Samanyatah mahilao ke shareer par safed rang ki dhariya hoti hain, unhe hum stretch marks kehte hain.

Dekha gaya hai jyadatar mahilayen apni twacha par hone wale stretch marks se pareshan rehti hai, kyuki kisi bhi mahila ke twacha par agar stretch marks honge toh wo uski khoobsurti ko kharab hi karenge.

Jaane Stretch Marks Hone Ke Kaaran

Stretch marks hone ke kayi kaaran se ho sakte hain, jisse aapki twacha par safed rang ki dhariya dikhayi dene lagti hai, toh aaiye hum aapko batate hai ki body par stretch marks hone ke kya kaaran ho sakte hain?

Hamari twacah 2 sataho (layers) me divide hoti hai.
(i) Dermis,
(ii) Epidermis

Gharelu Nuskhe for Stretch Marks in Hindi

Jisme se Epidermis upar (outer) wali layer hoti hai aur andar wali layer ko Dermis kehte hain. Jab bhi koi vyakti mota hota hai toh twacha me khichav (stretch) hona samanya si baat hai, lekin jan ye khichav bad jata hai toh bahar ki layer toh is khichav ko sehen kar leti hai lekin andar ki layer is khichav ko sehen nahi kar pati hai aur andar ki twacha ke tissues toot (break) jate hain, jiska parinaam (result) ye hota hai ki aapki twacha me safed dhariyan dikayi dene lagti hain.

Stretch marks mahilao me wajan badne ke kaaran ho jate hain, kyuki jab aapka wajan badta hai toh aapki twacha wajan badne ke kaaran bahut jyada stretch ho jati hai aur agar aise me aapka wajan kam ho jata hai toh wo stretch marks aur jyada ubhar kar dikhayi dene lagte hain. Iske alawa jab mahilaye garbhwati hoti hain toh bachcha hone ke baad bhi unko stretch marks jaisi pareshaniyon ka saamna karna padta hai.

Kayi baar dekha jata hai ki kam umar (age) me hi stretch marks ladkiyon ke shreer par aa jate hain, iska kaaran kabhi-kabhi hormonal changes bhi ho sakte hain. Iske alawa kayi baar ye samasya ladko me bhi dekhne ko milti hai.

Ladko ke kandho aur peeth me ye stretch marks dekhne ko milte hain. Ye un logon me dekhne ko milte hain jo log gym join karke body build karte hain, kyuki isse unke muscles bante hain aur hamare body bhi stretch hoti hai. Ye stretch marks naturally bahut hi mushkil se jate hain.

Toh ab ghabrane ki baat nahi hai, aap ghar baithe-baihe hi hamare is article me bataye huye gharelu upaayon dwara apne stretch marks se chutkaara pa sakte hain. Waise market me bhi stretch marks se chutkara dilane ke liye kayi prakaar ke utpaad (products) uplabd hain, lekin in utpadon me kayi prakaar ke aise rasayan istemaal kiye jate hain jo aapki twacha ko bhi nuksaan pahucha sakte hain, aur inke parinaam (result) ke bare me bhi kuch nahi kaha ja sakta.

Stretch Marks Hatane Ke Gharelu Nuskhe in Hindi

Stretch marks ke liye gharelu upaay aapki jaroor help kar sakta hain. Toh aaiye jante hain stretch marks hatane ke liye gharelu upaay.

1) Bharpoor Bhojan:

Achcha khan-paan har kisi ke liye jaruri hota hai. Koi bhi vyakti ho,use koi bhi pareshani ho agar wo postic aur sampoorna bhojan ka sevan karega toh use kisi bhi tarah ki koi pareshani nahi hogi. Bharpoor bhojan ka matlab hai aisa bhojan jisme sabhi tarah ke poshtic tatva moujood ho. Is tarah agar aap poshtic bhojan ka ahaar lete hain toh ye bhi aapke stretch marks hatane me aapki madad karta hai. Aap apne ahaar me Vitamin-E aur Vitamin-C wale fal aur sabjiyon ko shamil Karen kyuki vitamin-C aur Vitamin-E naye tissues ko banate hai aur purane tissues jo kharab ho gaye hai, unko regenerate karte hain. Isliye apne ahaar me fal aur hari sabjiyon ko jaroor shamil Karen.

2) Aloe Vera for Stretch Marks:

Aloe vera ek prakritik aushadhi (medicine) hai jo aapko kahi par bhi asaani se uplabdh ho jata hai, ye twacha ki shine ko badata hai aur dusri hi taraf iska istemaal diabetic persons karte hain. Iska upyog ulcer (pet ke chaale) se chutkaara pane ke liye bh kiya jata hai aur jab skin ki baat aati hai toh ye har tarah ki twacha ke liye laabhkari hota hai aur twacha ki har tarah ki pareshani ko door karta hai. Isme paye jane wale vital nutrients, jali huyi twacha ko bhi thik kar sakte hai.
Stretch marks hatane ke liye bhi aloe vera upyog me aata hai. Iske liye aloevera le aur uska guda (pulp) nikaal le aur apne stretch marks par laga le aur achchi tarah apne stretch marks par aloevera ke guda se massage Karen. Massage karne se twacha tone hoti hai aur usme paye jane wale enzyme kharab twacha ko hatakar nayi twacha ko late hain.

You may also like: Chehre Ke Daag Dhabbe Kaam Karne Ke Upay

3) Aalu (Potato):

Aalu ek aisa utpaad hai jiske dwara twacha ka kaalapan toh door hota hi hai saath hi iske ras me paye jane wale vitamins twacha me nayi koshikao ko banate hain aur twacha ko swasth rakhte hain. Aalu ke dwara stretch marks hatane ke liye aap aalu ko crush kar le aur usko apne stretch marks par achchi tarah laga le. Lagane ke baad thodi der rehne de aur uske baad gungune pani se dho le. Ya phir aap ye bhi kar sakte hain ki aalu ko thoda sa mota kaat le au rise apne stretch marks par laga le, thodi der rakhne ke baad ise bhi gungune pani se dho le. Isse aapke stretch marks dheere-dheere halke ho jayenge.

4) Jaitun ka Tel (Olive Oil):

Jaitun ka tel bhi stretch marks kam karne me bahut sahayak hota hai. Agar din me teen baar stretch marks par jaitun ka tel lagaya jaye toh stretch marks dheere-dheere halke hokar khatam ho jate hai. Iske liye jaitun ke tel ko halka gunguna garam kar le aur is tel se stretch marks par achchi tarah se halke hath se massage Karen, jisse tel me moujood vitamin-A, D aur E ko twacha achchi tarah avsoshit (absorve) kar le. Is prakaar malish karne se hamare blood ka circulation thik tareeke se hota hai. Malish ke baad oil ko twacha par kuch der ke liye rehne de. Isse aapki twacha ke stretch marks thik ho jayenge.

5) Baadaam ka Tel:

Badaam ke tel dwara bhi stretch marks ko door kiya ja sakta hai. Iske liye badaam ke tel me ek chammach (spoon) sugar aur kuch boonde nimbu ke ras ki daal kar achchi tarah milate hain. Ab is mishran ko nahane ke 10-15 minute pehle apne stretch marks par laga le aur thoda halke se rub Karen. Aisa karne se aapke stretch marks thik ho jayenge. Ye prayog ek mahine tak lagataar karne se aapko jyada achcha parinaam (result) milega.

6) Vyayaam:

Vyayaam ek aisi cheez hoti hai jisko karne wala vyakti bahut kam beemar padta hai, isliye apni dincharya me vyayaam ko jaroor hi shamil karna chahiye. Jahan stretch marks ki baat aati hai toh vyayaam karne se aapki body ka rakht sanchaar badta hai aur hamari twacha aur muscles bhi tone hoti hain. Isliye vyayaam ke dwara bhi kaafi had tak stretch marks ko thik kiya ja sakta hai.

Upar hamare dwara stretch marks ko hatane ke upaay bataye gaye hain, jinke dwara aapko gahrelu upaayon dwara apne stretch marks se mukti milegi aur aap bahar ke cosmetics ke upyog se bhi bachenge. Toh ab der kis baat ki hai hamare is article Stretch marks ke liye gharelu upaay me bataye gaye tips ka upyog aaj se karna shuru Karen aur apne shareer ke stretch marks hataye.

LEAVE A REPLY