Hamare honth hamari body ka aham hissa hai, ye bahut hi komal (sensitive) hote hain. Sardiyon ke samay me jab mousam bahut hi thanda hota hai, tab ham apne shareer (body) ko kitna bhi sard hawaon se bacha le lekin hamare honth hamare shareer ka aisa hissa hota hai jo ki bahut hi komal hota hai aur hame inki bahut hi jyada dekh bhaal karni padti hai, nahi toh ye dry hokar fatne lag jate hai aur fatne ke baad bure toh dikhte hi hain sath hi bahut takleef bhi dete hain.

Hontho (lips)

Toh aaj hum is article me ye janenge ki apne hontho ki care kis tarah ki jaye. Is article me ham jo bhi tareeka batayenge wo aap aasaani se ghar baithe kar sakte hain, iske liye bahar market ke cosmetics ki jarurat nahi hogi aur ye puri tarah se side effect se mukt honge. Toh aaiye jaante hain ki apne hontho ko kaise gulabi banaya jaye aur rukhepan ko kaise door kiya jaye.

15 Beauty Tips For Lips for Men and Women in Hindi

  1. Sabse pehli cheez aati hai toh wo hai pani. Pani aap jitna jyada piyoge utna hi aapke iye laabh dayak hai. Pani na sirf dry lips se mukti dilaata hai balki isse aapke pure shareer ki twacha achchi rehti hai. Pani jayda pine se aapke shareer me pani ki purti hoti rehti hai aur dehydration nahi hota hai.
  2. Honthon ki twacha ko komal banane ke liye roz raat ko sone se pehle apne honthon par malai lagaye, uske baad soye. Malayi se aapke fate huye honth bhi kam ho jayenge aur honth mualayam ho jayenge.
  3. Iske alawa raat ko sone se pehle aap nimbu (lemon) ka ras bhi laga sate hai, iske liye nimbu ke ras me glycerine milakar apne honthon par lagayen ,isse aapko bahut hi jyada faayeda milega.
  4. Roz subah jab aap brush karte hain toh yaad rahe ki toothbrush unflavoured ho. Subah brush karne ke baad apne brush ko halke se apne lips par bhi fer le isse aapke lips ki dead skin nikal jayegi sath hi aapke honth komal nazar aayenge. Lekin yaad rahe ki aapka brush soft hona chahiye.
  5. Aaj ke samay me lipstick lagbhag sabhi ladkiyan lagati hai, lekin kayi baar ham aisi lipstick choose karte hain jo hamare honthon ko nuksaan pahuchati hai aur hamare honth dry ho jate hain. agar aap lipstick jyada upyog karti hain toh yaad rakhe ki lipstick aisi choose Karen jo sukhi na ho balki glossy ho. Agar aap lip balm upyog karti hain toh unflavored lip balm ka upyog Karen.
  6. Ghee me namak milakar aap apne honthon par lagaye aur sath hi apni nabhi me bhi lagayen, isse aapko fayda milega. Iske alawa aap sarso ka tel (mustard oil) bhi apni nabhi me laga sakte hain, isse bhi aapke honthon ka fatna kam hoga aur honth gulabi honge.
  7. Kheera lijiye aur uski slices kaat lijiye, ab in slices se apne honthon par malish Karen isse aapke hothon ko poshan milega aur aapke honth gulabi honge. Iske sath hi aap taja malayi me nimbu ka ras mila le aur ise apne honthon par lagakar malish Karen.
  8. Papita (papaya) hamari twacha ke liye bahut achcha hota hai, isse hame fate hontho se bhi nizaat milti hai. Iske liye papite ka ras nikaal le aur is ras se apne honthon ki malish karen isse aapke honthon ka moisture bana rehta hai aur honth fatte nahi hain.
  9. Aap jaitun ka tel le aur usme Vaseline milakar mixture bana le. Is mixture se apne fate honthon ki malish Karen, aisa karne se aapke honth prakritik roop se achche ho jayenge.
  10. Kam se kam 6 khajoor le aur inko garam pani me aadhe ghante ke liye bhigokar rakh de. Is ghol ko hafte me 4 baar piye isse aapka blood circulation thik rehta hai aur aapke honth bhi gulabi ho jate hain.
  11. Nariyal ka tel bhi honthon ke liye bahut hi fayedemand hota hai. Agar aap rozana apne honthon par nariyal ka tell agate hain toh isse bhi aapke honth komal aur gulabi ho jayenge.
  12. Chukandar bhi aapke honthon ko gulabi bana sakta hai, chukandar ke piece kaat le aur in pieces se apne honthon ki malish Karen isse aapke honth gulabi ho jayenge.
  13. Honthon ki scrubbing bhi bahut jaroori hai. Hafte me kam se kam 2 baar honthon ki scrubbing bahut jaroori hai kyuki isse aapke honthon ki dead skin nikal jati hai, aur dead skin nikal jane ke baad aapke honth pink dikhayi denge. Isse aapko bahu fayeda milega. Aap kapde ki madad se bhi apne honthon ki dead skin nikal jati hai, iske liye kapde ko apne honthon par aaraam se ragde kyuki jor se ragadne se khoon nikal sakta hai aur agar ragadne se honthon me khoon aata hai toh honthon par ghee laga le.
  14. Kabhi bhi apne fate huye honthon par kisi bhi prakaar ke cosmetics ka upyog na Karen kyuki cosmetics ya lipstick lagane se honthon ki twacha ke pores band ho jate hain aur honthon ka fatna kam na hokar fatna aur jyada bad jata hai. Isliye fate huye honthon par aap malayi ya Vaseline laga skate hain.
  15. Aap apne khane me tamatar, gaajar, chukandar aur green vegetables ko shamil Karen kyuki in sabjiyo me bahut adhik matra me Vitamin A paya jata hai, aur Vitamin A ki kami puri hone se aapke honthon ka fatna kam ho jata hai.

Upar aapne jaane honthon ki care kaise Karen apne gharelu tareeke se. toh bas ab der kis baat ki hai, hamare dwara bataye gaye gharelu nushkhon ka prayog Karen aur apne honthon ko sundar banaye.

LEAVE A REPLY