Garbhpat Ke Lakshan (गर्भपात के लक्षण) – Garbh girne ki prakriya ko garbhpat kehte hai aur english mai ise miscarriage ke naam se jana jata hai. Yeh pareshani kam umar ki mahilao mai jyada payi jati hai. Darasal jab ladki ki shadi kam umar mai kar di jati hai toh kam umar mai mahilao ka sharir baccha paida karne ke liye taiyar nahi hota hai, jisse maa aur bacche dono ki jaan ko khatra ho jata hai.

Iss tarah miscarriage se bachne ke liye yeh jaruri hai ki hame iske lakshano ke bare mai pata ho, kyuki agar hame iske lakshano ke bare mai pata hoga toh hum iske prati jagruk rahege aur isse bachne ke liye upay kar sakte hai. Waise garbhavastha ke starting ke 3 mahino mai garbhpat ke case samne aate hai, lekin agar agle 3 mahine mai garbhpat ho toh aise mai mahila ki jaan tak ja sakti hai. Isliye iske prati sachet rehna bahut jaruri hai.

Iss tarah kayi baar garbhpat hone ka kaaran jankari ki kami hona bhi hai, is liye aaiye aaj ham aapko yaha batate hai ki garbhpat hone ke kya-kya lakshan ho sakte hai, jisse aap iske prati aware ho sake.

गर्भपात के लक्षण – Symptoms of Miscarriage in Hindi

garbhpat-ke-lakshan-miscarriage-in-hindi Sankuchan mehsoos hona:

Garbhavastha ke starting ke dino mai sankuchan mehsus hota hai, lekin agar yehi sankuchan jarurat se jyada ho toh ise halke mai na le, kyuki yeh garbhpat ka ek lakshan hai. Waise toh yeh mushkil se 15-20 minute ke liye hota hai, lekin agar yeh sankuchan isse jyada hai toh jaldi hi doctor ko dikhaye, kyuki yeh aapke liye nuksan dayak ho sakta hai.

Pet mai dard hona:

Kayi baar garbhwati mahilao ko pet ke nichle hisse mai dard hota hai aur waisa dard jaisa ki periods ke samay mahilao ko hota hai. Kayi baar iss dard ke saath saans lene mai bhi takleef hoti hai. Agar aapko bhi aisa kuch ho raha hai toh der na kare aur jaldi hi doctor ko dikhaye, kyuki yeh garbhpat ka ek lakshan hai.

Wajan achanak se kam hona:

Agar aap garbhwati hai aur achanak se aapka wazan kam ho gaya hai toh savdhan ho jaaye, yeh lakshan garbhpat ka hai. Adhiktar garbhwati mahilao apne sharir ke wazan kam hone ko aam baat samajh kar taal deti hai, lekin baad mai yeh unke liye ek badi pareshani le aati hai. Isliye agar aapke sharir ka wajan achanak se kam ho gaya hai toh iski jankari karne ke liye doctor ki madad le.

Breast ka sakht (Tight) hona:

Agar aapke stano mai kadak pan aa raha hai, ya phir aapke stan sakht (Tight) ho rahe hai toh yeh bhi garbhpat ka ek lakshan hai, iss lakshan ka pata chalte hi doctor ko dikhaye aur jaruri paramarsh le.

White ya pink discharge hona:

Agar aapki yoni se safed rang ka ya phir gulabi rang ka discharge ho raha hai toh ye baat nazar andaz karne ke layak nahi hai, yeh bhi garbhpat ka ek lakshan hai. Agar aapko iss tarah ka koi lakshan dekhne ko milta hai toh jaldi hi doctor ko dikhaye aur iska upchar kare.

Anya lakshan inhe bhi jane

  • Bukhar hona.
  • Kamjori hona.
  • Masik dharm ke sanket hona.
  • Peshab karte samay dard mehsus hona.
  • Yoni se khoon aana.
  • Bhroon ki heartbeat aur movement mai kami aana.

Iss tarah upar apne jana Garbhpat ke Lakshan(Symptoms Miscarriage in Hindi). Toh agar aap bhi garbhwati hai aur aapko upar bataya gaya koi bhi lakshan dekhne ko milta hai toh bina der kiye doctor ko dikhaye, kyun ki garbhpat hone se mahilao ki jaan tak ja sakti hai. Isliye ise andekha na kare.