Aaj ke samay me ladka ho ya ladki sabhi saaf aur sundar twacha paana chahte hain, aur isko pane ke liye log mehengi se mehengi cream, lotion aadi ka prayog karte hain. Likin aaj hum janege swasth aur gori tawcha (Face Glow Tips in Hindi) pane ke gharelu upay

Fair skin pane ke liye bahut upaay kiye jate hain, lekin jab ghar par baithe hi gharelu cheezo se sundar twacha paayi ja sakti hai toh itni bhaagdoud kyun karna, lekin gori or sundar twacha itni aasaani se nahi milti, uske liye thode se prayaas aur dheeraj rakhne ki jarurat hoti hai.

Neeche hamne kuch aise upaay sujhaye hain jo aap ghar baithe hi kar sakte hain , aapko bahar ke kisi bhi product ki koi jarurat nahi padegi aur iske badle aapko chamakdaar twacha bhi milegi.

Face Glow Tips in Hindi – 12 Gharelu Upaye Fair Skin Paane Ke Tarike

1.Haldi: Jab bhi sundar twacha ki baat hoti hai toh haldi sabse pehle dimak me aati hai. Twacha ki rangat ko haldi ke kayi prayogon ke dwara nikhara ja sakta hai. Haldi me gulab jal ko milakar chehre aur garden par lagan chahiye aur saade pani se dho lena chaiye isse aapke chehre ki rangat barkaraar rahegi. Iske alawa aap haldi ka ubtan bhi banakar laga sakte hain, iske liye aap haldi me besan ya aata milakar usme malayi ke sath uska paste bana le aur chehre aur gardan par 10 minute tak lagaye aur uske baad thande pani se dho le, ye prayog jarror kaam karega aur aapke chehre par nikhar aayega.

2.Besan: Twacha (skin) ko gori aur sundar banane ke liye aap besan ka bhi istemaal kar sakte hain. Besan 2 chammach (spoon) me sarso tel (mustard oil) 1 chammach milakar usme doodh (milk) milakar paste bana le aur apne pure sharer par ise laga le, kuch samay baad ise hath se ragadkar nikaal le or naha le. Isse aapki twacha gori aur mulayam ho jayegi.

3.Chandan: Chandan toh prakriti ka vardaanmaana jata hai. Yeh keval aapki twacha ko sundar aur gora hi nahi banata balki aapki twacha se pimples aur skin ki elergy ko bhi door karta hai. Chandan powder me 1 chammach nimbu ka ras aur tamatar ka ras milaye aur paste banakar chehre aur gardan par achchi tarah se lagaye, thodi der baad thande pani se dho le, aapki twacha me samay ke sath hi nikhaar aayega.

Face Glow Tips in Hindi

4.Kesar: Kesar ke ubtan se bhi aap sundar glowing twacha pa sakte hain, iska ubtan banane ke liye dahi aur cream me thode se kesar ko daal kar achchi tarah se mila le, aur ise apne chehre aur gardan par achchi tarah se laga le aur sukhne ke baad ise dho le. Kuch hi dio ke prayog se aapki twacha me nikhaar aane lagega.

5.Kachcha Doodh: Kachcha dhoodh bhi twacha ke liye bahut hi laabhkaari hota hai. Sone se pehle kachche doodh ya thande doodh ko apne chehre par achche se lagaye aur thode samay tak ise chehre par rehne de, iske baad thande pani se dho le. Doodh aapke chehre ke liye cleanser ka kaam akrta hai isliye jab bhi aap kabhi bahar se aate hain aur makeup ko hatana chahte hain toh aap thande doodh ya kachche doodh ka istemaal kar sakte hai.

6.Shehad (Honey): Shehad ke lep se bhi chamakdaar sundar gori twacha payi ja sakti hai, iske liye aap shehad ke lep (paste) ko achchi tarah se chehre aur gardan par lagayen aur jab ye sukh jaye aur thoda chichipa hone lage toh apni ungliyon se apne chehre ki malish Karen. Jab achchi tarah se wo sukh jaye toh apne chehre ko gungune pani se saaf kar le ya dho le. Isse aapke chehre ka sukhapan kam hoga aur aapka chehra chamakdaar dikhega. Shehad se chehre ki twacha me kasaab(tightness) bhi aati hai.

7. Pani: Kabhi bhi shareer me pani ki kai na hone de. Jab bhi shareer me pani ki kami hoti hai toh isse hamari twacha rukhi aur bejaan ho jati hai, isliye damakti twacha ke iye jaroori hai ki aap khoob pani piye.

8. Santra (Orange): Santra ek aisa fal hai jiske chilke bhi aapki twacha ko chamkaane ke liye kaam me aate hain. Santra khane se ya uska juice peene se aapki twacha me nikhaar aata hai sath hi aap santre ke chilkon ko sukha kar unko pees kar uska lep bana sakte hain aur is lep ko apne chehre par laga sakte hain. Isse aapka chehra ek dam damakne lagega. Santre ka lep har tarah ki twacha ke log laga sakte hain.


Face Glowing Tips in Hindi – Face ke Saath Shareer Ka bhi Rakhe Dhyan

Dahi, shehad aur soyabean ke aate ka lep banakar lagane se bhi aapki twacha sundar aur swasth hoi. Iske liye 2 spoon soyabea ka atta le aur usme 1 bada chammach dahi mila le aur shehad bhi mila le, teeno cheezon ko achchi tarah milakar lep banakar apne chehre par laga le. Isse aapka chehre me sundarta ke sath hi kasawat bhi aayegi.

Achi Neend aapke pure shareer ki har kriya se judi hoti hai. Isliye kabhi bhi neend se samjhota na kare, din me kam se kam 6-7 ghante ki neend har insaan ke liye bahut jaruri hoti hai aur neend ka asar aapke chehre aur skin par bhi padta hai isliye neend puri jaroor Karen. Twacha ke liye hamesha prakritik utpado ka prayog Karen kyuki aaj bazaar me aise kayi utpaad uplabdh hain jo twacha ko gora banana ke liye hain lekin unse kabhi kabhi hamari twacha ko nuksaan bhi pahuch jata hai, isliye jitna ho sake apni twacha ke liye prakritik utpaadon ka hi prayog Karen.

Chironji, jaifal, gulab ke phool ki pattiyan aur badaam ko raat me doodh ke sath bhigo kar rakh de aur subah iska lep banakar chehre par lagayen toh aapke chehre par job hi daag dhabbe honge wok am ho jayenge aur lagataar iske prayog se aapka chehra bahut saaf ho jayega.

Is tarah hamne aapko kuch aise upaay sujhaye hain jo ki aap asaani se ghar me hi kar sakte hain iske liye aapko bahar jaane ki bhi jaurat ahi hai, isliye ab der na Karen aur in upaayon ka prayog karke apni twacha ko sundar aur aakarshit banaye.

LEAVE A REPLY