Ham sabhi yeh baat jante hain ki swasth rehne ke liye vyayaam bahit hi jaruri hai. Vyayaam karne se shareer swasth aur mann prasanna rehta hai. Lekin vyayaam ko bahut hi savdhaani purvak karna chahiye, kyuki agar ham kisi bhi vyayaam ko galat tareeke se karte hain toh isse hame nuksaan bhi pahuch sakta hai. Lekin ek aisa bhi vyayaam hai jo bahut hi aasani se kiya ja sakta hai.

Roz subah uthkar sair karna bahut hi saral hota hai, ise kisi bhi umar ( age ), varg ke log kar sakte hain. subah ka chalna bahut hi laabhkari aur upyogi maana jata hai. Agar aap rozana vyayaam nahi kar pate hain toh aap yahan se suruaat kar sakte hain. subah subah chalna bahut hi aanand daayak hota hai, iska maza hi kuch aur hai, sath hi iske kayi laabh bhi hame milte hain toh aaiye jante hain ki chalne ke kya kya fayde ho sakte hain.

Rozana chalne se hamare pure shareer ki achchi tarah se kasrat ho jati hai. Hamare shareer me chusti furti bani rehti hai, sath hi hamare chehre par ek tarah ki lalima aur tej aa jata hai. Isse hamare shareer ka motapa bhi sahi tareeke se kam ho jata hai.

Benefits of Walking in Hindi

benefits-of-walking-in-hindi

Samay (Time):

Sabse pehli baat aati hai ki kis samay walk kiya jaye. Toh iske liye aap subah ya sham me se koi bhi waqt chun sakte hain lekin subah ka waqt walk ke liye sabse sahi maana jata hai. Sardiyon me suraj der se nikalta hai toh aap subah 5:30 se 6:00 baje tak uthkar walk par nikal sakte hain wohi agar garmiyon ka time dekha jaye toh garmiyon me suraj bahut jaldi nikal jata hai toh subah 4:30 baje walk par jaya ja sakta hai.

Shuruaat me aapko uthne me thodi pareshani aura alas ka saamna karna pad sakta hai lekin jab aap ek baar apni dincharya me ise shamil kar lete hain toh aapko isse achcha uar kuch nahi lagega.

Sthan (Place):

Dusri baat aati hai ki kaise sthan me walk karne ke liye jaya jaye. Toh ha kisi aisi jagah me ja sakte hain jahan charon taraf hariyali ho aur aapki aankhon ko hariyali dekhkar sukun prapt ho, aur agar chahe toh aas-pass ke kisi park ya garden me bhi walk ke liye jaya ja sakta hai.

Chalna ek bahut hi aasan se prikriya hai, isme aapko jyada shareer ko taaka nahi deni padti hai aur na hi aapke hath pairon par jyada jor dena hota hai. Is prikriya ko koi bhi vyakti asaani se kar sakta hai.

Chalne me bahut hi jyada anand prapt hota hai. Agar aap music pasand karte hain toh aap gaane sunte huye ya kisi bi tarah ka music sunte huye apni walk ko aur maze daar bana sakte hain. agar aap morning walk group me karne jate hain toh aapko aur jyada aanand aa sakta hai.

Kitna Chale:

Uske baad baat aati hai, kitna chale, toh pure din bhar me aapki dincharya me aap jitnachalte hain uske alawa aapko subah ya sham me kam se kam aadha ghanta chalna chahiye, lekin shuruaati dino me itna chal pana sambhav nahi ho pata hai isliye dheere deere 10 minute phir 15 minute karke apna walking time badaye . apni dincharya me ise jarur hi shamil karen. Ye aapke liye bahut faaayedemand hoga.

Kaise Chalen:

Ham tej tej bhi chal sakte hain aur dheere dheere bhi. Kayi log kehte hain ki tez chalna chahiye toh kuch bolte hain ki dheere chalna fayedemand hota hai. Lekin ye baat aapke shreer par nirbhar karti hai ki tez chalna hai ya dheere. Halaki subah aap jaise chahe waise chal sakte hai lekin sham me agar aap khana khane ke baad walk ke liye jate hain toh aap kosis Karen ki aap dheere dheere chaleb.

Paramarsh:

Jab bhi chalne me koi takleef mehsoos ho ya kisi bhi tarah ki pareshani ho toh turant apni chikitsak ( doctor ) ko dikhayen. Iske alawa ye baat jaroor yaad rakhen ki jab bhi aap subah suabh walk ke liye jaye toh aap apne pet ko khali karke jayen yai ki wash roo se free hokar jayen.

Jo bhi mousam ho us mousam ke anusaar kapde pehene. Jab bhi park me jayen toh wahan ki hari hari ghass par nange paw chale isse aankhon ki roshni tez hoti hai aur aankhon ki samasya se bhi mukti milti hai. Iske saath hi agar aapko dil se samandhit koi beemari hai toh aaraam se chale aur agar jyada pareshani lage toh turant apne doctor ko dikhayen.

Walking Benefits: Paidal Chalne ke Fayde:

  1. Chalne se aapke shareer me chusti furti bani rehti hai aur aapke shareer ki haddiyan majboot hoti hai.
  2. Chalne se aapko motape se mukti mil sakti hai kyuki iska asar pure shareer par barabar matra me hota hai.
  3. Isse kayi beemariyon se mukti milti hai, isse dipression bhi kam hota hai aur kayi cancer jaisi beemariyon ke hone ka khatra bahut kam hota hai.
  4. Roz subah walk karne se tanav kam hota hai aur ham khudko pehle se jyada tarotaaza mehsoos karte hain.
  5. Isse dil se sambandhit rogo se bacha ja sakta hai. Chalne se hamare rakht ka sanchaar sahi dhang se hota hai jisse hamara dil swasth rehta hai.
  6. Chalna bahut asaan prikriya hai, isme aapko kisi bhi tarah ki koi prikriya nahi karni hoti hai, aur ise kisi bhi aayu varg ka vyakti kar sakta hai.

Is prakaar yahan hamne aapko chalne ke kayi faydon se avgat karaya aur isko karne ke tareeko ko bhi bataya jinse aapko kayi laabh milenge. Yeh anya vyayaam ki tulna me sasta aur asaan hai. Toh ab der ki baat ki hai, suabh subah ki walk ka anand uthaiye aur sath hi isse hone wale fayedo ka bhi.