Bukhar ko hum mousam ke badlaav ke sath hi apne aas-pass dekh sakte hain. Jaise hi mousam me kisi bhi tarah ka badlaav aata hai, uske sath hi hamare shareer me rog pratirodhak kshamta (capacity) me bhi utaar chadav hota rehta hai, jisse bukhar, sardi aur khasi jaisi cheezon ka hona aam baat hoti hai. Mousam ke badlaav ke sath hi hume bukhaar aana ek mamuli si baat lagti hai. Jyadatar viral fever bekaar hota hai, jo ki hame dusron ke dwara bhi ho sakta hai.

Waise toh fever sabhi ko aata hai lekin yadi hum samay par iske lakshano (symptoms) se ise pehchaan le toh iska ilaj ghar me hi kiya ja sakta hai. Bukhar ke ilaj me puri tarah saavdhani barat kar iska ilaj sambhav aur asaan hai.

Bukhar ka infection jab bahut jyada bad jata hai aur infection ke dwara ye apni jagah liver me bana leta hai aur jab bhi liver me koi prolem hoti hai toh isse piliya ho sakta hai. Iske badne par ye aur pareshani badata hai, jaise ki badan dard, sar me dard, bhookh nahi lagti aur ultiyan bhi hone lagti hai. Iske liye ghabrane ki baat nahi hai, in sabhi pareshaniyon ka ilaaj bahut hi asaan hai. Bukhar ka Ilaj kuch gharelu jinka upyog karke aap in sab pareshaniyon se bach sakte hain.

Bukhar ka Ilaj – 5 Raambaan Gharelu Nuskhe Viral Fever ke Liye

bukhar ka ilaj - viral fever in hindi

1.Body Mai Pani ki Kami se Bache: Jab bhi aapko fever ho tab aapko shareer me pani ki kami hone se bachna chahiye. Bukhar ki halat me khoob pani pina chahiye kyuki pani pine se hamare shareer ko oxygen milta hai aur pani se hamare shareer ke vishaile (poisonous) padarth bahar nikal jate hain, sath hi aapke shareer ki rog pratiodhak kshamta bhi badti hai.

2.Bharpoor Bhojan Karen: Jab aap bukhar se grasit rahe tab achchi tarah bhojan ka sevan Karen, kyuki agar aap achchi tarah bhojan nahi karenge toh aapko kamjori hogi aur kamjori hone par aapka bukhaar kam nahi hoga. Isliye samay par aur sahi bhojan jaroor le jo postik tatvo se bharpoor ho.

3.Sirke ka Istemal: Sirke ka istemaal bhi aap bukhar ko kam karne me kar sakte hain. Iske liye aap chahe toh ek bucket nahane ke pani me aadha chammach sirka milakar naha sakte hain, ya phir aap aalu ke piece kar le aur in pieces ko sirke me daal de aur sirke me dubone ke baad in aalu ke pieces ko apne mathe par rakh le, isse aapko bukhar me araam milega.

4.Adrak aur Tulsi ki Chay: Jab bhi hume viral fever hota hai toh wo sardi, khasi aur gale me dard ke sath hi hota hai. Jiske liye adarak aur tulsi ki chay ek raam baan ilaj hai. Adrak wali chay pine se gale me hone wala dard kam ho jata hai. Agar di me 2-3 baar adrak ki chay pi li jaye toh isse gale ke dard me raahat toh milti hi hai sath hi bukhar me bhi araam milta hai.
Tulsi ke paaton ki chay bhi bukhar me hamare liye laabhkari hoti hai. Is prakaar 10-12 tulsi ki pattiyan aur 8-10 kaali mirch ki chay banayi jaye toh is chay se sardi, khasi aur bukhar me araam milta hai. Agar aap chahe toh tulsi, adram aur kaali mirch ko milakar bhi chay banakar pi sakte hain.

You may also like: Sardi aur Khansi Ke Liye Gharelu Nuskhe

5.Lahsun ka Sevan Karen: Lehsun ke sevan se bhi aapka viral fever thik ho sakta hai, iske liye aap kachche lehsun ke tukde karke kha sakte hain. Sath hi aap chahe toh lehsun ki 2 kaliya nikale aur ise tel me garam kar le, isko garam karne ke liye aap olive oil ka istemaal kar sakte hain . Iske baad aap is tel ko apne talwo me lagakar achchi tarah malish karke aur kisi kapde se lapet kar so jayen. Isse aapka sardi-khasi thik hoga hi aur sath hi aapka bukhaar bhi kam hoga.

6.Pani ki Pattiyan: Bukhar ke liye aap kapde ki pattiyon ko pani me bhigo le aur ise apne mathe par rakh le isse bhi aapko bukhar me araam milega. Dhayaan rahe ki pani aur kapada dhono hi saaf ho aur pani jada thanda na ho.Is prakaar hamne aapko yahan bataya ki aap gharelu upchaar dwara sardi, khasi aur bukhar se kaise chutkaara pa sakte hain.

Bukhaar se bachne ke liye apne shareer me kamjori na aane de, samay samay par sahi bhojan le aur sath hi dehydration se bachne ke liye pani ka khoob sevan Karen aur khudko beemar hone se bachaye.

Toh ab der kis baat ki hai,in gharelu upchaaron ka prayog kar ke bukhar ka ilaj kiya ja sakta hai.