Pregnancy Tips in Hindi For Fast Get Pregnant

Hamara desh duniya me dusri sabse abaadi wala desh hai, par yaha par lakhon logo ko is bare me jankaari nahi hai ki bachcha paida karne me kya kya saavdhaniyan rakhni chahiye. Iski ek wajah hamara sankuchit samaaj bhi hai, kyuki hamare samaaj me sex aur usse sambandhit baaton ke bare me bolna aur sunna bura maana jata hai, jiske kaaran logon ko puri jaankai nahi ho pati hai aur logon ko pareshani uthani padti hai.

Yahan par hamare dwara kuch jaankari di ja rahi hai jo ki doctors aur experts ke dwara batayi gayi hain phir bhi aap kisi bhi baat par pahuchne se pehle ek baar doctor se jarur salaah le.

Pregnancy Tips in Hindi: Pregnancy Se Jude Kuch Jankariya

Bachcha karne ke liye pati patni ke beech sex hona jaruri hai kyuki bina sex ke yoni me shukranu (sperm) nahi pahuch payenge. Sex ki prikriya me purush ka ling stri ke yoni me jata hai aur purush ka ling yoni me jakar shukranu (sperm) chorta hai, jisse shukranu, garbhashay ke much ke pass ikttha ho jate hain. Jab sex ki prikriya hoti hai toh ye sari prikriya khud hi ho jati hai.

Agar garbh dhaaran karna hai toh aise samay sex karna chahye jab ovaluation ka samay ho. Ye wo samay hota hai jab mahilao ke masik dharm ka 14 (14th) din hota hai. Is samay sex karne se pregnant hone ke jyada chances hote hain.

Garbh dhaaran karne ke liye mahilao ka orgasm hona jaruri nahi hota hai, keval purushon ka orgasm hona anivarya hota hai. Mahilao ke orgasm ka aana isliye bhi jyada jaruri nahi hai kyuki doctors ka aisa manna hai ki ovary aur uterus ko milane wali fallopian tube shukranu ko apne andar kheech leti hai aur shukranu ko egg se milane ki kosis karti hai.

How to Get Pregnant in Hindi

How to Get Pregnant in Hindi

Doctor Se Salaah Le:

Jab aap abchche ki planning kar rahe ho toh sabse pehle doctor ki salaah bahut jaruri hoti hai. Doctor se paryapt paramarsh aur check-up karana bahut jaruri hota hai . doctor se check-up karane se aapko aapki health aur body ke bare me pata chalega, jaise ki aapko kisi tarah ki sharirik pareshani ya infection bagerah toh nahi hai. Sath hi mahilao ke garbhasahy se sambandhit puri janch ho jayegi.

Healthy Diet During Pregnancy:

Bachcha paida karne ke liye sabse pehli jarurat hai ki pati aur patni dono hi apni jeevan shaily ko swasth rakhen. Kyuki yadi mata pita swasth jevan shaily rakhenge tabi hone wali santaan bhi swasth hogi. Khane pine me paryapt bhojan ki matra rakhen aur apne ahaar mw fruits bagerah ko bhi shamil Karen. Yoga aur vyayaam bhi Karen isse purush aur mahila dono ka fertility rate badta hai. mahila aur purush dono ko hi kisi bhi tarah ke nashe se bachna chahiye. Cigarette pine wali mahilao me conceive karne ke chances 40% kam jate hai.

Tanav Mukt Rahe:

Is baar ka dhyan rakhe ki jab aap bachcha chahte hai toh aapko tanav mukt hone bahut jaruri hai. Kyuki tanav kaam icksha ko kam karta hai. jitna ho sake khush rehne ki kosis Karen. Is baat me koi shaq nahi hai ki atyadhik tanav aapke reproductivefunction me baadha dalega. Kayi baar jab bahut extreme condition aati hai toh stress ke kaaran mahilao me menstruation ki prikriya tak ruk jati hai apne mann ko shaant rakhe kyuki ek shaant mann aapke shareer parachcha prabhaw daalta hai aur isse pregnant hone ki sambhawnayen bhi bad jati hain. mann ko shant rakhne ke liye aap regularly breathing exercise ka prayog kar sakti hain.

Sex Ovaluation Ke Samay Ke Aas-Pass Karen:

Gynaecologists ke anusaar, garb dhaaran karne ke liye female ke eggs ovary se nikalne ke 24 ghante ke andar hi fertilize hone chahiye. Purush ke shukranu (sperm) aurat ke prajnan path (reproductive tract) me 48 se72 ghante tak hijeevit reh sakte hain. garbh dhaaran karne ke liye eggs aur sperm ka milna bahut jaruri hota hai.

Isliye ovaluation ke samay pati patni ko 72 ghante me kam se kam ek baar sex jarur karna chahiye, aur jab aap bachche ki planning ke liye sex kar rhe ho toh purush ko stri ke upar hona chahiye jisse sperm ka leakage na hone paye. Iske alawa purushon ko is baat ka dhyan rakhna hoga ki wo 48 ghante me ke baar se jyada viryapatan (ejaculate) na Karen nahi toh unka sperm count kafi neeche ja sakta hai, jisse egsss paryapt roop se fertilize nahi ho payenge.

Ovaluation Kya Hai:

Ovaluation veh samay hota hai jab ovary se fertilization ke liye taiyaar eggs nikalte hai. Iske liye aapko apne masik dharm (menstruation cycle) ki dates ka achchi tarah gyan hona atyant aavashyak hai. Aap ka period aane ki job hi date ho, us date ke 12 se 16 din pehle ka time ovaluation ka time hota hai ya phir period hone ke 14th day kea as pass ka samay bhi ovaluation ka samay hoga.

Best Time to Get Pregnant in Hindi

Best Time to Get Pregnant in Hindi

Female ke vagina se ke tarah ka chipchipa taral padarth nikalta hai, uske dwara bhi ham bachcha paida karne ke liye sex karne ka sahi samay pata laga sakte hain. Iske liye vagina se nikalne wale chichipe padarth ko apni ungliyon par lijiye aur uski elasticity check kariye. Jab ye jyada der tak lacheela rahe toh samajh jaiye ki ye ovaluation ka samay hai aur aap bachcha paida karne ke liye sambhog kar sakte hain.

Sambhog Karne Ke Baad Aaram Karen:

Sabhog karne par mahilaon ki yoni me sperm chale jate hain, agar wo sex karne ke baad thodi der tak aaram karen toh unki yoni se sperm ke nikalne ke chances nahi rehte hain. isliye sambhog karne ke baad thodi der tak aaram karna jaruri hota hai.

Testicles Ko Heat Se Bachaye:

Testicles purushon ki body ka wo bhaag hota jisme sperm ka nirmaan hota hai, ye bhaag body ke bahar ki side isliye hota hai taki wo bhaag thanda reh sake. Is bhaag ko kabhi bhi jyada garam pani se na dhoye, jitna ho sake heat se bachaye. Aam tour par itna jyada precaution lene ki jarurat nahi hai par jo log jyada der tak garam jagah par kaam karte hain unhe in sab cheezon se savdhani baratni chahiye. Kyuki yadi sperm jyada taapmaan me expose ho jate hain toh wo sperm mar bhi sakte hain. isliye jitna ho sake testicles ko heat se bachana chahiye.

Nashe Ke Sevan Se Bache:

Kisi bhi tarah ke nashe ke sevan se bache, kyuki aadmi ho ya aurat nasha kisi me bhi hormonal changes kar sakta hai. Nasha krna prajnana kshamta ko buri tarah prabhavit karta hai aur isse janmajaat bisangtiyan bhi ho sakti hain.

Dawao ka Prayog Kaam Karen:

Market me kayi tarah ki tablet uplabdh hain jinse dard jaisi cheese thik ho jati hain. lekin in dawaon ka prayog kam se kam hi Karen kyuki is prakaar ki dawayen aapki fertility par bura prabhaw daalti hain. Kayi baarye dawayen ovaluation ko bhi rok deti hain. isliye is prakaar ki dawaon ka kam se kam prayog Karen. Kabhi bhi kisi bhi prakaar ki dawa lene se pehle doctor ki salaah jaroor le, bina doctor ki sallah ke kisi bhi prakaar ki dawayen na le. Ye aapke liye nuksaan dayak ho sakta hain.

Sex Ke Samay Taral Padarth Ka Prayog Na Karen:

Kayi praakaar ke gels hote hain jinko sex karte samay use kiya jata hai jisse sex karne me asaani ho jati hai. Lekin is prakaar ke taral padarth aur lubricants sperms ko mahilao ke reproductive tract me travel karne me baadhak ho sakte hain. Waise bhi sex ke douraan artificial lucricants ki jarurat nahi hoti hai kyuki is prikriya me natural lubricants khud hi paryapt matra me uplabdh ho jata hai. Phir bhi kisi bhi tarah ke artificial lubricant ki use karne se pehle doctor ki salaah jaroor le. Natural lubricant ovary aur sperm dono ke liye hi healthy hota hai.

Is prakaar yahan hamne aapko yahan par bataya ki pregnant hone ke liye kya kya saavdhaniya rakhni chahiye aur kya kya karna chahiye jisse aap garbh dhaaran kar sakti hain. Toh ab der kis baat ki hai agar aap bhi maa banna chahti hain toh hamare dwara diye gaye directions aap follow kar sakte hain.