Breast Cancer Symptoms in Hindi – Stan cancer mahilao mai hone wali ek khatarnaak bimari hai, jo agar apne charam par pahuch jaye toh mahila ki mout bhi ho sakti hai. Darasal jyadatar mahilaye apne breast ki dekh bhal par dhyan nahi deti hai aur sahi samay par iske bare mai pata na chalne ke kaaran wo iss pareshani ka shikar ho jati hai.

Breast cancer mahilao mai tezi se badti hai aur ek gambhir samasya ban jati hai. Iska pramukh kaaran yeh bhi hai ki logo ko iske bare mai puri aur sahi jankari nahi hoti hai.

Agar mahilao ko stan cancer se judi sahi jankari ho toh wo iss pareshani se bach sakti hai. Aaj ham apne iss article mai breast cancer se jude kuch tathya aur uske lakshano ke bare mai baat karege. Jisse aap iske bare mai jankar iska sahi samay par ilaaj aur dekh bhal kar sake.Iss tarah agar stan cancer ke lakshano ko aap jan le toh aap isse bach sakti hai. Toh aaiye jante hai breast cancer symptoms in hindi.

Breast Cancer Symptoms in Hindi – 6 Lakshan Cancer Ke

breast cancer symptoms in hindi - stan breast pictures

1) Breast mai pain hona:

Breast cancer ka ek sabse bada lakshan hai breast mai pain hona. Waise toh mahilao ko masik dharm aane se pehle bhi breast mai pain hota hai, lekin yadi aapko agar yeh dard lambe samay tak rehta hai toh yeh breast cancer ke kaaran bhi ho sakta hai. Iss tarah agar aapko iss tarah ki koi pareshani hai toh doctor ko jarur dikhaye aur apna checkup karaye.

2) Breast mai sujan aana:

Agar aapke stan mai sujan aa rahi hai aur aksar ye sujan bani rehti hai, jo ki lambe samay se hai, toh aapko jarurat hai ki aap iska checkup karaye. Kyuki yeh baat nazar andaj karne ke layak nahi hai, ye jaruri hai ki aap iska pura checkup karaye aur doctor se jaruri paramarsh le.

3) Stan mai changes aana:

Agar aapke breast mai asamanya tarike se changes aa rahe hai, ya phir aapke stano ka akaar asamanya tarike se bad raha hai, nipple laal ho rahe hai ya phir unmai khoon aa raha hai, iske alawa bagal mai sujan aa rahi hai, toh ise nazar andaj na kare aur jaldi hi doctor ko dikhaye. Kyuki yeh bhi breast cancer ka shuruaati lakshan hai.

4) Breast mai infection hona:

Agar aapke stano mai kisi tarah ka infection ho raha hai aur iske kaaran aapko stano mai itching ho rahi hai, jiske kaaran aapke stano mai laal-laal nishan ban gaye hai. Sath hi aapko iss infection ke kaaran takleefo ka samna karna pad raha hai toh yeh stan cancer ho sakta hai. Isliye agar aapko iss tarah ka koi bhi lakshan dekhne ko milta hai toh jaruri doctori paramarsh le.

5) Breast mai kisi tarah ki ganth hona:

Agar aapko apne stan mai kisi bhi tarah ki ganth ka anubhav hota hai toh turant hi doctor ko dikhaye, kyuki yeh ganth samay ke sath bahut hi jaldi badti hai. Yeh bhi breast cancer ka ek symptom hai.

6) Stan mai chot hona:

Agar aapko stan mai kisi tarah ki chot lag gayi hai aur yeh ilaaj ke baad bhi thik nahi ho rahi hai aur jarurat se jyada samay le rahi hai, sath hi takleef de rahi hai toh iss samasya ka sahi tarike se ilaaj karaye aur cancer ka checkup karaye. Yeh bhi stan cancer ka shuruaati lakshan hai.

Iss tarah upar aapne jana ki stan cancer ke shuruaati lakshan kya-kya ho sakte hai. Toh agar aap bhi apne stano ki dekhbhal nahi karti hai toh unki dekhbhal kariye aur agar inn mai se koi bhi takleef ka samna aap kar rahe hai toh jarur hi doctor ko dikhaye, kyuki agar sahi samay par breast cancer ka pata chal jaye toh iska ilaaj sambhav hai aur aap breast cancer jaisi khatarnaak bimari se bach sakte hai.


Breast Cancer (Stan) Se Jude Kuch Tathya aur Test

Agar dekha jaye toh bhartiya mahilao mai stan cancer ke hone ki ausat umar (Average age) lagbhag 47 saal ho gayi hai..

Pashchimi desho ki tulna mai bhartiya mahilao ko kam umar mai hi stan cancer hone ka khatra bana rehta hai. Agar dekha jaye toh bhartiya mahilao mai stan cancer ke hone ki ausat umar (Average age) lagbhag 47 saal ho gayi hai, wohi agar pashchimi desho mai dekha jaye toh yeh umar unse 10 saal kam hai. Lekin agar sahi jankari rahe aur sahi samay par iski pehchan kar li jaye toh sahi ilaaj ke dwara iss samasya se bacha ja sakta hai.

Important Points to Remember – 

  • 30 saal ki umar ke baad mahila khud apne stano ka analysis kare
  • 40 hone ke baad har mahila ko saal mai ek baar apne breast ka checkup kisi breast specialist se karana chahiye. Iss tarah agar mahilaye apna dhyan rakhegi toh iss bimari se bacha ja sakta hai.
  • Agar mahilao ko unke breast cancer ka shuruaat mai hi pata chal jaye toh unka 90 se 95% safal ilaj ho sakta hai aur jin mahilao ko iske hone ke baad pata chale toh unko apne breast ke uss bhag ko operation ke dwara nikalna pad sakta hai.

Kayi baar stan mai ganth pad jati hai, yeh bhi cancer ho sakta hai aur breast mai hone wali ganth ko monography ke dwara check kiya ja sakta hai sath hi isse breast cancer ka bhi pata lagaya ja sakta hai. Iske alawa 30-35 saal ki mahilao ko monography jarur karwana chahiye.

Iss tarah stan cancer se bachne ke liye mahilao ko iske prati aware rehne ki jarurat hai. Iske alawa agar aap smoke karti hai, drink karti hai toh iss sab ko chorne ka prayas kare, kyuki kayi baar yeh bhi breast cancer ka kaaran ban jata hai. Iske alawa bhi iske kayi kaaran hai.

Toh upar aapne jana breast cancer symptoms in hindi ke bare mai aur sath hi jane uske kuch tathya. Jisse aap breast cancer ke bare mai jankari rakh sakte hai jo ki har mahila ke liye bahut jaruri hai.