Dulhan Makeup – Har ladki chahti hai ki wo apni shaadi me bahut sundar aur sabse alag dikhe. Lekin kayi baar makeup iss tarah se kiya jata hai ki ladki ki prakritik sundarta make up ke neeche dab jati hai. Jise ladki ko pehchanna hi mushkil ho jata hai. Aaj ham apne iss article me aapko kuch aise tips dene ja rahe hai jisse dulhan make up karane wali ladkiyo ko pata chalega ki unhe apni shadi ke samay kis tarah ka makeup karana chahiye.

Aam taur par dekha jata hai ki jab bride ka makeup kiya jata hai toh uske chehre par itna makeup laga diya jata hai ki usi twacha ke upar make up ki ek moti parat chad jati hai, jise ladki ka chehra make up ke kaaran  safed dikhayi dene lagta hai. Makeup aisa hona chahiye jo aapke look ko nikhar de. Makeup aisa nahi hona chahiye jo aapke look ko hi puri tarah se badal de, lekin aaj ke samay me iss tarah se make up kiya jata hai jisse look puri tarah se badal jata hai aur aap dulhan bani ladki ko ek dam badla hua dekhte hai.

Dulhan make up karte samay kuch baato ka dhyan rakhna behad jaruri hota hai aur jyadatar log iss baat par dhyan nahi dete hai.

Toh aaye iss article me aap janege ki aapko bridal makeup karte samay keen baato ka dhyan rahna jaruri hai. Toh aaiye jaante hai bridal makeup in hindi ke bare mai.

Dulhan Makeup Tips in Hindi – Bridal Makeup Karte Samay in Baato Ka Rahe Dhyaan

dulhan makeup tips in hindi

Apni twacha ki le jankari:

Aap apni shadi ki date se kam se kam 4 se 5 hafte pehle bridal booking karaye, jisse soundarya visheshagyo ke dwara aapko apni twacha ke bare me puri jankari mil sake. Apni twacha par bridal make up karane ke pehle face ka treatment behad jaruri hota hai, kyuki kayi baar twacha me kayi tarah ki pareshaniya hoti hai. Iss tarah 4-5 hafto me aap apni twacha ka acchi tarah se treatment kara sakti hai.

Make up se pehle:

Make up se pehle jaruri ye hai ki aap apne face par barf ko laga le, kyuki barf lagane se makeup chehre par jyada der tak tika rehta hai. Iss tarah make up ko lambe samay tak tikane ke liye barf kafi madadgar mana jata hai. Iske alawa makeup se pehle twacha ki brooming jarur kare.

Kis tarah ka makeup ho:

Kayi baar shadi din ki hoti hai, aise mai dulhan ko aisa make up karna chahiye jo ki halka ho, kyuki din ke samay halka makeup hi accha lagta hai. Agar shadi ka function raat ke samay ka hai toh aise me bride ka make up thoda sa heavy hona chahiye. Sath hi make up chehre ke rang aur banabat ke hisab se hona chahiye.

Makeup ho vastvik:

Make up iss tarah ka hona chahiye jo aapke vastvik rup ko ubharne, na ki aapki vastvik sundarta ko dabaye. Kyuki aaj ke samay me iss tarah ka make up hota hai jisme dulhan ki twacha par make up ki ek moti parat daal di jati hai, jisse wo vastvik rup me dikhayi nahi deti hai. Isliye vastvik make up karna chahiye.

Blusher ka istemal:

Blusher ka istemal hamesha dress aur skin tone ke hisab se hi karna chahiye. Iss tarah aapka dress, skin tone aur aapki jewelry ka match hona toh jaruri hota hi hai, sath hi aapka make up bhi in sab se match hona chahiye.

Foundation ka istemal:

Foundation ko choose karte samay ye dhyan rakhe ki foundation skin tone se ek tone jyada white ho aur foundation ko dono hatho par jarur lagaye sath hi aankho par bhi iska istemal kiya jata hai.

Kis tarah ka ho eye makeup tips:

Eye makeup karne ke liye sabse pehle aankho par foundation lagana chahiye, kyuki isse aankho ki sundarta mai char chand lag jate hai. Sath hi palkon par transparent mascara lagaye, jisse aankhe attractive nazar aati hai. Iske alawa eyebrows ka make up tab hi kare jab chehre ka pura make up ho jaye.

Hontho (lips) ka makeup:

Hontho ka makeup karte samay lipstick lagane se pehle lip base lagana jaruri hota hai, iske baad liner ko lagaye aur shade ko fill kar de. Iske baad shiner ka istemal kare. Ye bahut jaruri hota hai ki lipstick ka shade bride ki dress se match kare.

Pure sharir par de dhyan:

Bride ka make up karte samay ye dhyan rakha jaye ki uske pure sharir par dhyan diya jaye kyuki kayi baar hamare chehre ke colour se hamare hath pair ka colour match nahi karta hai. Kayi baar haath pair gande hone ke kaaran puri sundarta bhi kharab ho jati hai. Isliye bride ki har cheez par dhyan dena jaruri hai.

Iss tarah upar aapne jana ki shadi ke samay bride ko kis tarah se make up karna chahiye. Toh agar aapki bhi shadi hone wali hai aur aap jaldi hi dulhan banne wali hai toh inn tips ko apnaye aur apni shadi par sabse alag aur sundar dikhe.

LEAVE A REPLY