Health tips in Hindi for Man BodyPurush adhikar samay apne kam-kaj mai hi lage rehte hai aur apna dhyan nahi rakh pate hai, lekin agar aap apna dhyan nahi rakhte hai toh isse aapka sharir umar badane ke sath-sath kaam karna band kar deta hai. Jis tarah agar aap kisi machine ka dhyan nahi rakho toh wo kaam karna band kar deti hai usi tarah se hamare sharir ki dekh bhal na karne par uss par bhi bura prabhav padta hai.

Aaj ke iss adhunik samay mai purusho ke pass samay hi nahi hota hai ki wo khud ka dhyan rakh paye, kyuki sharir ka dhyan rakhne ke liye keval khana hi jaruri nahi hai, iske alawa bhi kayi aise khadya padarth hote hai jo ki hamare sharir ke liye jaruri hote hai aur jisse hamare sharir ko poshan milta hai. Jyadatar dekha jata hai ki purush varg khud ka dhyan rakhne mai jyada ruchi nahi rakhte hai. Lekin aisa nahi karna chahiye, unhe bhi apne sharir ke anusar ek diet plan ko follow karna chahiye.

Ek medical centre ke anusar aisa kaha gaya hai ki agar purush apne sharir ke upari aur nichle hisse ka sahi tarike se khayal rakhte hai toh isse unhe shayad doctor ki jarurat bahut kam hi padti hai. Isliye purusho ko chahiye ki wo apna dhyan rakhe. Aaj ham apne iss article mai purusho ke liye kuch aise khaas tips batane ja rahe hai, jisse wo apni health ka dhyan rakh sakte hai. Toh aaiye jaante hai Health tips for man in hindi ke bare mai.

Health Tips in Hindi for Man Body –

पुरुषों के लिए उत्कृष्ट स्वास्थ्य सुझाव

health tips in hindi for man body

Sahi aahaar hai jaruri:

Jyadatar purush bhojan acchi tarah se karte hai, lekin keval bhojan kar lene se aapke sharir ko pura poshan nahi mil jata hai. Isliye jaruri ye hai ki aap apne ahaar mai poshak tatvo se bhare huye aahaar ko shamil kare, jise na sirf aapka pet bhar jaye balki aapke sharir ko usse takat bhi mile.

Pani adhik matra mein piye:

Jyadatar kamkaji purush pani ka sevan jyada toh karte hai, lekin wo pani ka sevan bhojan ke turant baad karte hai, jo ki unke liye hanikarak hota hai aur isse hi unka pet bahar aa jata hai. Isliye jaruri hai ki pani ka sevan acchi mantra mai kare, lekin samay-samay par kare. Kyuki ek baar pet bhar kar pani pi lene se aapke sharir mai pani ki purti nahi hogi balki aapko thode-thode samay mai pani ka sevan karna chahiye, jo ki aapke sharir ke liye labhdayak hoga.

Vitamin-C hai jaruri:

Vitamin-C hamare sharir ko kayi tarah ke rogo se bachaye rakhne mai madad karta hai. Ye hamare sharir ki ek pratiraksha pranali ki tarah kaam karta hai aur hamare sharir ko kayi tarah ke bacteria aur viruses se bachata hai.

Iske liye aap apne ahaar mai aise khadya padartho ka sevan kare jinme acchi mantra mai vitamin-C paya jata hai. Khatte fal, hari pattedar sabjiya, tamatar aur strawberry aadi mein acchi mantra mai vitamin-C paya jata hai. Ye prakriti ke aise khadya padarth hai, jinka sevan karne se aapke sharir ko bharpur matra mai vitamin-C uplabdh ho sakta hai.

Vitamin-E hai behad faydemand:

Vitamin-E purusho ke sharir ke liye behad faydemand mana jata hai. Shudhu se pata chala hai ki vitamin-E ka sevan karne se purusho mai hone wale kayi tarah ke cancer ki roktham ki ja sakti hai. Iske alawa vitamin-C se bharpur ahaar lene se purusho ko dil se judi samasya aur motiyabind ki samasya bhi nahi hoti hai.

Iske liye aap apne ahaar mai aise khadya padartho ka sevan kare, jo ki aapke sharir mai vitamin-E ki sahi tarike se purti kar sake.

Omega 3 fatty acid:

Omega3 fatty acid hamare dil ke liye faydemand mana jata hai, darasal ye hamare dil ko majbut karne aur raktchap ko kam karne mai madadgar hota hai. Isliye hame aisa ahaar lena chahiye, jisme omega3 ki paryapt matra hai. Omega3 mai kuch aise fat hote hai jo ki hamare sharir mai kuch hormonal changes kar ke hamari bhukh ko kam karte hai sath hi isme acche cholesterol paye jate hai, jo ki hamare dil ke liye acche mane jate hai.

Soybean oil, fish, fish oil, fish oil tablets aur seafood aadi ka sevan karne se aapko paryapt matra mai omega 3 fatty acid mil sakta hai.

Magnesium hai jaruri:

Magnesium hamare sharir mai poshak tatvo ki kami ko pura karne mai madadgar sabit hota hai. Agar dekha jaye toh manushya ke shareer ke andar hone wali 300 se bhi jyada rasaynik kriyao mai iska prayog kiya jata hai. Ye hamare dil ko swasth rakhne mai madadgar hota hai sath hi sanchar pranali mai sudhar karne mai bhi ye saksham mana jata hai.

Heart attack jaisi bimariyo ki sambhavna ko kam karne mai magnesium madadgar hota hai. Iske liye aap aise padartho ka sevan kare jinme acchi mantra mai magnesium paya jata ho. Hari pattedar sabjiya, beans, nuts aur sabut anaaj aadi mein acchi mantra mai magnesium paya jata hai.

Chromium hai labhkari:

Vayask purusho ke liye chromium behad faydemand hota hai. Ye purusho ke sharir ki koshikao aur metabolism ke liye accha mana jata hai. Ahaar mai chromium padartho ka sevan karne se khoon mai glucose ka star sahi bana rehta hai. Kali mirch, tamatar, gobhi, hari daal aadi mai paryapt matra mai chromium paya jata hai.

Calcium banaye haddiya majbut:

Calcium ka sevan purusho ke liye behad jaruri mana jata hai, halaki purush dekhne mai strong lagte hai, lekin kayi baar sahi khan-pan na rakhne ke kaaran haddiyo ki majbuti mai kami aati hai. Iss tarah purusho ko calcium se bharpur ahaar lena chahiye.

Iske liye aapko dairy products jaise milk, butter, curd, cheese aadi ka sevan karna chahiye. Iske alawa hari pattedar sabjiya aur falo se bhi aapke sharir mai calcium ki purti hoti hai.

Niyamit kare yog aur vyayam:

Jis tarah hamare sharir ko swasth banaye rakhne ke liye sahi aahaar aur nutrients jaruri hai usi tarah sharir ko santulit banaye rakhne ke liye niyamit roop se yog aur vyayam karna bhi jaruri hai. Purush agar rojana yog aur vyayam karte hai toh isse unka sharir furtila rehta hai aur dimag bhi durust rehta hai, jisse unka sharir physically ar mentally fit rehta hai.

Upar aapne jana kuch aise tips ke bare mai jisse purush varg khud ka dhyan rakh sakta hai aur inn tips ka istemal kar ke sukhi aur samruddha jivan ji sakta hai.