Anjeer Benefits: Anjeer ek aisa fal hai jo swadisht aur swasthvardhak hai. Iska sevan karne se hame kayi tarah ke labh prapt ho sakte hain. Ye aapko market me sukhe roop me bhi mil sakta hai. Sukhe huye anjeer ka upyog ham meve ki tarah kar sakte hain aur ye hamari sehat ke liye bahut hi jyada laabhdayak hota hai. Is tarah ye fal itne guno se bhara hua hai ki iska istemaal karne se hame kayi tarah ke swasth laabh mil sakte hain.

Anjeer ek aisa fal hai jiska sevan karne se aapko pet se sambandhit bimariyan nahi hoti hain aur agar aapko pet se sambandhit pareshaniya hai, toh iska sevan karne se wo sari pareshaniya khatam ho jayengi. Anjeer ka sevan karne se gas sambandhi pareshani dur ho jati hai sath hi kabj bhi nahi hota hai. Iska sevan karne se hamara khoon bhi saaf hota hai. Iske liye anjeer ka sevan doodh aur mishri ke sath karna chahiye, isse aapke khoon ki kharabi bhi thik ho jati hai.

Anjeer or Figs in Hindi – Nutritional Value

anjeer benefits in hindi-common-figs in hindi

Anjeer me paye jane wale poshak tatva: In every 100 gram of Fig:

Carbohydrates – 28 g
* Sugars – 16.26 g
* Dietary fiber – 2.9 g
Fat – 0.30 g
Protein – 0.75 g
Vitamins
Thiamine (B1) – (5%) 0.060 mg
Riboflavin (B2) – (4%) 0.050 mg
Niacin (B3) – (3%) 0.400 mg
Pantothenic acid (B5) – (6%) 0.3 mg
Vitamin B6 – (9%) 0.113 mg
Folate (B9) – (2%) 6 ug
Choline – (1%) 4.7 mg
Vitamin C- (2%) 2.0 mg
Vitamin K – (4%) 4.7 ug
Minerals
Calcium – (4%) 35 mg
Iron – (3%) 0.37 mg
Magnesium – (5%) 17 mg
Manganese – (6%) 0.128 mg
Phosphorus – (2%) 14 mg
Potassium – (5%) 242 mg
Sodium – (0%) 1 mg
Zinc – (2%) 0.15 mg

Upar kahe gaye poshak tatva paye jate hai, is prakaar akele anjeer ka sevan karne se aapko itne sare poshak tatvo ki prapti ho sakti hai. Is prakaar anjeer poshak tatvo aur vitamins se bharpoor hai.

Anjeer Benefits: Fig ke Kuch Bemisal Fayade

Toh aaiye aaj is article me ham janenge ki anjeer kis tarah hamari sehat ka khayal rakhta hai aur iske kya kya laabh hain.

1) Weight loose karne me hai madadgaar:
Anjeer ek aisa khadya padarth hai jo hamare wajan ko kam karne me hamari madad karta hai. Agar aapko pata ho toh anjeer ke ek tukde me 47 calorie hoti hai aur 0.2 gram fat hota hai. Is tarah agar aap anjeer ka sevan karte hain toh aapko paryapt matra ma calorie bhi mil jayegi aur sath hi aapki body me fat bhi nahi badega. Toh ham keh sakte hain ki iska sevan karne se aapka wajan kam ho sakta hai.

2) Madhumeh me hai laabhkaari:
Madhumeh jaisi bimari me anjeer anya falo ki tulna me bahut hi jyada laabhkari hota hai. Isliye madhumeh se grasit logon ko iska sevan karna chahiye, isse unhe visesh laabh milega.

3) Dil ka rakhe khayaal:
Anjeer me bahut adhik matra me anti-oxidant gun paye jate hain, jiske kaaran ye hamare shareer se free radicals ko dur karne me hamari madad karta hai, jisse hamari rakht koshikaye swasth rehti hai aur hamara dil bhi swasth rehta hai. Jisse hame dil ki kisi bhi tarah ki bimari hone ka khatra kam ho jata hai.

4) Shareer ko shakti shaali banata hai:
Anjeer ka adhik matra me sevan karne se shareer shaktishaali banta hai aur manushya ki kaam karne ki kshamta bhi badti hai. Yadi aapko bahut jyada thakaan ho jati hai aur aapka shareer panap nahi raha hai aur aap bahut patle ho rahe hain toh aap anjeer ka sevan karen. Iske liye aap ye prayog bhi kar sakte hain, jiske liye chile huye badaam aur sukhe huye anjeer ko pani me ubaal le aur ise sukha kar isme pisi huyi ilaichi, chirongi, kesar aur pista barabar matra me milaye aur isme gay ka shudh ghee bhi mila de. Ab is mishran ko 7 din ke liye rakh de. Iske baad rozana subah 20 gram misran ka sevan Karen, isse aapka shareer shaktishali banega.

5) High blood pressure me hai faydemand:
High blood pressure un logon ko hota hai jinke shareer me sodium potassium ke star ka santulan bigad jata hai. Sath hi wo log jo apne ahaar me bahut jyada namak ki matra lete hain , kabhi-kabhi unhe bhi high blood pressure ki pareshani ho jati hai. Is prakaar yadi aap anjeer ka sevan karte hain toh aapki high blood pressure ki samasya bhi khatam ho jati hai.

6) Haddiyon ko majbut banata hai:
Hamari haddiyan puri tarah se calcium par aadharit hoti hain aur ek sukhe anjeer me 3% calcium paya jata hai. Is prakar anjeer ka sevan karne se hamare shareer me calcium ki kami bhi puri hoti hai. Jisse hamari haddiyan bhi majbut hoti hain.

7) Sardi-Khasi me laabhdayak:
Anjeer ka sevan sardi-khasi me bhi laabhdayak hai. Iske liye 5 anjeer ko pani me daal kar ubaal le aur ise chaan le. Is chaane huye pani ko garam-garam subah aur sham ko piye, aisa karne se jukham me araam milta hai. Iske alawa iska sevan karne se purani se purani khasi bhi thik ho jati hai, kyuki ye balgam ko patla karke bahar nikal deta hai. Is prakaar anjeer ka sevan sardi- khasi ke liye bhi laabhdayak hai.

8) T.B. ke rogiyon ke liye hai vardaan:
T.B. ke rogiyon ke liye toh ye bahut hi jyada faydemand hai, kyuki anjeer ka sevan karne se shareer me khoon ki kami puri hoti hai aur ye hamare shareer me khoon ko badata hai. Anjeer ki jad aur daalo ki chaal ka prayog aushadhi ke roop me hota hai. Is tarah anjeer ka har ek hissa hamare liye laabhkari hai. Kahne ke liye aap 2-4 anjeer le aur unka sevan karen isse aapko bahut laabh milega.

9) Asthama ke liye laabhkaari:
Asthama ki bimari ko thik karne ke liye anjeer ki pattiyon ka istemaal kiya jata hai, kyuki isme potassium ki matra achchi hoti hai jisse khoon me sarkara ki matra santulit rehti hai.

Iske alawa anjeer ke sevan se kisi bhi tarah ka bukhar aur pet ki kharabi jaisi bimariyon se rahat milti hai. Iske sath hi agar subah khali pet bhige huye anjeer ka sevan kiya jaye toh bawasir ki paresahni bhi dur ho jati hai.

Upar hamne aapko bataya anjeer benefits jo ki aapki sehat ke liye laabhkari hai aur kis tarah iska use kiya jaye jisse aapki pareshani dur ho sake. Toh ab der kis baat ki hai aaj se hi anjeer ka sevan karna shuru karen aur swasth shareer ke malik bane.

LEAVE A REPLY