Aaj ke samay me agar dekha jaye toh ladki ko patane (impress) karna itna asaan nahi reh gaya hai. Pehle ke samay ki baat aur thi jab kuch ek do baato se aur thode se hi effort daalne se hi ladkiya aapse impress ho jati thi.

Lekin agar aaj ke samay ki ladkiyo ki baat ki jaye toh wo bahut hi samajhdar ho gayi hai, wo har baat ko samajhti hai, is tarah unhe impress karna itna asaan nahi reh gaya hai.

Aaj ham apne is article me yahi batane ja rahe hai ki ladkiyo se kis tarah baat ki jaye aur kaisa attitude apnaya jaye ki wo aapse impress ho jaye. Toh aaiye jante hai kuch khass tips ke bare me jinko apna kar aap kisi bhi ladki ka dil jeet sakte hai.

Ladki ko Patane (Impress) ke Tips Hindi Mai

Roj Nahane Ki Aadat Dale:
Ladko ko agar saaf suthra dikhna hai toh unhe roj nahane ki aadat jarur dalni padegi, kyuki jyadatar ladkiyo ko saaf suthre dikhne wale ladke hi pasand aate hai. ISke alawa agar aap roj nahate hai toh isse aap fresh dikhte hai aur aapka mood bhi thik rehta hai, isliye roj nahane ko apni aadat me le aaye.

Muh Ko Rakhe Saaf:
Kabhi bhi jab aap kisi ladki se baat karte hai toh agar aapke muh se badbu aayegi toh aap ye baat bhul jaiye ki koi bhi ladki aapse impress ho jayegi. Isliye is baat ka hamesha dhyan rakhe ki aap rojana subah sham me brush kare aur apne muh ko saaf rakhe jisse aapke muh se kisi bhi tarah ki badbu na aaye.

Saaf Kapde Pehne:
Ye baat bhi ladki ko patane ke liye bahut hi jyada jaruri hai ki aap job hi kapde pehne wo saaf suthre hona chahiye. Agar aapke kapde gande honge toh ladki aapse impress ho jaye ye mushkil hi hai. Isliye jab bhi aap chahte hai ki koi ladki aapse impress ho toh aapke kapde saaf hone chahiye.

Deodorant Ka Kare Istemaal:
Deo ka chunav karte samay is baat ka dhyan rakhe ki jyada heavy deo na lagaye, normal sa deo lagaye. Isse aap mehekte rahenge.

Ladki Se Dosti Kaise Kare? In Baato ka Rahke Dhyaan

ladki ko patane ke tarike in hindi

Ye toh huyi ki aapko apne aap ko kaise rakhna hai, ab jante hai ki aapki body language aur aapka behavior kaisa hona chahiye jab aap kisi ladki ko impress karna chah rahe ho.

Pyar aur Respect Se Baat Kare:
Jab aap kisi ladki se baat kare toh bahut araam se aur laheje se baat kare. Jaha par bhi lagta hai ki aapko use thank you bolna chahiye toh aap bole aur jahan aapko lagta hai ki aapko use please karna chahiye toh kare. Iske alawa sabse jyada jaruri baat ye hai ki agar aap kisi bhi ladki ko respect de kar baat karte hai, toh ye baat har ladki ko pasand aati hai. Kyuki har ladki ye chahti hai ki jiske sath bhi wo rahe, wo vyakti use puri respect de. Is tarah aap pure laheje aur respect ke sath kisi ladki se bat karte hai toh wo jarur aapse baat karna chahegi.

Body Language Achchi Honi Chahiye:
Jab bhi aap ladki se baat kare toh aap eye contact ke sath baat kare aur aapki body language ka jarur dhyan rakhe. Har baat karte samay aapki body language sahi hona chahiye kyuki agar aapki body language sahi nahi hogi toh shayad aap ladki ko impress karne me piche reh sakte hai.

Confident Rahe:
Agar aap me confidence nahi hai toh aap koi bhi baat sahi dhang se nahi kar payege, isliye jaruri ye hai ki aapme har baat karne ka confidence hona chahiye. Kyuki agar aap kisi bhi baat ko karne me hichkichayege toh shayad ladki aapse dosti karne me piche hat sakti hai. Ladkiyo ko confident aur har kaam me perfect ladke jyada pasand aate hai.

Khud ko Intresting Banaye:
Jyadatar ye dekha jata hai ki ladkiyo ko aksar wo ladke jyada pasand aate hai jinki life thodi intresting hoti hai. Toh khudko aur khud ki zindgi ko dilchasp aur mazedar banaiye, jisme kuch hatkar ho, jo sabke jaisi na ho. Isliye aap chahe toh singing, dancing, cooking ya phir gardening jaisa kuch hat kar kaam kar sakte hai.

Smart aur Intelligent Raho:
Agar aap smart aur intelligent hote hai toh ye kisi bhi ladki ke liye kafi impressive ho sakta hai. Isliye apna knowledge kisi bhi field me badaye aur use time aane par bataye specially tab, jab wo ladki aapke pass me ho jise aap impress karna chahte hai. Lekin ek baat ka dhyan rakhe ki is gyan ka over dose nahi hona chahiye, nahi toh aapko iska side effect dekhne ko bhi mil sakta hai. Kyuki ladkiyo ko smart ladke pasand hote hai lekin over smart ladke kabhi nahi.

Pehle Dosti Karne ki Kosis Kare:
Jab kabhi bhi aap ladki ko impress karna chahte hai toh aap koi bhi baat usse ek dam direct na bole. Pehle usse dosti karne ki kosis kare, kyuki agar aap kisi ke dost ban jate hai toh us vyakti ko aap jyada achche se samajh sakte hai aur baat ko aage bada sakte hai. Lekin yadi aap direct hi apne relation ko le kar baat karte hai toh ye baat kisi bhi ladki ko pasand nahi aayegi, Isliye kisi bhi cheez ke liye samay le aur phir kare.

Compliment Jarur De:
Agar aap ye nahi jante hai toh jaan lijiye ki ladkiyo ko unke upar kiye gaye achche compliment bahut pasand aate hai. Isliye jab bhi aapko compliment karne ka mouka mile toh jarur kare, chuke nahi. Lekin yaad rahe ki aapke compliment achche aur genuine hona chahiye, jisse samne wali ladki ko achcha feel ho.

Positive Attitude:
Ladkiyo ko positive attitude wale log bahut pasand aate hai. IS tarah aap bhi apne attitude ko positive bana kar rakhe aur nakaratmak baato se dur rahe, kyuki jyadatar ladkiyo ko jyada nakaratmak baate karne wale ladke pasand nahi aate.

Ladki Se Baat Karne Ke Tarike aur Tips

kiss kaise kare

Non-Veg Words aur Jokes Karne Se Bache:
Ladki ke samne kabhi bhi non-veg jokes ya gande words na hi bole jaye toh achcha hai, kyuki ek tarah se agar dekha jaye toh ye achche manners ke nadir nahi aata hai. Isliye kosis kare ki jab aapke sath ladki ho toh aisa karne se bache.

Soch Samajh Kar Baat Kare:
Kayi baar hamare sath aisa hota hai ki na chahte huye bhi hamare muh se wo shabd nikal jate hai jo ham nahi chahte the. Ye sab dosto ke samne toh chal jata hai lekin jab aap kisi ladki ko impress karne ja rahe hai toh is baat ka khass dhyan rakhe ki jab bhi aap usse baat kar rahe ho toh ladki ki baat ko puri tarah sune aur soch samjh kar baat kare, kyuki ladkiyo ko badi baato ka nahi balki bahut choti choti baato ka bura lag jata hai. Isliye baato ko bahut soch samjh kar kare.

Ladki ko Special Feel Karaye:
Agar koi ladka kisi bhi ladki ko special feel kara deta hai toh wo ladki us ladke se impress huye bina reh hi nahi sakti, kyuki koi bhi ladki ho, agar koi ladka use kisi bhi tareeke se ye feel karata hai ki usse special is duniya me uske liye kuch bhi nahi hai toh ladki usse jarur impress ho jayegi. Uske bure samay me uski madad kari, phir chahe uske liye aapko kuch alag hatkar hi kyu na karna pade. Kisi bhi tough situation me uska sath do.

Emotions Ko Samjho:
Ladkiya bahut emotional aur najuk hoti hai. Agar koi bhi vyakti jo unke emotions ko samajhta hai toh unka dil bahut jaldi pighal jata hai. Jaruri mahi hai ki wo aapki emotional baato se aapse impress ho jaye. Lekin haa agar wo aapko apna dost maan kar aapse kuch share karti hai toh ase me aapko uska sath dena chahiye aur uske emotions ko samajhte huye uski help karne se piche nahi hanta chahiye.
Iske alawa agar emotions ki baat ki jaye toh kabhi bhi aisi koi baat nahi karna chahiye jisse wo hurt ho jaye kyuki bahut badi baato se nahi, balki kabhi-kabhi bahut choti baato se hi unke dil dukhi ho jata hai.

Upar aapne jaan ki kis tarah aap ladki ko patane (impress) kar sakte hai. Toh ab der kis baat ki hai in tips ke bare me pade aur ladki ko impress kare.