Chehre ke unwanted hairs ko chupane ke liye kayi log bleach ka sahara lete hai, iske alawa bleach karne se kuch samay ke liye aapka chehra chamakne (gora) lagta hai. Lekin kya aap jante hai ki chehre ka bleach karne ke liye aap bajar mai uplabdh jin products ka istemal karte hai wo aapke chehre ke liye nuksaan pahuchate hai aur bhi kai side effects ho sakte hai.

Ji haan, bleach karne ke liye market mai uplabdh products kuch samay ke liye toh aapke chahre ko chamak (skin lighting) dete hai, lekin baad mai ye aapke chehre ki twacha ko bahut jyada nuksaan pahuchate hai. Kyuki market mai uplabdh bleach mai kayi tarah ke rasayano ke alawa kayi aise tatva hote hai jo ki twacha par bura asar dalte hai.

Agar aapke chehre ko bleach ki jarurat hai toh kyu na aap thoda sa samay nikal kar ghar par hi bleach ready kar le. Kyuki ghar mai gharelu utpado ka prayog karke banaya gaya bleach aapki twacha ko nuksaan nahi pahuchata hai. Iss tarah ghar mai banaye gaye bleach ki madad se aap apne chehre ko bleach bhi kar sakte hai aur sath hi aapke chehre ko nuksaan bhi nahi pahuchega.

Toh aaiye jante hai gharelu bleach banane ki kuch aisi vidhiyo ke bare mai aur bleach kaise kare, jinse aap apne chehre ko bleach karke chamka sakte hai aur wo bhi bina kisi dush prabhav ke.

Fairness Tips in Hindi – 6 Skin Bleach Jo Ghar Mai Ready Ho Sakte Hai

1) Tamatar aur nimbu (Tomato and lemon):

Tamatar aur nimbu ki agar baat kare toh inme citric acid namak tatva paya jata hai, jo ki hamare chehre ki gandgi ko saaf karne mai madad karta hai aur sath hi ye hamare chehre ke unwanted hairs ki growth ko kam karke unke rang ko light karta hai. Toh tamatar aur nimbu ka bleach banana ke liye tamatar ke gude (Pulp) mai, fresh lemin water ko milaye aur usse apne chehre ko saaf kare. Iss prayog ko kuch dino tak karne se aapke chehre par nikhar aayega.

2) Jetun ka tel aur chini (Olive oil and sugar):

Chehre ko bleach karne ke liye aap chini aur jetun ke tel ka bhi istemal kar sakte hai. Chini bhi aapke chehre ko bleach karne mai madadgar sabit ho sakti hai. Iske liye chini aur olive oil ko milaye aur apne chehre par ise laga kar thodi der tak scrub kare. Isse aapke chehre ka achchi tarah bleach ho jayega aur chehre mai bhi chamak aayegi.

3) Kheera, gehu aur nimbu (Cucumber, wheat and lemon):

Kheera, gehu aur nimbu ko mila kar paste bana kar bleach ka paste taiyar kiya jata hai. Isse aap apne chehre ko bleach kar sakte hai. Iss misran ko banane ke liye kheera ko mixer mai grind kar le aur iss mai nimbu ka ras mila le. Ab iss misran ko katore mai dal le aur iss mai thoda sa gehu ka atta (Wheat flour) ya phir besan ko mila le. Ab taiyar paste ko apne chehre par laga le.

Fairness Tips In Hindi

4) Santra aur malayi (orange and cream):

Santra ka juice pine se aapki twacha ko bahut fayda milta hai, usi tarah iske chilke bhi aapke chehre ko bleach karne ke kaam aa sakte hai. Iske liye santre ke chilko ko sukha le aur sukh jane par inko pis kar powder bana le. Ab iss santre ke powder mai thodi si malayi mila kar paste bana le. Ab iss paste ko apne chehre aur garden par achchi tarah laga le aur 10 minute baad apne chehre ko saaf kar le.

5) Safed sirka:

Safed sirka mai vitamin-C paya jata hai, jo ki hamare chehre ke sunburn ko hatane mai madadgar hota hai. Iske alawa kayi log pimple ko hatane ke liye bhi sirke ka prayog karte hai. Usi tarah sirka ek tarah se toner ka kaam karta hai. Iske liye ek cotton ball ko sirke se bhigo le aur isse aap apne chehre ko saaf kare.

6) Haldi aur nimbu ka ras (Turmeric and lemon juice):

Haldi bhi aapke chehre ki sundarta badane ke har tarah ke face pack mai prayog mai layi jati hai. Chehre ka bleach karne ke liye bhi haldi ko,prayog mai laya ja sakta hai. Iske liye aap ghar mai hi pisi huyi haldi ka prayog kare, kyuki market mai uplabdh haldi ke packet mai milawat hoti hai jisse uska prayog karne se twacha ko nuksan pahuchta hai. Isliye khadi haldi ko grinder mai pis le aur powder bana le. Iss bane huye powder mai nimbu ka ras mila le aur paste bana le. Ab iss misran ko apne chehre aur garden mai laga le.

Iss tarah upar aapne jana ki kese kar sakte hai aap bleach aur bleach karne ke liye ghar mai kis tarah gharelu chezo ka istamal karke bleach ko taiyar kiya ja sakta hai.

Toh agar aap bhi bleach karne ke liye bahar ke products ka istemal karte hai toh unki jagah par gharelu utpado dwara taiyar bleach banaye aur apne chehre ko sundar banaye, wo bhi bina kisi side effect ke.