Beauty Tips in Hindi for Face is phele aapke chehre ko kin chezo ke asar padhta hai janna jaruri hai. Pollution, tension aur badti huyi age ki wajah se chehre par asamay hi jhurriya aur kaalapan sa aa jata hai, iske kaaran hamare chehre par natural chamak nahi reh jati hai. Iske alawa yeh dhul mitti ke kan hamare chehre ko ganda kar dete hai, jisse hamare chehre par muhase aur kayi tarah ke daag dhabbe banne lagte hai.

Lekin aaj ki iss busy life ke karan ham apne chehre ki dekhbhal nahi kar pate hai, jo ki chehre ke ganda dikhne ki ek bahut badi wajah hai. Iske alawa kayi baar ham apne chehre ke daag dhabbo ko chupane ke liye kayi tarah ke aise cosmetics ka istemal karte hai jo ki hamare chehre ko harm karte hai.

Iss tarah chehre ki dekhbhal na karna aur care na karna bhi chehre ke gande dikhne ka ek kaaran hai. Isliye jaruri hai ki ham apne chehre ki sahi dekhbhal kare. Toh ab jyada ghabrane ki baat nahi hai, aap ab yog ke dwara jyada mehnat kiye bina hi apne chehre ko sundar bana sakte hai.

Ji haan, chehre ke liye bhi kuch aise yog abhyas hote hai jinko karne se aap apne chehre ko sundar bana sakte hai aur sath hi isse na keval aapka chehra sundar banega balki isse aapke chehre par natural chamak bhi aayegi.

Waise toh yog ke bare mai aap sab log jante hi hoge ki yeh ek aisa saadhan hai jise karne se har vyakti swasth aur sundar jivan jita hai. Iske alawa yeh hamari twacha, baalo aur chehre ki khubsurti banaye rakhne mai bahut madadgar sabit hota hai. Yog ke andar kuch aise aasana aate hai jinko karne se aap apne chehre se sambandhit pareshaniyo ko dur kar sakte hai. Isse na keval aap sundar dikhegi balki isse aapke chehre ki jhurriya, daag-dhabbe kam hoge aur sath hi chehre mai natural glow aur chamak aayegi.

Agar aap apne chehre ko sundar banana chahte hai toh iske liye yogasana sabse accha aur saral upaay hai. Kuch aise yog hai jinko karne se aap apne chehre ki jhaiyo, gaal, chin, mathe aur aankho aadi ko sundar aur chamakdar bana sakte hai. Darasal aaj ham aise yog batane ja rahe hai jinko karne se aapke chehre mai rakt ka sanchar sahi tarike se hoga, jisse aapke chehre par sundarta aur chamak aayegi. Toh aaiye chehre ke liye kiye jane wale yog ke bare mai vistar se jante hai.

Beauty Tips in Hindi for Face - yoga

Beauty Tips in Hindi for Face – 6 Yoga Pose for beautiful Face

1) Balloon pose: Iss aasana mai apne muh mai hawa bhari jati hai aur hamara muh gubbare ki tarah dikhayi dene lagta hai, isi wajah se ise balloon pose kaha jata hai. Isko karne ke liye apne muh mai hawa bhar le aur mann mai 10-15 tak ginti kare aur hawa ko apne muh mai idhar se udhar kare.
Iss prakriya ko kam se kam 5 baar dohraye. Iss yog ko karne se hamare chehre mai rakt ka sanchar sahi tarike se hota hai, jisse hamare chehre mai muhaso ki samasya kam ho jati hai. Iske alawa iss yog se hamare jabde ki haddi bhi majbut banti hai, chehre ki extra charbi kam hoti hai aur chehre ki twacha mai kasav aata hai.

2) Jeebh mudra: Yeh yog hamare chehre ke liye to accha hai hi sath hi yeh hamari aankho ke liye bhi faydemand hai. Isko karne ke liye apni jeebh ko apni suvidha ke anusar kaskar bahar ki taraf nikale aur kam se kam 30 second tak aise hi rakhe. Iss tarah iss prakriya ko karne se aapko aankh se sambandhit pareshani mai araam milega.

3) Sinhasana: Iss aasana ko karte samay hamara chehra sher ki tarah ho jata hai, isliye iss aasana ko sinhasana kaha jata hai. Iss aasana ko karne ke liye sabse pehle saans le aur muh ke dwara saans ko chore, iske baad apne muh ko khole aur jeebh ko puri tarah se bahar nikale aur sath hi apni aankho ko bhi puri tarah taan kar rakhe. Iss tarah iss aasana ko karne se aapke chehre par chamak aayegi. Iss aasana ko karne se aankhe swasth rehti hai aur chehre ki jurriya dur hoti hai, isliye ise anti aging aasana kehte hai.

4) Machli jaisa chehra banaye: Apne chehre ko machli ke jaisa banaye, iske liye aap apne dono galo ko andar ki taraf iss tarah se kheeche ki aapka chehra machli ke jaisa lage. Iss tarah rojana iss aasana ko kare. Isse aapke chehre ka extra fat hat jayega aur chehre ke wrinkles dur hoge. Iske alawa chehre ki twacha ki manspeshiyo mai kasav aayega. Iss tarah yeh aasana aapke chehre se judi pareshaniyo ko dur karne mai faydemand sabit ho sakta hai.

5) Eyes exercise: Hamari aankhe hamare chehre ka ek aham hissa hai, iss tarah aankho ko sundar aur swasth banaye rakhne ke liye eyes exercise karna chahiye. Iske liye aankho ki putliyo ko left aur right kam se kam 30 second tak ghumaye, iske baad gol-gol ghumaye aur phir upar aur niche ki taraf kare. Isse aapki aankho ki acchi exercise ho jayegi.

6) Iske alawa ek aur saral aasana hai jisko karne ke liye aap sabse pehle muh se lambi saans le aur kuch 30 second tak andar rakhe aur iske baad dhire-dhire naak ke dwara ise bahar nikal de. Iss prakriya ko kam se kam 5 baar dohraye. Isse bhi aapke chehre ki khubsurti badti hai.

Upar aapne jana ki Beauty Tips in Hindi for Face ke bare mai aur yog ke dwara aap apne chehre ki khubsurti ko kaise badaya ja sakta hai. Toh agar aap bhi apne chehre ki khubsurti badana chahte hai toh upar bataye gaye yog ko apnaye aur apne chehre ki khubsurti ko badaye.