Dandruff Treatment in Hindi – Aaj ke samay me har vyakti apne sar me hone wali rusi se bahut pareshan rehta hai, yeh har vyakti ko hone wali aam samasya ban chuki hai. Kayi baar toh aisa hota hai ki iske kaaran aapko sharminda hona padta hai. Agar kaha jaye toh dandruff ek prakaar ka fungle infection hota hai aur is infection me yeast sar ki mari huyi twacha ko khate hai, jisse hamare sar ki twacha ke tissue marne lagte hain aur safed rang ki rusi hamare sar ki twacha me jama hone lagte hai.

Jyadatar hamare sar me rusi tab hoti hai jab ham apne baalo ka dhyan nahi rakhte aur inhe aise hi chor dete hain, jiske kaaran is laparwahi ke chalte hamare sar me dandruff ho jati hai aur dandruff ke kaaran sar me khujli ki shikayat bhi ho jati hai. Kayi baar baalon me jyada khujli hone se logon ko irritataion bhi hone lagta hai aur is khujli ka parinaam ye hota hai ki hamare baal bhi jhadne lagte hain.

Ye rusi na sirf hamare baalon ko nuksaan pahuchati hai balki iska prabhaw hamari twacha par bhi padta hai. Hamare sar me hone wala dandruff jab hamare chehre ki twacha par girta hai toh iske kaaran hamare chehre par pimples hone lagte hain, is prakaar yadi iska sahi samay par ilaaj na kiya jaye toh ye bahut hi nuksaan dayak ho sakta hai.

Waise toh bajaar me kayi tarah ke aise products uplabdh hai jo dandruff ko hatane ka daawa karte hain, lekin kayi baar inme istemaal kiye jane wale chemicals hamare baalon ko nuksaan pahucha sakte hain. Isliye yadi aap apne sar ki rusi ko gharelu upaay dwara thik karne ki kosis karte hain toh isse aapke baalon ko bhi koi nuksaan nahi pahuchega aur aapko rusi se bhi chutkaara mil jayega.

Rusi Hatane ke Liye Gharelu Nuskhe – Hair Dandruff Treatment in Hindi

Toh aaj ham apne is article me aapko dandruff hatane ke kuch gharelu upaay batane ja rahe hain, jinka upyog karke aap apne sar se rusi ko hata sakte hain wo bhi bina kisi side-effect ke. Toh aaiye jante hain hair dandruff ko dur karne ke gharelu upaay.

Hair Dandruff Treatment in Hindi

Baalon ki safayi: Baalon ki rusi kam karne ke liye sabse pehle baalon ki safayi karna jaruri hai, kyuki kayi baar baalon ki safayi na karne ke kaaran bhi baalon ki twacha sushk pad jati hai aur sankraman hone lagta hai, jiske kaaran baalon me rusi hone lagti hai. Isliye jaruri ye hai ki apne baalon ki bhi safayi rakhe, isse aap apne baalo ko rusi se bacha sakte hain.

Oil massage: Baalon ki rusi kam karne ke liye tel ki massage ki bahut jarurat hoti hain. Aap iske liye sarso tel ya nariyal ke tel ka istemaal kar sakte hain. Chahe toh tel ko thoda sa garam karke apne sar ki achchi tarah malish kare, isse aapke sar ki twacha ko bhi tel milega aur aapke sar ki twacha ke rom chidra bhi kul jayenge.

Sar ki achchi tarah tel se malish karne ke baad aap garam pani me towel ko dalkar nichod le aur is towel ko apne sar par baalon ko cover karke kuch 10-15 minute ke liye baandh le, aur iske baad aap apne baalo ko chahe toh dho le, isse aapke baalon ki jado tak tel jayega aur aapke sar ki twacha ko nami milegi. Isse aapke sar ka dandruff dheere dheere kam ho jayega.

Nimbu: Nimbu ke prayog dwara bhi aap rusi (dandruff) se mukti pa sakte hain. Iske liye aap jab bhi apne baalon me tel se malish Karen toh tel ko halka gunguna karne ke baad usme nimbu ke ras ko mila lijiye aur phir is tel se apne sar ki massage kariye. Nimbu ke ras me kayi aise tatva paye jate hain jo rusi ko jad se khatam kar sakte hai, jisse aapke baalon ka jhadna bhi band ho jata hai.

Aap chahe toh baalon me nimbu ka prayog nahane jane se pehle kar sakti hain. Isse aapke baalo ka jhadna bhi band ho jayenge aur aapke baal ghane bhi ho jayenge.

Neem bhi hai faydemand: Neem prakriti dwara prapt ek jadi buti hai, jo kitanuo aur bacteria ko marne me sahayak hoti hai. Neem me antifungal gun paye jate hain, jo rusi ko tezi se dur karne me sahayak hote hain. Iske upyog ke liye neem ki pattiyon ko achchi tarah dhokar pani me ubaal le, aur is pani ko apne baalo ko dhone ke liye istemaal Karen. Is tarah neem ke pani ka upyog karne se aapke baalo ki rusi jaldi hi khatam ho jayegi, behtar result ke liye is prayog ko hafte me 2-4 baar Karen.

Dahi: Dahi bhi rusi ke upachaar me bahut sahayak hota hai. Iske liye aap akele dahi ko apne baalon me laga le aur kuch der rakhne ke baad ise dho le, aur chahe toh dahi me nimbu ke ras ko milaye aur ise apne baalon me lagbhag aadhe ghante tak lagakar rakhe aur normal pani se dho le, aisa karne se aapke baalo ki rusi jaldi hi khatam ho jayegi.

Aloe-vera: Aloe-vera bhi prakritik aushadhi hai jo kayi prakaar ke bacteria aur infection se hame bachata hai. Isme bhi antifungal gun hote hain, jo ki rusi ko jaldi se khatam karta hai. Iske upyog ke liye aloe-vera ke gude ko nikal kar iska ras nikaal le aur isko apne baalo me kam se kam ek ghante ke liye laga kar rakhe aur phir normal pani se dho le. Aisa karne se aapke baalon ki rusi jaldi hi khatam ho jayegi.

Dandruff Treatment in Hindi – Upar hamne aapko rusi ke upchaar ke liye gharelu upaay bataye hain jinko apna kar aap apne sar ki rusi ko khatam kar sakte hai. Toh ab der kis baat ki hai agar aap bhi dandruff ke shikaar hai toh in upaayon ko apnaiye aur rusi se chutkaara paiye.

LEAVE A REPLY