Aaj ke samay mai acidity (Gas Problem) ki samasya aam baat ho gayi hai, kyuki jyadatar log kaam kaji hote hai aur iske chalte wo log fast food jyada khana pasand karte hai jo ki unki apach ka pramukh kaaran hai. Iss tarah samaaj mai acidity ki samasya aam ho gayi hai. Kayi baar toh logo ko gas ki pareshani ke kaaran dil mai bhi jalan ki samasya ho jati hai.
Apach ki samasya ke pramukh lakshan hai, bhuk na lagna, Dakar aana, pet ke upari bhaag mai dard hona. Iss douraan hamare pet mai halchal rehti hai aur hame dakare aate samay muh mai khatta swaad aata hai. Yeh samasya hame gas ke kaaran hi hoti hai.

Waise toh gas ki pareshani ke kayi kaaran hai, jinke bare mai hame jankari hona chahiye. Jaise ki jyada wajan hona, jarurat se jyada khana, tali huyi cheezo ka sevan karna, bahut jyada madak padartho ka sevan karna, khana khane ke turant baad hi so jana aadi iske pramukh kaaran hai. Toh aaiye jante hai isse chutkara pane ke kuch gharelu upaayo ke bare mai.

Gas Problem in Hindi – 8 Gharelu Illaj Acidity se Bachne Ke Liye

Gas (Acidity) Problem in Hindi

1) Papita (Papaya): Papita ka sevan aapko kabj aur gas se rahat de sakta hai. Papite mai pippin naam ka anzyme paya jata hai jo ki hamare sharir mai protein ko gholne mai madadgar hota hai. Iske alawa papite ke rojana sevan se aapki pachan shakti thik hoti hai aur aapko gas ki samasya nahi hoti hai. Jyadatar log khane ke kuch samay baad papite ka sevan karte hai, isse aapka bhojan sahi dhang se pach jata hai aur aapko pet dard aur gas ki pareshani se mukti milti hai.

2) Kela (Banana): Agar aap acidity (gas problem) ki pareshani se bachna chahte hai toh rojana ek kele ka sevan jarur kare. Kele mai paya jane wala fiber pachan ki samasya mai rahat dilate hai. Iske alawa isme paya jane wala potassium, pet mai acid banne wali kriya ko niyantrit karne ka kaam karta hai. Iss tarah ye acid ko banne se rokta hai jisse aap acidity ki pareshani se bach sakte hai.

3) Amrud (Guava) ka sevan kare: Amrud khane se bhi kabj aur acidity mai fayda milta hai. Amrud mai fiber, vitamins aur minerals paye jate hai, jo ki hamare sharir ke liye bahut labhkari hote hai. Fiber hone ke kaaran yeh kabj ko dur karta hai. Iss tarah iske niyamit sevan dwara kabj aur acidity ki pareshani ko dur kiya ja sakta hai.

4) Adrak (Ginger) aur nimbu (Lemon): Adrak aur nimbu bhi apki gas ki samasya ko dur karne mai labhkari sabit ho sakte hai. Iske liye ek nimbu ka ras nikal le aur adrak ko barik pis kar uska bhi ras nikal le. Ab inn dono ke ras ko mila kar iska sevan kare. Isso aapko kafi fayda milega.
Aloe vera: Aloe vera ka sevan aur aloe vera juice ka sevan aapke liye kafi faydemand sabit ho sakta hai. bahut se logo ko ye baat pata nahi hogi ki aloe vera juice ke dwara pet mai gas sambandhi pareshani se bacha ja sakta hai. Agar aap acidity se bachna chahte hai toh rojana khane se pehle aloe vera ka juice piye, isse aapko gas ki samasya nahi hogi.

5) Shehad (Honey): Shehad prakriti dwara prapt ek vardaan hai jo hamare sharir ke liye har tarah se faydemand hoti hai. Shehad mai kuch aushadhiya gun hote hai jo ki pet se sambandhit pareshaniyo se nijat dilane mai madad karte hai. Isliye agar aap acidity se bachna chahte hai toh rojana sone se pehle 2 chammach shehad ka sevan jarur kare.

6) Cabbage ka juice: Cabbage har ghar mai pakayi jane wali ek aam sabji hai, jo ki bazaar mai kahi bhi mil sakti hai. Iska ras hame gas ki pareshani se cutkara dilane mai madad karta hai. Iske liye cabbage ko kat le aur isko mixer mai dal de, ab iss mai gajar ke kuch tukdo ko kaat kar bhi dal de. Ab inhe pis kar inka ras nikal le. Ab iss ras ka sevan kare. Isse aapko acidity ki samasya mai araam milega.

7) Baking soda: Baking soda ke sevan dwara bhi aap gas se turant chutkara pa sakti hai. Agar aapke pet mai gas ho rahi hai toh aadha cup pani le aur usmai ek chammach baking soda ko daal kar pi le. Isse aapko turant hi acidity se chutkara milega.

8) Masaledar padartho ke sevan se bache: Kayi baar jyada masaledar padartho ke sevan ke kaaran bhi hame pet mai gas hone lagti hai , isliye agar aap kabhi bahar ka khana bhi khate hai toh jyada masaledar bhojan a kare. Kyuki ye aapko aur aapke pet ko takleef de sakta hai.

Yahan aapne jana gas problem in hindi ke liye gharelu upay ke dwara aap acidity ki pareshani se chutkara pa sakte hai. Toh agar aap bhi acidity ki pareshani ke kaaran pareshan hai toh inme se kisi bhi upaay ko apnaye aur acidity se chutkara paye.