Khas Khas Benefits (खसखस) – Ishe english mai poppy seeds ke naam se jana jata hai, ye bahut hi chote akaar ke beej hote hai. Ye akaar mai bhale hi chote hote hai, lekin ye swasth ke liye behad faydemand hote hai. Kayi varsho se khas khas ki kheti ki ja rahi hai, yeh afim ke beej se taiyar kiya jata hai aur europe mai yeh kafi lokpriya bhi hai, lekin afim ka koi bhi bekar gun iss mai nahi paya jata hai.

Agar khas khas ki baat ki jaye toh yeh swaad mai bahut hi acchi hoti hai aur kayi tarah ke pakwan banane ke liye inka prayog kiya jata hai. Iske alawa yeh hamare swasth ke liye bhi behad faydemand mani jati hai, kyuki ismai kayi tarah ke poshak tatva, calcium aur carbohydrates paye jate hai. Iske poshtik guno ke kaaran yeh hamare liye behad labhprad mana jata hai. Sath hi iske beej se nikalne wale tel ka prayog bhojan banane ke liye bhi kiya jata hai.

Iske prayog se sharir ke andar rehne wala haddi ka bukhar bhi thik ho jata hai, sath hi pet mai jalan aur sujan jaisi pareshaniyon ka upchar bhi iske dwara sambhav hai. Toh aaiye aaj yaha jante hai khaskhas benefits ke bare mai.

Khas Khas Benefits (खसखस) – 11 Fadye Poppy Seeds in Hindi

khas khas benefits

Dard ko dur kare:

Sharir ki manspeshiyo mai rehne wale dard ko thik karne ke liye khaskhas ka prayog kiya jata hai, iss tarah yeh ek dard nivaran dawa ka kaam karti hai. Darasal khaskhas main opium alkaloids paya jata hai jo sharir mai hone wale kisi bhi tarah ke dard ko thik karne mai madadgar hota hai. Iske sevan dwara sharir ko aur bhi kayi tarah ke fayde milte hai aur iske tel se malish karne se sharir ke dard ko dur kiya ja sakta hai.

Poshak tatvo se bharpur:

Khaskhas kayi tarah ke poshak tatvo se bharpur hota hai, is mai kayi tarah ke vitamins aur minerals paye jate hai. Ismai carbohydrates 28.13g, protein 21.22g, calcium 1438 mg, phosphorus 870mg, potassium 719 mg, magnesium 347 mg, sodium 26mg, iron 9.76mg aur manganese 2.285mg paya jata hai. Iss tarah ismai sabhi jaruri poshak tatva paye jate hai.

Antioxidant gun:

Khaskhas main antioxidant gun paya jata hai, jo ki hamare sharir ke liye labhkari hota hai. Ye antioxidant, hamare sharir ke utaako ki free radical se hone wale hamle se raksha karte hai. Iss tarah khaskhas ka sevan aapko jarur karna chahiye.

Kamjori dur kare:

Agar aapko sharir mai kisi tarah ki kamjori hai toh khaskhas ke sevan dwara sharir ki kamjori ko dur kiya ja sakta hai. Iske liye aap rojana khaskhas se bane halwe ka sevan kar sakte hai. Lekin ise sardiyo mein khaye, iske liye raat ko khaskhas ko bhigo kar rakh de aur subah hone par ise pani se nikal le aur mixer mai pees le, iske baad ise ghee mai acche se sek le aur sikne ke baad dudh daal le aur acchi tarah se dudh mai pakaye, iske baad jo bhi meve dalna chahe dale aur sevan kare. Isse sharir ki kamjori dur hoti hai aur sharir ko takat milti hai.

Pachan ko thik rakhe:

Agar aapka pachan thik tarah se nahi hota hai toh aap rojana kam se kam 200 gram khaskhas ka sevan jarur kare. Kyuki sharir mai paryapt matra mai fiber na hone par aapka pachan sahi nahi ho pata hai aur khas khas mai acchi matra mai fiber paya jata hai jo ki aapke pet aur kabj ki pareshani ko dur karne mai madad kar sakta hai.

Asthma aur khansi ki pareshani dur kare:

Khaskhas ka sevan asthma aur khansi ki pareshani mai bahut faydemand mana jata hai. Khaskhas ke beej mai kuch aise gun paye jate hai jo aapki khansi aur asthma ki pareshani ko duur bhaga sakte hai.

Twacha ke liye faydemand:

Khaskhas twacha ke liye bhi bahut faydemand mana jata hai, yeh twacha ko kisi bhi tarah ke side effect jaise khujli, jalan aadi se bachata hai aur sath hi twacha ko sundar aur chamakdar banane mai bhi madad karta hai. Aap chahe toh iske sevan dwara twacha ko sundar bana sakte hai, ya phir iska face mask bana kar bhi laga sakte hai. Yeh aapki twacha ko nami aur nikhar pradan karti hai. Face mask banane ke liye khaskhas ko pees kar dudh ke sath mila kar paste bana le aur apni twacha par ise lagaye.

Anidra ki pareshani dur kare:

Agar aap neend na aane se pareshan hai toh khaskhas ka sevan aapko neend aane mai madad kar sakta hai. Iske liye aap rojana sone se pehle khaskhas ke paste ko dudh mai dal kar piye, isse aapko acchi neend aane mai madad milegi.

Cancer se bachata hai:

Khaskhas ka sevan aapko cancer jaisi ghatak bimari se bachane mai sahayak sabit ho sakta hai. Darasal khaskhas mai oleic namak acid paya jata hai jo ki aapke sharir mai cancer ke cells ko khatam karne mai madad karta hai. Iss tarah agar aap cancer se bachna chahte hai toh khaskhas ka sevan jarur kare.

Cholesterol ko niyantrit kare:

Khaskhas mai manganese paya jata hai jo ki ek anti oxidant ki tarah kaam karta hai aur hamare sharir mai cholesterol ko niyantrit karne mai madad karta hai, sath hi acche cholesterol ka nirman karta hai aur bad cholesterol ko khatam karne ka kaam karta hai. Iss tarah ye hamare dil ke liye bhi faydemand hai.

Stone ki samasya ko dur kare:

Jin logo ko khas kar kidney mai stone ki samasya hoti hai, un logo ke liye khaskhas ka sevan fayda pahucha sakta hai. Darasal khaskhas mai oxalates paye jate hai jo hamare sharir ke extra calcium ko sokh lete hai, jo ki kidney mai stone banne se rokta hai aur pathri hone ki sambhavna bhi kam ho jati hai.

Iss tarah upar aapne jana ki khaskhas aapke sharir ke liye kis tarah se faydemand ho sakti hai. Toh agar aap bhi apne sharir ko upar batayi gayi pareshaniyo se bachana chahte hai toh khaskhas ka sevan karna jaldi hi shuru kare.