Jin ladkiyo ki twacha oily hoti hai wo garmiyo ke dino mai bahut pareshan rehti hai, kyuki garmiyo mai hamari twacha bahut jyada oily ho jati hai aur agar hamari twacha hi oily ho toh ye pareshani duguni ho jati hai. Yahi kaaran hai ki oily twacha wali ladkiya garmiyo ke dino mai make up karne se darti hai.

Kyuki agar wo make up karti hai toh unki twacha oily ho jati hai aur make up thode hi samay mai kharab ho jata hai. Toh aaj ham yaha kuch aise tips batane ja rahe hai jinko oily skin wali mahilaye make up karte samay apna sakti hai.

Aisi mahilaye jinko make up karna bahut pasand hota hai aur jo oily twacha hone ke kaaran garmiyo ke dino mai make up nahi kar pati hai, toh unhe yaha bataye gaye tips ko jarur ajmana chahiye. Toh aaiye jante hai aise kuch tips ke bare mai, jinko apna kar aap garmiyo ke dino mai dil khol kar make up kar sakti hai aur aapko apne make up ke kharab ho jane ki tension bhi nahi rahega.

Tips aur Makeup for Oily Skin

MAKEUP FOR OILY SKIN IN HINDI

1) Powder ka istemal kare kam: Waise toh powder aapke chehre ke aur sharir ke oil ko thode samay ke liye kam kar deta hai aur sath hi isko lagane se aap tarotaja mehsus karti hai, lekin garmiyo ke dino mai powder ko jyada istemal nahi karna chahiye, kyuki powder jyada lagane se aapko pasina jyada aata hai, jo aapke liye pareshani ka sabab ban sakta hai.

2) Cleansing karna na bhule: Garmiyo ke dino mai make up tips ka khaas khayal rakhte huye chehre ki cleansing karna na bhule. Chehre ki deep cleansing karna bahut jaruri hota hai. Week mai ek baar chehre ki cleansing jarur kare, isse aapka chehre damakta rahega.

3) Scrubbing kare: Agar aapki twacha oily hai toh aapke chehre ki scrubbing hona bhi bahut jaruri hai. Scrub karne se aapke chehre ka extra oil hat jata hai, jisse aapke chehre ki gandgi saaf ho jati hai aur aapka chehre oil free dikhayi deta hai. Isliye oily skin wali mahilao ko scrub jarur karna chahiye.

4) Moisturizer for oily skin: Waise toh moisturizer (cream) hamari twacha ko nami pradan karta hai aur twacha ko moisturize karta hai, lekin garmiyo ke dino mai yahi moisturizer hamari twacha par extra oil la sakta hai. Isliye summer season mai aise moisturizer (cream) ka istemal kare jo ki oil free rahe. Oily skin walo ko oil free moisturizer ka istemal karna chahiye, isse chehra oil free rahega aur oily nahi dikhega.

5) Blusher ka use: Chehre par blusher ka use tab hi kare jab aapko jarurat mehsus ho. Kyuki kayi baar jyada cheezo ke istemal se hamara chehra kharab dikhne lagta hai. Garmiyo ke dino mai kosish yahi kare ki oily skin par kuch na lagaye.

Chehre Ke Daag Dhabbe Kaam Karne Ke Tips

6) Bloating paper: Oil ko hatane ke liye aap bloating paper ka bhi istemal kar sakti hai. Jaha jarurat mehsus ho waha bloating paper ka prayog kare, isse aapke chehre par jama tel nikal jayega aur aap fresh dikhegi.

7) Shimmer na lagaye: Garmiyo mai agar dekha jaye toh har vyakti ko bahut pasina aata hai. Isliye garmiyo mai kosish ye kare ki aap apni aankho mai shimmer ka istemal na kare, kyuki pasine ke kaaran ye kharab ho sakta hai aur garmiyo mai aapko shimmer se irritation bhi ho sakta hai. Isliye garmiyo mai shimmer na lagaye isse aapka chehra halka dikhayi dega.

8) Eye shadow light rakhe: Garmiyo mai smokey eyes ke mukable light eye shadow jyada behtar lagti hai. Isliye garmiyo mai eye shadow light rakhe aur aise colour ka chunav kare jo aapki twacha se mel khata ho. Isse aapki aankhe bhi sundar lagegi aur aapka make up kharab bhi nahi dikhega.

9) Water proof mascara lagaye: Agar aap aankho ki palko mai mascara ka istemal karti hai toh garmiyo mai water proof mascara ka istemal kare. Garmiyo mai pasine ke karan aapka mascara kharab ho sakta hai aur aise mai agar aap water proof mascara lagati hai toh ye kharab nahi hota aur pure din tika reh sakta hai.

10) Hontho par lagaye lip balm: Garmi kitni bhi ho lekin hontho par lip balm ya phir petroleum jelly lagana bilkul bhi na bhule. Agar aap lipstick ka istemaal karti hai toh use lagane se pehle hontho par lip balm lagaye aur uske baad lipstick ka istemal kare. Isse aapki lipstick ka smooth look aayega.

Multani Mitti for Hair and Skin

Toh yaha aapne jana make up for oily skin, par garmiyo ke dino mai kis tarah se make up kiya jaye, jisse aapka chehra kharab na dikhe aur sath hi aapka achcha look aaye. Toh agar aapki twacha bhi oily hai aur garmiyo mai aap make up karne se darti hai toh upar batayi gayi tips ko apnaye, aur khul kar make up kare.