Aksar mahilao ko dekha jata hai ki wo ghar ke kaam mai itna vyast rehti hai ki khud ko samay nahi de pati hai aur iske upar agar mahilaye kam-kaji ho toh aise mai toh aur unhe samay nahi mil pata. Aise mai mahilao ko chahiye ki wo khud ke liye bhi samay de. Aksar ghar ko chamka kar rakhne wali aur office mai acchi tarah kaam karne wali mahilao ko khud ko bhi samay dena chahiye.

Aaj ham aapko kuch aise beauty tips batane ja rahe hai jo ki puri tarah se gharelu hai aur aap parlor mai jyada samay dene ke bajaye ghar mai hi inn prayogo ko kar sakte hai. Isse aap apne samay ko bhi bacha sakti hai aur sath hi khud ki twacha ko sundar aur glowing bhi bana sakti hai.

6 Homemade beauty tips for glowing skin in hindi

Toh aaiye jante hai kuch home made beauty tips ke bare mai, jinse aap apni twacha ko sundar aur glowing bana sakti hai.

Homemade Beauty Tips for glowing skin in hindi

Dudh aur haldi ka mishran: Dudh aur haldi ke mishran ka prayog karna bahut hi asaan hota hai aur yeh chehre ko clean karne mai bahut hi madadgar sabit ho sakti hai. Haldi mai anti-oxidant gun paye jate hai jo twacha mai nikhar lane ka kaam karte hai aur sabse pehle chehre ki cleansing ki jati hai aur agar aap apne chehre ki cleansing karna chahte hai toh iske liye thoda sa kaccha dudh le aur isme chutki bhar haldi mila le, ab ise apni twacha par thodi der ke liye laga kar rakhe. Kuch der baad jab yeh halka sa sukh jaye toh ise halke se ragad kar nikal le. Isse aapki twacha par jami huyi gandgi saaf ho jayegi.

Scrub kare chini se: Chini ke dwara aap apni twacha ka scrub kar sakte hai. Iske liye chini le aur usme nimbu ka ras aur thoda sa olive oil daal kar acchi tarah se mila le. Ab ise apne chehre par aur chahe toh apni puri body par laga kar, dhire-dhire ragade. Isse aapki twacha ka rang saaf hoga aur sath hi twacha mai rangat aayegi. Iske alawa yeh ek accha prakritik scrub karne ka tarika hai.

Papita, shehad aur nimbu ka face pack: Papita twacha ke liye behad faydemand hota hai. Papita mai pepen namak anzyme paya jata hai, jo ki twacha ki mrit twacha ko hatane mai madadgar sabit hota hai. Iske alawa shehad mai anti-bacterial gun paye jate hai jo ki twacha ko mulayam banane mai madad karte hai aur sath hi nimbu mai citric acid paya jata hai, jo ki twacha ko chamkane ka kaam karta hai. Iss tarah papita, shehad aur nimbu teeno ka mishran hamari twacha ko glowing banane mai madad karta hai.

Natural avocado ka face pack: Natural avocado mai jaruri fatty acid paya jata hai jo ki twacha ko naram, lachila aur majbut banana mai sahayak sabit hota hai. Iska face pack banane ke liye avocado ko dahi aur shehad mai mix kare aur paste bana le. Iske alawa aap chahe toh papita aur kheere ke gude ko bhi avocado mai mila kar face pack bana sakte hai. Face pack banane ke baad ise apne chehre par kam se kam 20 minute tak laga rehne de aur iske baad halke gungune pani se dho le. Isse aapki twacha par na sirf nikhar aayega balki twacha naram aur mulayam bhi banegi.

Besan aur chandan ka facepack: Chandan aur besan dono hi aapki twacha ke liye behad faydemand mane jate hai. Chandan mai jaruri anti-oxidant gun paye jate hai jo aapki twacha mai kasab late hai, iske alawa besan ka prayog karne se mrit twacha nikal jati hai aur sath hi twacha ke liye protein bhi uplabdh hota hai. Iss tarah ye face pack banane ke liye chandan, besan ke sath haldi aur thoda sa dudh mila kar paste bana le aur isko apni twacha par apply kare. Iss prayog ko karne se aapki twacha ki gandgi saaf ho jati hai sath hi twacha ke liye accha hota hai.

Tamatar ka juice lagaye: Tamatar mai bhi kuch aise acid paye jate hai jo ki hamari twacha ko saaf karne ka kaam karta hai. Tamatar ka juice nikale aur ise apne chehre par 15 se 20 minute ke liye lagaye, isse aapki twacha mai nami bani rahegi aur sath hi twacha bhi saaf ho jayegi.

Face Glow Tips in Hindi Video –

Iss tarah upar aapne jana kuch gharelu upaayo ke bare mai, jinka prayog karke aap apni twacha ko sundar aur glowing bana sakti hai. Iske sath hi aapke liye jaruri yeh bhi hai ki aap sahi ahaar le, kyuki ahaar ke dwara bhi twacha ki sundarta ko badaya ja sakta hai aur sahi ahaar ke sath yoga karne se bhi aap swasth sur sundar reh sakte hai.