Acidity and Gas Problem Solution in Hindi

Agar dekha jaye toh pet me gas ki pareshani se sabhi pareshan rehte hain. Jab bhi hamare pet ka khana sahi dhang se nahi pach pata hai toh ye samasya hamein hone lagti hai, iske alawa kabhi-kabhi khana na khane ke kaaran bhi hame ye pareshani ho jati hai. Agar dekha jaye toh pachan ki prakriya hamare liye bahut hi jayada jaruri hai aur pehchan ki prakriya se hamare pet me ek aisa acid nirmit hota hai jo ki pachan ke liye bahut jaruri hota hai. Lekin kayi baar aisa hota hai ki ye acid jyada matra me nirmit ho jata hai, jiske kaaran hamare pet me gas hone lagti hai aur isse hi ham acidity ki pareshani kehte hain.

Kayi baar ye pareshani hamare aniyamit khan-paan aur aniyamit jeevan shaily ke kaaran bhi ho jati hai. Is prakaar hame khud se koi bimari nahi hoti hai balki hum khud ise bulawa dete hai. Iske peeche bhi kayi kaaran hai, toh aaiye jaante hain ki pet me gas hone ke kaaran kya hain. Kyuki jab tak hamko ye pata nahi hoga ki hamare pet me gas hone ka kaaran kya hai, tab tak ham is pareshani se chutkara nahi pa sakte hain.

  • Subah breakfast na karna pet me gas hone ka kaaran ban sakta hai. Kyon ki kayi baar jab ham breakfast nahi karte hain toh hamara pet khali rehta hai aur ham ek lambe antaraal ke baad ho bhojan karte hain, jisse hamare pet me acid banna chalu ho jata hai aur parinam swaroop hame gas ho jati hai.
  • Jyada lambe samay tak pet khali rehne se bhi pet me gas ho jati hai, isliye jyada der tak bhook nahi rehna chahiye. Samay par ahaar le lena chahiye.
  • Khaan-Paan me aniyamitta to gas hone ka pramukh kaaran hai. ISliye khan-paan mein aniyamitta se bache.
  • Junk food ka jaruart se jyada sean karne se bhi aapko gas ho sakti hai. Roj-roj masaledaar bhojan karne se bhi bache.
  • Bhojan ko achche se chabakar na khane ke kaaran bhi pehchan sahi dhang se nahi ho pata hai, jiska parinaam ye hota hai ki pet me gas ho jati hai.
  • Jyada tension lene se aur neend puri na hone se bhi aapko acidity ki shikayat ho sakti hai.

Yahan upar aapne jaana ki gas kin kaarano se ho sakti hai. Aaiye ab jante hain ki gas ko pehchanne ke kya symptoms ho sakte hai, jisse aap ye jaan sake ki ye aapko gas hone ke kaaran ho raha hai.

  1. Pet me jalan hona.
  2. Seene me jalan hona.
  3. Khana khane ka mann na karna.
  4. Dakare aana.
  5. Mann kharab hona.

Upar aapne jaan ki gas ke symptoms kya ho sakte hain. Ab ham aage aapko is article me batayenge ki gas se bachne ke kya gharelu upay ho sakte hain. Toh aaiye jaante hai pet me gas se bachne ke gharelu upaay.

7 Gastric Problem in Hindi – Acidity and Gas Problem Solution in Hindi

Gastric Problem in Hindi

Pineapple ka juice: Jab bhi khana kahne ke baad pet adhik bhara hua aur bhari mehsus ho toh aadha glass taaze pineapple ka juice pijiye. Isse aapki sari acidity aur bechaini khatam ho jayegi, kyuki pineapple enzymes se bharpoor hota hai. Is prakaar pineapple ke juice ka sevan karne se aap acidity aur bechaini se bach sakte hain.

Nimbu: Nimbu hamare shareer ke liye har tarah se faydemand hai. Pani me simple nimbu milakar pine se seene ki jalan kam hoti hai. Iske alawa ek cup garam pani me ek chutki kali mirch aur aadha nimbu nichod kar niyamit roop se subah sevan karen. Isse aap acidity se bach sakte hain.

Sauf (fennel): Sauf bhi pet se sambandhi pareshaniyon ko dur karne me bahut labhkari hai. Sauf ka sevan karne se pet ki jalan dur ho jati hai.

Lahsun (Garlic): Lehsun ek aisa khadya padarth hai jo pet se sambandhit sabhi bimariyon ko dur karta hai aur ye asani se hamare kitchen me hi uplabdh ho jata hai. Is prakaar aap chahe toh subah subah khali pet iski do kali ka sevan kar sakte hai ya phir iska paste banakar bhi iske sevan kar sakte hain. Isse aapko bahut fayda milega.

Adarak (Ginger): Adrak bhi hamare pet ke liye bahut hi labhkari hota hai. Iske liye nimbu aur shehad me adrak ka ras mila le aur is misran ka sevan roz karen. Isse aapke pet ki jalan khatam ho jayegi.

Methi: Methi ke patte acidity ki pareshani me madadgaar hote hain. Iske liye aap chahe toh methi ke patto ka powder bana kar rozana iska sevan karen. Isse aap pet ki jalan aur acidity se bach sakte hain.

Elaichi: Elaichi ka sevan karne se aapko seene ki jalan me araam milega, isliye rozana ilaichi ka sevan karen. Iske alawa ek ilaichi aur long ka powder bana le aur is powder ka sevan bhojan karne ke baad mouth freshner ke rup me karen. Isse aapki acidity ki pareshani bahut hi aasani se dur ho jayegi. Acidity dur karne ka ye sabse saral aur achcha tarika hai.

Acidity and Gas Problem Solution in Hindi – Upar humne aapko acidity ke bare me bataya ki, iske hone ke kya kaaran ho sakte hai, iske symptoms kya hote hain aur isse bachne ke liye hum ghar me kya upay kar sakte hain. Toh ab der kis baat ki hai, hamare is article ke dwara acidity ke bare me achchi tarah jaan kar uska nivaran kijiye aur apne pet aur shareer ko swasth rakhiye.