Kayi baar aisa hota hai ki aap chahe kitne bhi achche dikhte ho ya aapki personalty kitni bhi achchi ho lekin jaise hi aap bolte hain aur agar aapke muh se badbu aati hai, toh aapke muh ki badbu ke kaaran log aapse dur ho jate hain aur aapka impression pura ka pura down ho jata hai.

Aapka chehra kitna bhi attractive ho ya kitni bhi achchi personality ho agar aapke muh se durgandh aati hai toh ye aapki personality ko kharab kar sakti hai. Ye ek aam samasya hai lekin agar iske kaaran aapka impression down hota hai toh ye aapke liye ek badi samasya hai. Muh se aane wali badbu ke kaaran aapko sharmsaar mehsoos karna pad sakta hai.

Kayi baar dekha jata hai ki jin logon ke muh se baat karte samay badbu aati hai, wo log jyadatar baat karne se katrate hain aur isse unke confidence me kami aati hai aur un logon ke aatmaviswas ko gehri thes pahuchti hai. Isliye is tarah pareshani aur impression down karne se achcha hai ki samay par iske liye upchaar kar liya jaye. Iske upchaar karne se pehle iske kaaran ko janna bhi bahut jaruri hai. Ye kayi kaarano se ho sakta hai jaise, khane me parhej na karna, pet saaf na rehna, raat ke khane ke baad brush na karna aur kabj aadi ka rehna iske kaaran ho sakte hain.

home remedies for bad breath in hindi

Kayi baar toh aisa hota hai ki hame pata hi nahi hota hai ki hamare muh se badbu aati hai aur hum is baat par dhyan nahi dete. Hume is baat ka pata hona chahiy ki hamare muh se badbu aati hai ya nahi, agar nahi aati hai toh ye aapke liye achchi baat hai aur agar aati hai toh ye aapke liye ek pareshani hai aur bahut hi jaldi aapko isko dur kar lena chahiye.
Aaiye hum aapko batate hain ki aap kaise pata kar sakte hain ki aapke muh se badbu aati hai ya nahi. Iske liye aap apne hath ko apne muh ke samne rakhe aur apne hath par apni saanse chore, isse aapko apni saanson ki badbu ka abhaas ho jayega aur aap chahen toh apne hath ko bhi smell kar sakte hain, yadi aapke hath se smell aa rahi hai toh isse aapko samajh jana chahiye ki aapki muh se surgandh aati hai aur aapko saanson ki durgandh ki samasya hai.

Lekin isme ghabrane wali koi baat nahi hai, ham aapko apne is article me kuch aise upaay batane ja rahe hain jinke dwara aap taazi aur durgandh mukt saanse pa sakte hain. Jisse aap apni saanson ko apne look aur personality se match kar payenge aur dusron ke samne aapko sharminda nahi hona padega. Toh aaiye jante hain saanso ki durgandh ko dur karne ke kuch gharelu upaay.

9 Home Remedies for Bad Breath in Hindi

1) Khoob Pani Piye: Agar aapke muh se durgandh aati hai toh aapko pani khoob pina chahiye kyuki yadi aap khoo pani pite hain toh isse aapka pet bhi saaf rehta hai, aur pet saaf rehne se aapke muh se durgandh aane ki samasya khatam hoti hai. Isliye pani khoob piye, isse na sirf aapka pet saaf rehta hai balki ye aapko kayi beemari hone se bhi bachata hai, isliye time to time khoob pani piye aur khana khane ke kam se kam aadhe se ek ghante baad khoob saara pani piye.

2) Dono Time Brush Karen: Ham brush isliye karte hain jisse hamare muh ki gandgi saaf ho jaye, kyuki yadi aap subah brush nahi karte hain toh aapke muh se smell aati hai jo ki har vyakti ke sath hota hai. Isliye yadi ham apne muh ki achche se safayi nahi karte hain toh hamare muh se smell aane lagti hai. Saanson se aane wali badbu ko rokne ke liye muh ki safayi rakhna behad jaruri hai, Isliye yadi aapke muh se badbu aati hai toh apne muh ki safayi achche se Karen, aur subah uthne ke baad aur raat ko sone jane se pehle aap jarur brush Karen. Kyuki yadi aap dono time brush karte hain toh isse aapke muh ki achche se safayi ho jati hai aur aapka muh saaf rehne se aapke muh se badbu aane ke chances kam ho jate hain.
Kayi baar hum jab brush karte hain toh sirf bahar ki taraf hi achche se brush karte hain aur andar ki taraf achche se brush nahi karte jisse hamare dwara khaya hua bhojan hamare daantoh me hi laga reh jata hai, isliye daantoh ko andar ki taraf bhi achche se saaf Karen jisse hamare daanton se sabhi tarah ki gandgi saaf ho jaye.

3) Jeebh Ko Saaf Karen: Kayi baar hum brush toh kar lete hain lekin jeebh (tongue) ko saaf nahi karte aur jeebh ko saaf karna bhi behad jaruri hai, kyuki ham pure din bhar me jo bhi khate hain wo hamari jeebh ki upari satah par jama ho jata hai, jisse hamari jeebh par gande bacteria utpanna ho jate hain aur hamari saans me badbu ka kaaran ban jate hain. Isliye brush karne ke baad apni jeebh ki safayi bhi achchi tarah se Karen.

4) Ilaychi aur Long: Roz khana khane ke baad ilaychi ka sevan karne se saanson ki durgandh se chutkaara milta hai. Ya phir ilaychi ki pattiyon ko chabane se bhi Pieria jaise rogon se chutkaara paya ja sakta hai. Iske alawa ilaychi aur long ka tel banakar daanton me lagane se bhi muh ki durgandh se chutkaara milta hai.

5) Neem ke Prayog Karen: Neem manav jeevan ke liye ek prakritik aushadhi hai, jo hamare kayi prakaar se kaam me aati hai. Iske upyog ke dwara aap apne muh ki durgandh ko bhi door kar sate hain. Iske liye aap neem ke ped ki lakdi se bani datun se apne daanton ko saaf Karen, isse na sirf aapke muh ki durgandh kam hogi balki aapke daant bhi majboot honge. Iske alawa aap neem ki pattiyon ka bhi prayog kar sakte hain. Iske liye aap neem ki pattiyon ko dho kar sukha le aur sukh jane ke baad in pattiyon ko jalakar raakh bana le . Isse bani huyi raakh me sendha namak milakar rojana apne daanton ko saaf Karen, aisa din me 2-3 baar Karen, isse aapki saanson ki durgandh dur ho jati hai.

6) Sauf (fennel): Waise toh market me kayi tarah ke mouth freshner uplabdh hain, lekin sauf ek prakritik mouth freshner hai jo hamare muh ko khushbu dekar use sugandhit banata hai. Isliye rozana khana khane ke baad sauf ka sevan Karen, kyuki sauf hamare muh me laar utpaana karta hai jisse hamare muh me upasthit sabhi bhojan ke kan nikal kar hamare pet ke andar chale jate hai aur hamara muh puri tarah saaf aur sugandhit ho jata hai. Isliye yadi aap apne muh ki badbu se chutkaara pana chahte hain toh rojana khana khane ke baad sauf ka sevan jaroor Karen.

7) Chay Bhi Hai Faydemand: Chay pine se bhi aap apne muh se aane wali durgandh ko dur kar sakte hain, iske liye aap methi se bani huyi chay piyen. Methi se bani chay pine se bhi muh ki durgandh ko dur kiya ja sakta hai. Iske alawa rojana black tea ya phir green tea ka sevan karne se bhi muh ki durgandh se chutkaara paya ja sakta hai. Black tea aur green tea ek anti-oxidant ka kaam karte hai jo saanson me badbu utpana karne wale polyphenols se ladne ke kaam aata hai, jisse saanson me aane wali badbu dur ho jati hai.

8) Ajwain aur Dalchini: Ajwain aur dalchini ke prayog dwara bhi muh me durgandh utpanna karne wale bacteria ko khatam kiya ja sakta hai. Iske liye ajwain aur dalchini ke patton ko barabar matra me lekar pani me ubaal lete hain aur pani bhi usi matra me le jis mara me ajwain aur dalchini liya tha. Ubalne ke baad nirmit pani se aap garare (gargle) Karen. Aisa karne se aapke muh se aane wali durgandh ki samasya dur ho jayegi.

9) Muh ko Jyada Samay Tak Khali na Rakhen: Kayi baar aisa hota hai ki ham bahut lambe samay tak kuch khate-peete nhi hain jiske kaaran hamare muh se durgandh aane lagti hai, Jab ham upvaas rakhte hain tab bhi ham kuch nahi khate. Aise samay me hame khatte falo ka sevan karna chahiye, ye aap upwa me bhi kha sakte hai aur Ye hamare muh se aane wali durgandh ko dur kar sakte hain.

In home remedies for bad breath ko kaise dur kar sakte hain, toh ab der kis baat ki hai, h gharelu upaayon ka upyog karen aur tarotaaza saanson ka bharpoor anand le.