Chukandar Benefits in Hindi – Chukandar laal rang ka dikhayi dene wala aisa fal hai jiska upyog ham salad ke rup me karte hai ya phir juice ke rup me karte hai. Agar aapne iska prayog kiya ho toh aapne dekha hoga ki jab bhi aap ise cut karte hai toh aapke hath bhi laal ho jate hai. Is tarah kayi log ise khoon ko badane wala fal bhi mante hai, jin logo ke sharir me khoon ki kami hoti hai un logo ko isko khane ki salah di jati hai. Laal rang ka ye fal aapke swasth ke liye bahut labhdayak ho sakta hai. Iska prayog kayi bimariyo jaise hypothesis, piliya aadi pareshaniyo ko dur karne me kiya jata hai.

Agar dekha jaye toh chukandar ka prayog aap salad ke rup me karne ke sath sath sabji ke rup me bhi kar sakte hai. Chukandar hamare pachan tantra ko thik rakhta hai aur sath hi hamari aankhon ki roshni aur hamare sharir me khoon ko badata hai. Chukandar me kayi tarah ke tatva jaise calcium, sodium, iron aur phosphorus paye jate hai, sath hi isme folic acid upasthit hota hai jo ki garbhvati mahilao ke liye bahut hi jyada labhdayak hota hai.

Iske alawa agar baat ki jaye toh kayi shodho se ye baat pata chali hai ki jin vyaktiyo ko uccha rakht chaap (high blood pressure) ki bimari hoti hai, un logon ke liye chukandar ka juice bahut labhdayak hota hai. Is tarah agar high blood pressure wala vyakti ek glass chukandar ka juice pi le toh ek ghante ke andar hi uske rakht chaap ko niyantrit kiya ja sakta hai. Is tarah chukandar (Beetroot) hamare liye kayi tarah se labhdayak hai, toh aaiye jante hai ki chukandar se hame kya kya health benefit ho sakte hai.

Chukandar Benefits – Beet Root Se Hone Wale Fayde

Chukandar Benefits

Khoon ki kami ko dur karta hai: Jin logo ke sharir me khoon ki kami hoti hai un logo ko chukandar ka sevan karna chahiye. Chukandar ko wo log ya toh salad ke rup me kha sakte hai ya phir iska juice bhi pi sakte hai. Kayi log sabji bana kar bhi iska sevan karte hai. Chukandar aapke sharir me khoon ki kami ko dur karke anemia jaisi bimari se bhi aapko dur rakhta hai.

Dil ko rakhe swasth: Chukandar me kuch aise tatva paye jate hai jo ki hamare dil ko swasth rakhne me madad karte hai. Is tarah chukandar me paya jane wala nitrate namak rasayan, rakht ke dabav ko kam karta hai. Isme butane namak tatva bhi paya jata hai jo ki rakht ka thakka jamne se bhi rokta hai. Iske alawa chukandar ka juice pine se aapko heart attack jaisi bimariyo se bhi chutkara mil jata hai aur ye hamare rakht ke sanchar me bhi madadgar hota hai. Toh agar dekha jaye toh chukandar hamare dil se sambandhit bimariyo ko hamse dur rakhta hai.

Diabetes ke rogiyo ke liye madadgar: Jin logo ko madhumeh ki bimari hai un logo ke liye chukandar bahut hi labhdayak hai. Chukandar me paya jane wala antioxidant khoon me sugar level ko badne se rokta hai aur sath hi use niyantrit rakhta hai. ISke alawa agar dekha jaye toh chukanda, sharir ki insulin sensitivity ko bhi rokta hai. Iss tarah ye diabetic patient ke liye bahut faydemand hai.

Pachan ko thik rakhta hai: Chukandar ka sevan aapke pachan ko thik rakhne me bahut madadgar hota hai. Jin logo ko kabj rehta hai aur jinka digestion thik nahi rehta hai un logo ke liye chukandar bahut labhdayak hota hai. Iske alawa pet se sambandhit har tarah ki bimariyo ko dur rakhta hai. Bawasir jaisi bimari se nijat pane ke liye chukandar ka prayog kiya jata hai, iske liye roz raat ko sone se pehle chukandar ka juice piker sona chahiye. Chukandar ka ras pet mai pathri banne se bhi rokta hai aur peshab me hone wali jalan ko bhi kam karta hai.

Twacha ko rakhe swasth: Chukandar hamari twacha ko sundar banane me bahut madadgar hota hai. Chukandar ka ras twacha ko kayi tarah ke daag dhabbo aur keel muhaso se bachane me sahayak hota hai. Iske alawa ye hamari twacha me lalima lata hai aur twacha ko chamakdar banana me sahayak hai. Chukandar ke ras mai tamatar ka ras aur haldi powder ko ghol kar pine se twacha me chamak aati hai aur sath hi hamari twacha bhi mulayam banti hai.

Energy level ko badata hai: Chukandar me paye jane wale carbohydrates, sharir ke energy level ko badate hai aur sath hi ye hame bukhar aur khasra jaisi bimariyo se bhi bachata hai. Chukandar ke sevan dwara hamare sharir ki thakan dur ho jati hai sath hi ye hamare alas ko bhi dur bhagata hai.Yaddasht ko badata hai: chukandar me paya jane wala choline namak nuitrition hamari yaddasht ko badata hai, jisse hamari yaad rakhne ki kshamta badti hai aur sath hi hamara dimak bhi swasth rehta hai.

Tanav ko kam kare aur dimak ko rakhe thik: Chukandar tanav ko kam karne me bhi hamari mada karta hai, ji haan chukandar hamare dimag me oxygen ke pravah ko banaye rakhta hai, jisse hamare dimag me rakht ka sanchar sahi dhang se hota rehta hai. Jisse ye hamare dimag ke tanav ko kam karne me sahayak hota hai. Iske alawa jin logo ko pagalpan ke doure padte hai, un logo ke liye bhi chukandar bahut sahayak hota hai ye pagalpan ke douro ko bhi kam karne me sahayak hota hai.

Cancer rogiyo ke liye labhdayak: Chukandar cancer rogiyo ke liye bhi labhdayak hota hai. Chukandar mai betacyanin paya jata hai, jiske karan iska rang halka bhura aur baigni hota hai, yahi kaaran hai ki ye cancer jaisi khataranak bimariyo se ladne me hamari madad karta hai. Is tarah ye cancer ke rogiyo ke liye bahut labhdayak hai.

Is tarah agar dekha jaye toh chukandar yani ki beetroot aapko har tarah se faydemand hai, iska sevan karne se aap kayi tarah ki bimariyo se bach sakte hai sath hi ye aapke sharir ko bhi swasth rakhta hai. Yadi chukandar ko direct khane me aapko pareshani hai toh aap ise dusri salad ke sath mix karke kha sakte hai, iske alawa aap chahe toh iski sabji bana kar bhi iska sevan kar skate hai. Iske alawa agar aap iska juice bhi nahi pi pate hai toh iske juice me kisi dusre fal jaise seb, santra aur nimbu ka ras mila kar bhi pi sakte hai. Is tarah aapko ye pine me bhi achcha lagega aur aapka swasth bhi achcha rahega.

Upar aapne jana ki chukandar se aapko kis kis tarah se labh mil sakte hai aur aap ise kis tarah se apne ahaar me shamil kar sakte hai, toh ab der kis baat ki hai aaj hi ise apne ahaar me shamil kariye aur swasth rahiye.

Health Tips in Hindi – Video in Hindi Language

LEAVE A REPLY