Gale ka dard aur kharash ki pareshani kisi bhi vyakti ko ho sakti hai aur ye bahut hi aam si samasya hai. Kayi baar bahut jyada garam khadya padarth kha lene se bhi gala jal jata hai aur gale me dard hone lagta hai. Iske aur bhi kayi kaaran hai jisse gale me dard aur kharash utpanna ho jati hai. Gale ka dard aapke liye bahut si pareshaniya la sakta hai, isse bachne ke liye aapko upaay karna chahiye aur apni is pareshani ko dur karna chahiye, kyuki kisi bhi vyakti ke liye swasth rehna bahut jaruri hota hai.

Toh yahan aaj ham kuch aise upchaar batane ja rahe hain jinko aap bina doctor ki madad ke kar sakte hai aur isse aapko gale me aaram bhi milega.

Isse pehle yadi ham ye jaan le ki hamare gale me dard kis kaaran se ho raha hai toh iska upchaar karna aur jyada saral ho jata hai aur kayi baar toh iske kaaran jaan lene se ham gale ke dard se bhi bach sakte hain. Toh aaiye jante hain gale me dard aur kharash hone ke kaaran.

Waise gale me dard aur kharash hone ke kayi kaaran ho sakte hain, jasie kayi baar hamara gala kuch garam cheez ka sevan karne se jal jata hai aur hamara gala chil jata hai jiske kaaran hame gale me dard hone lagta hai. Is sab ke kaaran kayi baar hame gale me sujan aa jati hai aur hamara dard bahut jyada bad jata hai. Yahan ham kuch kaaran bata rahe hain jinse hame gala dard ho sakta hai.

• Bahut jyada jor se chilla kar baat karne se.
• Smoking karne se bhi gale ko nuksaan pahuch sakta hai.
• Sardi hone se bhi gale me dard ho sakta hai.
• Lungs me cough jama hone par.
• Viral infection.
• Air pollution.
• Allergy.

Ye kuch aise kaaran hain jinse hame gale me dard ho sakta hai. Toh aaiye ab jante hain ki gale me dard hone par uska upchaar ghar par kis tarah kiya jaye.

Gale Ka Dard Ka Illaj - Gale Me Kharash

Gungune pani ka istemaal karen: Jab aapke gale me dard ho toh sabse pehle upaay ye hai ki aap gungune pani ka hi sevan karen aur sath hi aap gungune pani me thoda sa namak milakar, namak wale pani se garare karen. Aapko gale ke dard me jarur araam milega.

Neem aur shehad: Neem aur shehad dono hi hamare gale ke dard me rahat pahuchati hain. Iske liye 2 chammach neem ki pattiyon ka ras le aur isme aadha chammach shehad mila le. Ab is mishran ko gungune pani me daal le, aur is pani se garare (gargle) karen. Is prayog ko karne se aapke gale ka dard thik ho jayega, lekin best result ke liye is prayog ko rojana karen, isse har tarah ke gale ka dard thik ho jata hai.

Palak (pinach): Palak ke dwara bhi gale ka upchaar kiya ja sakta hai. Iske liye palak ko pani me ubaal kar chaan le aur is chane huye pani ko gunguna hone de. Pani gunguna hone par is pani se garare karen, isse aapko gale ke dard me araam milega.

Nimbu ka ras: Nimbu ka ras bhi aapke gale ke dard ko thik kar sakta hai. Iske liye ek glass gungune pani me nimbu ka ras mila le aur is pani se garare karen, isse aapko gale ke dard me jarur araam milega.

Dhaniya chuse: Har 2-3 ghante me dhaniya ko chusne se bhi gale me araam milta hai aur gale ka dard bhi thik ho jata hai.

Shahtut: Shahtut gale ke liye bahut hi jyada laabhkari hota hai, ye har tarah ke gale ke liye fayda pahuchata hai. Iske liye shahtut ka ras pina chahiye. Isse aapke gale ke dard me bahut araam milega.

Glycerin aur phitkari: Thodi si phitkari le aur use bhun le, ab is bhuni huyi phitkari ko glycerin me mila le. Is tarah bane huye mixture ko gale me daal kar kulla karen. Isse gale me araam milega.

Ritha: Ritha ke chilke ko achchi tarah pees le aur iska ¼ bhaag shehad mila le. Ab is mishran ko us vyakti ko subah sham khana chahiye jisko gale me dard aur kharash ki shikayat aksar rehti hai. Is prayog ko karne se vyakti ko turant hi araam padega.

Toh yahan aapne jana ki kis tarah ham bina doctor ki madad ke gharelu upchar dwara apne gale ke dard aur kharash ko thik kar sakte hain. Agar aapko bhi gale ka dard aur kharash hai toh aaj hi inme se koi bhi upchaar ko apna sakte hain aur apne gale ka dard thik kar sakte hain.