Mahilao main sex se sambandhit hone wali samasya

Aaj ke is pratispardha ke samay me har insaan itna vyast hai ki use kisi bhi cheez ka dhyan nahi rehta hai. Khass kar agar mahilao ki baat ki jaye toh aaj wo bhi purusho ke kadam se kadam milakar chal rahi hai. Lekin kayi baar wo apne is busy schedule ke kaaran apna dhyan rakhna bhool jati hai aur khudke bare me purna jaankari na hone ke kaaran bhi unhe kayi tarah ke rog gher lete hain.

Agar dekha jaye toh mahilao ko jyadatar rog yoni aur stan se related hi hote hain. Iska kaaran kya hai, iske bare me kya aapne kabhi socha hai? Agar is bare me vichar kiya jaye toh aap payenge ki jyadatar mahilao ko is bare me jankari hi nahi hoti aur agar unhe janakari hoti bhi hai toh wo aadhi adhuri hoti hai, jo ki kisi kaam ki nahi hoti hai.

Kayi baar mahilaye ghar aur bahar ke kaam me itni busy rehti hai ki wo tanav ka shikaar ho jati hai aur jiska seedha asar unke sex par bhi padta hai. Jisse unhe kayi prakaar ki sex samasya ho jati hai. Aaj ham is article me mahilao ko hone wali sex samasyao ke bare me hi discuss karenge.

Aaj ke samay me mahilao me ye pareshaniya badti hi ja rahi hai, iska ek seedha kaaran ye bhi hai ki jab unki pareshani choti hoti hai toh wo is par dhyan nahi deti hain aur na hi kisi tarah ki doctor ki salah leti hai, jis ka parinaam ye hota hai ki dheere-dheere karke ye pareshani bad jati hai.

Mahilao par kiye gaye ek survey me pata chala hai ki lagbhag 43% mahilao ko lengik vikaar paye jate hain. Is prakaar mahilao ko apni samasyao ke bare me purna jaankari hona bahut jaruri hai, jisse ki wo inse bach sake. Toh aaye aaj ham is article me jayenge ki mahilao ko kaun-kaun si sex samasyaye hoti hai.

Sex Problem Answer in Hindi – महिला सेक्स समस्या

female

Hormonal changes:
Jab mahilao ko periods shuru hote hain tab unke shareer me bahut se badlaav aate hain aur us samay unka vyavahar bahut chidchida bhi ho jata hai, jiska pramukh kaaran hai menstruation cycle ke kaaran hone wale hormonal changes. Isi tarah jab mahilaye sex karti hain tab bhi unke shareer mein kayi tarah ke changes aate hain aur kayi baar toh yeh hota hai ki wo garbhvati hone se bachne ke liye bhi dawa khati hai, jo ki kayi baar hanikarak bhi ho sakta hai. Isliye mahilao ko isse bhi sex se sambandhit pareshani ho sakti hai aur iske bare me mahilao ko puri jaankari bhi lena chahiye.

Ovary problem:
Kayi baar jab mahilaye sex karti hai toh sex karne ke douran safai na rakhne ke kaaran yoni ke dwar se kitanu hamare ovary me chale jate hain, jiske kaaran mahilao ko ovary se related pareshani ho jati hai. Ya phir kayi baar ye bhi hota hai ki hamare pubic hair ki thik se safai na hone ke kaaran ye hairs bhi sex prakriya ke douraan hamare yoni se ovary me chale jate hain, jiske kaaran hame ovary me problem ho jati hai.

White discharge ki problem:
Mahilao me white discharge ki pareshani bahut jyada dekhi jati hai. Isse mahilao me kamjori bhi aati hai aur ye mahilao ke shareer ko bahut nuksaan bhi pahuchata hai, isliye samay rehte is pareshani ka nivaran kar lena chahiye. Solution of early discharge problem in Hindi.

Sex karne ki iksha me kami:
Kayi baar mahilao me sex karne ki iksha me kami dekhi ja sakti hai. Ye pareshani bahut badi pareshani maani ja sakti hai, Kyuki isse mahila ke sathi partner ko pareshani ho sakti hai, sath hi sex shareer ki jarurat hoti hai. Isliye ye pareshani ka nivaran bhi bahut jyada jaruri hai.

Puri jaankaari na hona:
Jyadatar dekha gaya hai ki mahilao ko khudki bimari ke bare me jankari nahi hoti hai aur khas kar jab sex ki baat ki jati hai toh wo is tarah ki koi bhi baat puchne me bhi sharm mehsoos karti hai. Jiske kaaran unhe sex se sambandhit kisi bhi tarah ki pareshani ke bare me sahi tareeke se puri jaankari nahi mil pati hai, jis ka parinaam ye hota hai ki agar unhe sex samasya hoti bhi hai toh wo use sahi tareeke se samajh nahi pati aur pareshani bad jati hai.

Sex ke bare me khul kar baat na karna:
Koi bhi mahila sex ke bare me khul kar baat nahi karti hai. Knowledge ki kami ke kaaran mahilaye doctor se bhi sahi tareeke se jaankari nahi le pati hai. Khul kar baat na karne ke kaaran doctor bhi unki pareshani ko achchi tarah se nahi samjh sakta hai is liye jaruri ye hai ki kisi bhi tarah ki pareshani hone par mahilao ko apni pareshani ke bare me doctor ko khul kar batana chahiye.

Upar humne aapko sex se hone wali un pareshaniyo ke bare me bataya hai jo ki mahilao ko hoti hai. Isliye yadi aapko bhi inme se koi bhi pareshani hai toh jaldi hi kisi doctor ko dikhaye aur pareshani se chutkara payein. Kyuki kisi bhi sex samasya ko jyada badne nahi dena chahiye. Toh apni samasya ko dur Karen aur shareer ko swasth rakhe aur khud bhi swasth rahe.

2 COMMENTS

  1. bahut aacha articlehai sir ye kuch same problem meri wife ko bhi hai ab mujhe pata hai ki iska solution kya hai agar aap ispar video bana sake tho please mujhe jarur bataye

LEAVE A REPLY