Elaichi do prakar ki hoti hai, choti aur badi elaichi. Elaichi ka prayog hamare masalo mai kiya jata hai, choti elaichi hamare meethe pakwan banane ke kaam aati hai aur unmai swaad aur sugandh bhar deti hai. Iske alawa kayi log apne muh ka swaad thik karne ke liye bhi iska prayog karte hai, yeh ek mouth freshner ke rup mai bhi prayog mai laya jata hai.

Iske alawa agar baat ki jaye toh elaichi mai kayi tarah ke vitamin paye jate hai jo ki hamare sharir ke liye faydemand hote hai, sath hi iska sevan hamare sharir ke liye bhi behad faydemand mana jata hai. Iss tarah elaichi ka sevan aapke swasth ke liye labhdayak ho sakta hai. Toh aaiye aaj yaha iss lekh mai jante hai Elaichi (Cardamom) ke health benefits ke bare mai.

8 Elaichi Benefits and Side Effects

Elaichi Benefits - Cardamom in hindi
Pachan ko thik rakhe: Jo log pachan sambandhi pareshaniyo se pareshan hai unn logo ko elaichi ka sevan karna chahiye, isse pet se sambandhi pareshani dur rehti hai aur pet ka pachan theek rehta hai aur sath hi pachan shakti majbut banti hai.

Anemia ko dur kare: Jin logo ke sharir mai khoon ki kami aa jati hai wo log anemia se grasit ho jate hai, aise mein elaichi aapke sharir ke liye faydemand sabit ho sakti hai. Darasal elaichi main iron, vitamin-C, copper, niacin and riboflavin paya jata hai, jo ki cellular metabolism aur red blood cells ke nirman mai madad karte hai.

Asthama ki pareshani mai faydemand: Elaichi ka sevan aapke fefdo main blood circulation ko badata hai, jo ki asthma ke patient ke liye labhkari hota hai aur isse asthma, sardi, khansi aur cough aadi pareshaniyo se bacha ja sakta hai.

Dil ke liye faydemand: Elaichi ka sevan dil ke liye faydemand mana jata hai. Darasal elaichi mai calcium, magnesium or potassium jaise minerals paye jate hai, jo ki hamare dil ke liye acche hote hai, Iske alawa ye minerals hamare heart rate ko bhi kam karne mai madadgar hote hai. Iss tarah elaichi hamare dil ke liye faydemand hota hai.

Anti-inflammatory gun: Haldi aur adrak ki tarah elaichi mai bhi kuch anti-inflammatory gun paye jate hai jo ki dard aur sujan ko kam karne mai sahayak hote hai. Iss tarah muh aur gale mai agar jalan aur swelling ki pareshani ho toh elaichi isse rahat dilane mai sahayak hoti hai.

Youn rogo ko dur kare: Elaichi youn rogo ko dur karne mai bhi madad karta hai, Iske alawa elaichi ka sevan napunsakta (Impotence) ko rokne mai bhi madad karta hai. Iss tarah agar aap youn rogo se bachna chahte hai toh elaichi ka sevan karna shuru kare.

Sex life ko sudhare: Elaichi ka sevan sambhog shakti ko badhane mai sahayak hota hai. Iske alawa iska sevan aap ki sex life ko majbut bhi banata hai. Iss tarah jab bhi aap sex karte hai toh elaichi ka sevan karne se ye aapko energy se bhar deti hai. Iss tarah yeh aapke sambhog jivan ko behtar banane ke sath-sath sex sambandhi pareshaniyo se bhi bachati hai.

Mouth freshner ke rup mai: Agar aap muh ki badbu aur durgandh se pareshan hai toh isse bachne ke liye aap elaichi ka sevan kare, kyuki elaichi mai acchi mahek aur kuch anti-bacterial gun paye jate hai jo ki aapke muh ki durgandh aur bacteria ko khatam karte hai. Jisse aap muh ki durgandh se bach sakte hai.

Iss tarah aaj iss lekh mai aapne jana Elaichi (Cardamom) ke health benefits ke bare mai. Toh agar aap bhi swasth rehna chahte hai aur sath hi upar batayi gayi pareshaniyo se bachna chahte hai toh elaichi ka sevan karna shuru kare. Isse aap upar batayi gayi pareshaniyo se bach sakte hai aur pareshaniyo se mukt reh sakte hai.