hain jinhe aap ghar baithe bhi kar sakte hain aur sari cheese aasaani se aapko mil sakti hain isliye der na Karen aur apne chehre ke anchahe balon se jaldi se chutkaara payen, in upayon se dheere dheere aapke chhere ke baal yakeenan hi kam ho jayenge.

LEAVE A REPLY