Irregular periods ek aisi samasya hai jisse aaj ke samay me har dusri ladki pareshan hai. Mahilao ke liye yeh ek bahut hi searious aur badi pareshani hai. Isse swasthya sambandhi bahut sari samsyaye judi hoti hain.

Ye samasya yahin tak hi seemit nahi rehti hai kyuki aage chal kar jab ladki ki shadi hoti hai tab yadi use time to time priods nahi hote hain toh wo maa nahi ban sakti hai.

Periods irregular hone se iske alawa bhi bahut sari sharirik pareshaniya aane lagti hain. Isliye samay rehte is samasya ko jaldi se jaldi khatam kar dena chahiye aur jitne jaldi ho sake is samasya se chukara pa lena chahiye.

Girls Period Problem in Hindi – Irregular periods Ke Karan

Jab kisi mahila ko ek mahine me 2 baar, ya phir 2-3 mahine me ek baar, ya phir ek hi mahine me 2-3 baar periods hote hain toh ise hum irregular periods kehte hain aur hum yahi kahenge ki wo mahila aniyami periods ki beemari se grasit hai.

Jyadatar mahilao ko masik dharm ke dino me bahut pareshani hoti hai, jaise pet me dard, kamar me dard. Lekin sabse badi pareshani hai, wo hai periods ka niyamit roop se na aana. Waise periods ke cycle ki avadhi (time) har mahila ki alag-alag hoti hai, jaise kisi ki 25 din ki, kisi ki 28 aur kisi ki 32 din ki hoti hai.

Lekin jab ye avadhi 32 din ko cross kar jati hai toh aap samamjh lijiye ki aapka periods aniyamit hai…

Lekin jab ye avadhi 32 din ko cross kar jati hai toh aap samamjh lijiye ki aapka periods aniyamit hai. Jiske liye aapko turant doctor se consult karna chahiye kyuki yadi isme laparwahi ki jaye toh ye beemari aur adhik bad jati hai aur bahut jyada problem deti hai.

Lekin ab jyada ghabrane wali baat nahi hai. Hum aapko apne is article Irregular periods hone kekaaran aur uske liye gharelu nuskhe (hindi me) me batayenge ki masik dharm ki aniyamitta ke kya kaaran ahi aur kis tarah aap gharelu upaayon dwara apni is pareshani se chutkaara pa sakte hain. Gharelu upchaar is aniyamit maahvari se nipatne ke liye bahut achcha maana jata hai.

Aapko ek baat jaroor yaad rakhni chahiye ki irregular periods hone ke kya kaaran hain, kyuki jaise hi aapko ye ata lagta hai ki aapko ye pareshani kis kaaran ki wajah se hai toh aapko iska karne ka tareeka bhi pata chal jayaga aur aap jaldi se jaldi iska ilajsahi dhang se kar sakoge.

Toh aaiye sabse pehle jante hain ki aniyamit masik dharm hone ke kya-kya kaaran ho sakte hain.

7 Reasons Irregular Periods ke – Period Problem in Hindi

Girls Period Problem in Hindi gharelu upay-nuskhe

1) Busy Life-Style: Aaj kal ka samay me purushon ke sath-sath mahilaye bhi kaam-kaaji rehti hai aur sath hi wo ghar ko bhi samhalti hain, jisse unki dincharya bahut hi busy ho jati hai aur jiske kaaran wo apna dhyan nahi rakh pati hain aur parinaam ye hota hai ki wo kayi beemariyon ka shikaar ho jati hain, sath hi kabhi kabhi ye hota hai ki wo irregular periods ki samasya se bhi grasit ho jati hain. Is prakaar aaj ki busy dincharya is pareshani ka pramukh kaaran hai.

Aaj kal ki mahilaye sharirik gatividhiyan kaam karne lag gayi hai. wo apne kaam me itna jyada vyast ho gayi hain ki sare kaam unke baithe baithe hi hote hain, jisme sharirik gatividhi nahi ho pati hai aur baithe baithe kaam karne ke kaaran unhe bahut si beemariyan gher leti hain. Kyuki jab tak hamara shareer physical activity nahi karega tab tak hamare shareer ka rakht sanchaar nahi hota hai, jiske kaaran ye sab hota hai. Isliye hame kaam is tarah karna chahiye jisse hamare shareer ki physical activity bhi hote rahe.

2) Jyada Dawao ke Khane Se: Kayi baar hum choti choti takleef hone par market me upalbdh har koi tablet le lete hain ya phir kayi kisi bhi samanya samasya ke hone par hum antibiotic ka sahara lete hain. Is tarah har choti-choti baat ke liye dawao ka sahara nahi lena chahiye kyuki is tarah jyada dawao ke sevan se bhi aniyamit mahwari hame gher leti hai.

3) Smoking aur Alcohol ka Sevan karne Se: Kayi baar dekha jata hai ki mahilaye smoking karti hai aur kayi baar alcohol ka bhi sevan karti hain. Chahe wo purush ho ya mahila smoking aur drink kisi bhi vyakti ke liye achcha nahi hoti hai aur phir jahan mahilao ki baat aati hai toh agar wo inme se koi bhi cheez karti hai toh bhi wo aniyamit maahwari ka shikaar ho jati hain.

4) Sampurna Ahaar Na Lena: Jo vyakti sampoorna ahaar nahi leta hai uska shreer swasth nahi rehta hai. Is prakaar jab mahilaye apne busy schedule ke chalte pura bhojan nahi karti hai toh bhi unko ye pareshani ho sakti hain. Kyuki yadi aapke ahaar me poshtic tatvo ki kami hogi aur junc food jyada hoga toh aapko sampoorna ahaar nahi mil payega. Is prakaar jaisa aapka khan-paan hoga waise hi aapka shareer grow karega.

5) Mansik-Tanav: Mansik tanav ke kaaran bhi kayi baar mahilao ko irregular periods ki pareshani ho jati hai. Bhawnatmak tanav ke kaaran mahilao ke shareer me hormonal changes aate hain jiske kaaran aapki niyamit maahwari aniyamit ho jati hai. Isliye gambhir bhawnatmak tanav se bache aur usse bachne ke liye meditation karen.

6) Koi Beemari Hone Par: Yadi aapko TB hai ya phir diabetes ya anemia hone par aapko irregular periods ki pareshani ho sakti hai. Kyuki jab aapko TB hoti hai toh isse shareer me kamjori ho jati hai aur kamjori hone ke kaaran shareer me blood ki kami bhi ho jati hai, jiske kaaran mahilaye aniyamit maahwari ka shikaar ho jati hain.

7) Garbhashay me Samasya: Jab kabhi garbhashay me pareshani hoti hai tab bhi aniyamit maahwari ki samasya hi jati hai, isliye garbhashay ki jaanch kara leni chahiye. Yadi kisi mahila ka garbhpaat ho toh use home pregnancy test karwa lena chahiye ya phir garbhpaat hone ke baad sahi dhang se ilaaj karana chahiye, kyuki aage chalkar ye pareshani badi bhi ho sakti hai.

You may also like: Face Glow Tips in Hindi: 12 Gharelu Nuskhe

Ye the irregular periods ke kya kya kaaran ho sakte hain. Ab jante hai gharelu upayon dwara aap is pareshani se nijaat pa sakti hain. Toh aaiye hamare is aricle Irregular periods hone ke kaaran aur uske liye gharelu nuskhe (hindi me) me irregular periods ke liye gharelu upaayon ke bare me jante hain.


Girls Period Problem in Hindi – Jaldi Period Lane Le Gharelu Nuskhe

1) Hara Dhaniya aur Sauf:

Hara dhaniya aur sauf ka sevan karne se aniyamit periods niyamit ho jate hain. Agar irregular periods ke liye gharelu nuskho ki baat Karen toh hara dhaniya aur sauf ka sevan sabse pehle aata hai. Iske liye hara dhaniya aur sauf ko barabar matra me le aur inhe raat ko pani me bhigo de. Subah hone par inhe chhan le aur iske baad chhane huye sauf aur dhaniya ka aap sevan Karen.

2) Sahi Ahaar Le:

Sahi ahaar lena bahut hi jyada jaruri hai, santulit ahaar ka sevan Karen aur aisa bhojan kare jisme sabhi poshtik tatva moujood ho. fal, anaaj, sabjiya, dale aur dairy product ka sevan Karen. Hamare bhojan ka hamare shareer par bahut jaldi fark dikhayi padta hai isliye time-time par sahi ahaar le. Din me 3 baar ka khana jaroor khaye, jisme subah nashta Karen phir dopahar ka bhojan aur iske baad sham ka bhojan jaroor Karen. Apne bhojan me fast food aur dibba band khadya padarth khane se bache, kyuki isme poshak tatavo ki matra bahut kam hoti hai.

3) Gajar aur Chukandar ka Juice:

Agar aap masik dharm ki aniyamitta se pareshan hain toh gajar aur chukandar ka juice aapke liye bahut hi jyada laabhkari rahega. Chukandar aapke shareer me khoon ki kami ko door karta hai, isliye roj chukandar aur gajar ka juice piye aur apne masik dahrm ki aniyamitta ko door Karen.

4) Til ke Powder:

Til ke powder ke sevan ke dwara bhi aapko is pareshani se chutkaara mil sakta hai, iske liye din me 2 baar ek chammach til ke powder ka sevan karne se aapko bahut hi jaldi is samasya se mukti mil jayegi. Til ke powder ka sevan aap tab tak rojana kariye jab tak ki aapko irregular periods ki pareshani se mukti na mil jaye.

5) Anaar ka Juice:

Anaar ka sevan karne se mahilao me khoon ki kami ki pareshani dur hoti hai. Is prakkar yadi aap aniyamit maahwari se chutkaara pana chahte hain toh niyamit roop se anaar ke juice ka sevan Karen, isse aapko jaldi hi raahat milegi.

6) Anjeer ka Sevan:

Anjeer ka sevan karne se bhi aapki aniyamit maahwari thik ho sakti hai. Iske liye aap rojana 2-3 anjeer ko pani me ubaal kar chaan le, iske baad inka sevan Karen aur iska sevan tab tak Karen jab tak ki aapko aniyamit maahwari se chutkaara nahi mil jata.

7) Neem ki Chhal:

Neem ki chhal bhi aniyamit periods ke liye bahut hi jayada laabhdayak hai. Neem ki chhal ka upyoh aniyamit periods ke sath sath anya cheezon me bhi bahut laabhkari siddh hota hai. Iske liye neem ki chhal ko raat me hi pani me bhigo kar rakh de aur agle din is ko chaan le. Iske chane huye pani ka sevan din me teen baar Karen aur achche result ke liye aapko iska sevan jaari rakhna padega. Iske sevan se aapke aniyamit periods niyamit ho jayenge.

8) Sugarcane:

Sugarcane ka juice bhi aapki maahwari ke liye bahut hi jyada laabhkaari siddh hoga. Iske liye aap rojana sugarcane ke juice ke sevan Karen, isse aapko bahut hi jaldi asar dikhayi dega aur ye irregular periods ke liye bahut hi asardaar gharelu upaay hai.

You may also like: Bhedaag Chehre ke Liye Gharelu Nuskhe

9) Aloe-Vera Juice:

Aloe-vra juice bhi aniyamit periods ke liye bahut hi jyada laabhkari hota hai, isliye aap apni maahwari ko thik karne ke liye aloe-vera ka bhi upyog kar sakti hain.

10) Muli ka Juice:

2-3 muli le aur unhe pees le, iske baad isme butter milk mila le, rajana sone se pehle is juice ka sevan Karen, isse aapko asar dikhayi dega.


Ye the kuch Irregular periods hone ke kaaran aur uske liye gharelu nuskhe (hindi me) me bataya ki aapke aniyamit maahwari ke hone ke kya kaaran hai aur aap apni maahwari ko gharelu upaayon dwara kis tarah thik kar sakti hain. Is prakaar aniyamit maahwari ko thik kiya ja sakta hai, isme ghabrane wali koi baat nahi hai.

Lekine Ek baat aapko hamesha dhyan rakhni hogi ki achche result ke liye aapko kisi bhi upaay ka upyog continue rakhna hoga, yadi aap kisi bhi prayog ko kuch din karti hai aur baad me beech me hi chor deti hain, toh isse aapko achche result milne ki sambhawna bahut hi kam hai. Isliye better result ke liye apne prayog ko niyamit roop se Karen. Isse aapko jaroor hi laabh milega.

LEAVE A REPLY