Aksar dekha jata hai ki jab mahilao ka bacha janam le leta hai toh uske kuch samay baad yani ki kam se kam 2-3 mahine baad hi mahilao ke baal jhadne lagte hai aur baccha hone ke baad yeh pareshani lagbhag har mahila ko hoti hai.

Baccha hone ke 2-3 mahine baad balo ka jhadna start hota hai aur kam se kam 5-6 mahine tak baal jhadne rehte hai.

Mahilao ke sharir mai hormonal level ka tezi se girna iska mukhya kaaran hai..

Mahilao ke sharir mai hormonal level ka tezi se girna iska mukhya kaaran hai. Iske alawa agar dekha jaye toh prasav ke baad estrogen ka level neeche gir jaane se aur baalo ke rom ke thik se kaam na karne ke kaaran baal kamjor ho jate hai aur sath hi isse baal bhi jhadte hai.

Aaj ham iss likhe mai aapko kuch aise upay batane ja rahe hai, jisse aap prasav ke baad baal jhadne se bach sakti hai. Toh aaiye jaante hai Delivery ke baad kis tarah roke balo ka jhadna (How to stop hair fall after delivery) ke bare mai.

7 Gharelu Upaye to Avoid Hair Loss After Pregnancy in Hindi

HAIR LOSS AFTER PREGNANCY IN HINDI

Poshtik ahaar ka sevan kare: Prasav ke baad mahilao ke sharir mai kamjori aa jati hai, isliye mahilao ko apna dhyan rakhna chahiye. Kyunki mahilaye apna jitna dhyan garbhavastha ke douran rakhti hai, utna hi dhyan unhe prasav ke baad bhi rakhna chahiye. Agar dekha jaye toh jab aap sahi ahaar leti hai toh aapki twacha aur baal bhi kitne swasth rehte hai, isliye hi bacche ko janam dene ke baad mahilao ko apne ahaar ka khaas dhyan rakhna chahiye aur aisa ahaar lena chahiye jo sabhi poshak tatvo se bharpur ho. Iske alawa sabzi aur nuts toh aapke liye behad faydemand sabit ho sakte hai, kyuki ismai paye jane wale antioxidants aur flavonoids aapke baalo ke rom ki raksha karte hai.

Jaruri supplement le: Kayi baar aap jo ahaar lete hai us mai aapko wo sabhi poshak tatva, vitamins aur minerals nahi mil pate hai jo hamare sharir ke liye jaruri hote hai, iss tarah aap apne doctor se paramarsh lekar jaruri supplement jaise zinc, vitamin-E, C, vitamin B complex aur biotin aadi supplement ka sevan kare. Ye supplement balo ko girne se rokte hai aur sath hi baalo ke vikas mai bhi madadgar hote hai.

Tension lene se bache: Kayi baar prasav ke baad mahilao ko thakan aur kamjori ke kaaran tanav rehta hai, jo ki kabhi-kabhi unke baal jhadne ka kaaran ban jata hai. Prasav ke baad baal jhadne ko chikitsalaya bhasha mai telogen effluvium kehte hai. Hala Ki yeh ek samanya prakriya hai jo ki prasav ke baad mahilao ko hoti hai, lekin agar phir bhi aap baal jhadne se bachna chahte hai toh tanav aur chinta se dur rehne ka prayas kare, kyuki agar aap tanav mai rahegi toh koi bhi upay aapki pareshani ko kam nahi kar sakta, tho kosish kare tanav se bach.

Baalo mai herbal shampoo ka istemal kare: Baalo ko dhone ke liye aap market mai uplabdh hanikarak rasayano se bhare shampoo ka istemal na kare, kyuki prasav ke baad waise hi aapke roots kamjor ho jate hai aur aise mai agar aap hanikarak chemical ka prayog apne baalo par karti hai toh isse aapke baalo ko aur hani pahunch sakti hai. Iske liye aap apne baalo mai prakritik aur herbal shampoo ya cleanser ka prayog kare.

Hairs ko jyada tight na bande: Koshish ye kare ki baalo ko thoda loose hi bande, kyon ki baalo ko bahut jyada tight bandhne se balo ki jado par jor padta hai, jisse baal kamjor hokar tutne lagte hai. Isliye baalo mai tight rubber band, hair band, clips aadi ka baalo mai tight prayog, iske alawa baalo ka jor se juda aur choti banana bhi baalo ke liye nuksan dayak ho sakta hai. Isliye jitna ho sake baalo ko dheela rakhe aur unhe kas kar na bandhe.

Comb karte samay rakhe dhyan: Pehli baat ye ki aap apne baalo mai jyada comb na kare kyuki jyada comb karne se bhi baalo ko nuksan pahuchta hai. Iske alawa geele baalo mai comb na kare, sath hi agar aap baalo ko suljha na chahti hai toh aap apne baalo ko aise comb se suljhaye jismai gap jyada ho.

Lambai kam rakhe: Agar aapke baal jyada bade hai ya phir aapke baalo ko jyada care ki jarurat hai toh aise mai prasav ka baad aapko apne baalo ko chota karwa lena chahiye, kyuki prasav ke baad bacche ki dekhbhal ke chakkar mein mahilao ke pass itna samay nahi hota hai ki wo apne baalo ki dekhbhal kar sake. Aise mein agar aapke baal chote hote hai toh aapko unki dekhbhal mai samay bhi nahi dena padega aur sath hi agar aapke baal chote hai toh woh kam hi jhadege.

Iss tarah upar aapne jana ki kis tarah prasav ke bad aap apne balo ko jhadne se rok sakti hai. Tho agar aapne bhi abhi-abhi bacche ko janam diya hai toh aapke samne bhi yeh pareshani aa sakti hai, toh upar bataye gaye upayo ko apnaya aur apne balo ko girne se bachaya.