Bawaseer in English = Piles

Agar aap bawaseer ke bare me jaante hain toh bawaseer ka naam sunte hi aapke chehre par bure dard ke haaw-bhaaw aa jate hain. yeh hai hi aisi beemari jisme asehneeya dard hota hai, jise sehna atyant dardnaak hota hai. ye aisi beemari hai jisse adhiktar log peedit rehte hain.

Is beemari ka pramukh kaaran insaan ki aniyamit dincharya aur khan-paan hai. aaj ke samay me log fast food jyada khana pasand karte hain, kayi baar ghar ka khana bhi khate hain lekintime par nahi khate aur pani bhi kam hi pite hain. Jiske kaaran ye bimari utpanna hone ki sambhawna bad jati hai. bawaseer me malashay ke aas-pass sujan aa jati hai. Isme aapko mal tyaag ke samay atyant dard hota hai, sath hi iska dard lagbhag pure time bane rehta hai aur aapke malashay me aapko khujli hoti rehti hai.

Bawaseer (Piles) 2 Prakaar Ki Hoti Hai:

1. Aantrik (Internal):

Aantrik bawaseer me sujan (swelling) aantrik tour par hoti hai, sujan dikhayi nahi deti but jis insaan ko isse takleef hai wo sujan ko mehsoos kar sakta hai.

2. Baahri (External):

Baahri bawaseer me sujan guda/malashay ke bilkul bahar dikhayi deti hai.

Bawaseer Treatment in Hindi

Bawaseer (Piles) Ke Pehchaan (Symptoms):

bawaseer ko pehchanna bahut asaan hai. Malashay me khujli, mal-tyag ke samay malashay me bahut jyada dard hota hai aur uske baad malashay se khoon bhi nikalta hai, jiske kaaran malashay par sujan aa jati hai. bawaseer ke ye lakshan hai, jisse aap bawaseer ko pehchaan sakte hain. kuch aayurvedik upchaar se aur kuch ghare upchaar se aapko bawaseer se mukti mil sakti hai.

Bawaseer (Piles) Treatment in Hindi

Toh aaiye jaante hai bawaseer ke gharelu upchaar, jinse aapko bawaseer se chutkaara mil sakta hai;

1. Papita: Paita ek aisa fal hai jo ki hamare bahut sare kaam aata hai, ye hamare pet ko saaf rakhta hai, agar kisi vyakti ko bawaseer hai toh wo apne dincharya me ek paka hua paita khana shamil kare. Isse uska pet bhi saaf rahega aur paachan achcha rahega toh dheere-dheere karke bawaseer se mukti mil jayegi.

2. Jeera: 50 gram pisa hua jeera lekar 2 litre matha ( mahi ) me mila le aur isme thoda sa namak mila de. Pyaas lagne par pani ki jagah is mishran ko piyen, isse aapko bawaseer me aaraam milega aur sath hi 4 din tak ye prayog karne se bawaseer ke masse bhi thik ho jayenge. Agar ye sab nahi kar sakte hain toh phir ek glass pani me aadha chammach jeera powder milakar piyen.

3. Jamun aur Aam: Jamun ki guthli aur aam ki guthli ke andar ka bhag sukhakar isko milakar churna bana le, halke garam pani ya chach ke sath ek chammach curna ka sevan Karen. Isse bawaseer me bahut hi jyada aaraam milta hai sath hi ye khaas kar khooni bawaseer ke liye bahut laabhdayak hai.

4. Badi-Ilaichi: Badi ilaichi ka sevan karne se bhi bawaseer me faayda milta hai. Iske liye lagbhag 50 gram badi-ilaichi ko tawa par daal dete hain aur achchi tarah bhoon lete hain aur jala lete hain.Iske baad ise thanda karte hain aur thanda hone ke baad isko pees lete hain aur churna bana lete hain. Is churna ko roj subah khali pet pani ke sath lene se piles se mukti mil sakti hai.

5. Kishmish: Kishmish ke rojana sevan se bhi bawaseer me aapko fayda milta hai. iske sevan ke liye lagbhag 100 gram kishmish raat kopani me bhigo kar rakhde. Aur subah hone par inbheegi huyiKishmish ko usi pani me masal de jis pani me Kishmish ko hamne bhigoya tha. Is pani ka rojana sevan karne se bawaseer rog kuch hi dino me thik ho jata hai.

6. Isabgol: Isabgol ka prayog karne se aniyamit aur kade mal se raahat milti hai. Isabgol lene se pet saaf rehta hai aur jab haajma thik rahega toh mal aaraam se bahar jata hai aur isse pet bhi kuch hadd tak saaf rehta hai sath hi masse bhi jyada dard nahi karte hain.

7. Daalchini aur Shehad: Chothayi (¼) chammach daalchini ka chrna le aur usme ek chammach shehad mila le, isko pratidin ek baar jaroor le. Isse bawaseer khatam ho jati hai.

8. Neem Ka Tel: neem ka tel bhi bawaseer ke liye bahut laabhdaayak hota hai. iske liye neem ke tel ko bawaseer ke masson par rojana lagayen ya phir neem ke tel ki 4-5 boonden roz piyen, isse bhi aapko bawaseer me aaraam milega.


  • Iske alawa aap apne bawaseer ki jagah par aaram pahuchane wali cream bhi laga sakte hain, jisse aapki khujli kam ho aur dard bhi kam ho.
  • Iske alawa agar aap pane khan-paan ko sahi kar le aur sahi time par khana khaye. Aanton ko thik rakhne ke liye hari sabjiyan, fal (fruits), reshedaar ahaar le, sath hi jyada matra me taral padarthon ka sevan Karen,pani khoob piyen .

Tho ye the hamare Bawaseer Treatment in Hindi, jinke sath aap apne bawaseer par control kar sakte hain. Iske baad bhi agar aapko jyadapareshani ho toh aap doctor ko jaroor dikhayen.