Haldi (Turmeric)

Haldi ek aisa utpaad hai jo aapki twacha ko sundar banata hai aur ye aapke under arm ko light karne me bhi madad karta hai, iske liye besan ke sath dahi, nimbu ( lemon ) me thodi si haldi mila le aur isko achchi tarah mikar paste bana le. Ab is paste ko apne under arm par achchi tarah se laga le. Lagane ke 15 se 20 minute baad ise saade pani se dho le, isse dheere dheere karke aapke under arm ka rang nikharne lagega.

Aalu (Potato)

Aalu ( potato ) bhi twacha ke rang ko saaf karne me bahut madad larta hai. Aalu ko kees kar ya bareek pees kar iska juice nikaal le aur is juice ko apne under arm par laga le, lagane ke 15 minute baad ise saade pani se dho le, isse aapke under arm ki twacha ka kaala pa kam ho jayega, isi tarah kheera bhi aap upyog kar sakte hai. Kheera bhi twacha ko light karne me madad karta hai.

clean-underarm-gharelu-upay

Kesar (Saffron)

Kesar rang nikharne ka sabse behtar tareeka hai. Kesar rang nikharne ke liye hi jaana jaata hai. Iske liye do chammach ( spoon ) doodh ( milk ) me ya malayi ( cream ) me chutki bhar kesar ko dale aur use achche tarah milakar sone se pehle lagayen. Ise raat bhar laga rehne de aur agle din subah hone par ise dho le, isse na sirf aapki bagal ( under arms ) ke rang ko saaf karta hai balki ye aapke under arms se aane wali badbu ko bhi kam karta hai aur iske sath hi badbu ke bacteria ko bhi khatam karta hai.

Chandan (SANDALWOOD) Powder

Chandan powder rang ko nikharta hai aur gulab jal ( rose water ) twacha ko thandak pradaan karta hai. Isliye agar ham chandan powder me gulab jal ko milakar paste bana le aur is paste ko under arm me lagayen. Lagane ke 5 se 10 minute baad ise dho le, isse kuch dio me hi aapko laabh milega. Isse na sirf aapke under arm ka rang saaf hota hai balki isse aapke under arm ki twacha bhi mulayam aur komal hoti hai.

Nimbu (Lemon)

Nimbu ( lemon ) me citric acid hota hai jo twacha ki achchi tarah safayi karta hai sath hi twacha ka rang saaf karne me bhi madad karta hai, ye ek prakritik bleach ka kaam bhi karta hai. Iske liye pratidin nahane jane ke pehle nimbu ka ras apne under arm par lagayen ya phir direct nimbu ko kaatkar ragad bhi sakte hain our nahane ke baad apne under arms par koi bhi moisturizer lagayen, isse dheere dheere aapke under arm ka rang saaf ho jayega.

Deo

Deo, jo ki aaj ke samay me shareer ki badbu ko chupane ke liye prayog kiya jaata hai, kayi baar khushbu bas ke liye deo lagaya jata hai. Lekin kya aapko pata hai ki deo aapki twacha ko nuksaan pahuhata hai, kyuki ye seedhe aapki twacha ke sampark me aata hai. Isliye yadi aapko lagta hai ki deo ke upyog karne se aapke under arm kaale ho rahe hain toh kuch samay ke liye deo ka upyog karna band kar de.

Underarm in Durgandh Kaam Karne ke Liye Upay

Durgandh se bachne ke liye agar ho sake toh prakritik saadhno ka prayog Karen. Iske liye aap baking soda lekar usme thoda sa pani milakar use apne under arm ko saaf Karen. Ya phir aap fitkari ka bhi prayog kar sakte hain. jab aapke under arm ka rang saaf hone lage toh twacha ke liye sambedansheel deo ka hi prayog Karen, harmful deo ka upyog na Karen.

Is prakaar hamne yahan aapko bataya ki kaale under-arm se kaise chutkaara paaya jaye, toh ab der mat kijiye. Hamare dwara diye gaye sujhavon ka upyog karke khulkar apni pasand ke sleevless kapde pehne aur khulkar apne haath upar uthaye.

LEAVE A REPLY