Ladka ho ya ladki, bachche ho ya bade, Sabhi chahte hain ki wo aakarshan ka Kendra bane rahe. Iske liye sabse jyada jaruri hai aapki personality. Apni personality ko kaise develope kare jisse ki log hamse attract ho? Khudko impressive kaise banaya jaye? Dusron se kis tarah baat ki jaye ki log aapse aakarshit ho? Samajik or safal vyakti kaise bana jaye? In prashno ke uttar neeche diye gaye kuch upaayon me hain, jinse aap apne vyaktitva ko nikhaar sakte hain.

how-to-attract-women-and-men

  1. Aapki body ka sabse aham hissa hota hai aapka chehra aur wo tab aur jyada achcha lagta hai jab us par muskan ho.Isliye jab bhi aap kisi se milte hain to apne chehre par pyari si smile rakhen. Agar aap kisi se muskurate huye chehre ke sath milte hain toh samne wale vyakti ko lagta hai ki aapko use milkar khushi huyi hai. Isliye hamesh apne chehre par pyari si smile jaroor rakhe.
  2. Dusri cheez hai ki jab bhi aap kisi se pehli baar milte hain to aap khudke bare me bataye aur unka naam or unke kaam kaaj ke bare me jaankar use yaad rakhen, kyuki jab aap us vyakti se dusri baar milte hain aur unko unke naam se pukarte hain aur unke kaam kaaj ke bare me puchte hain toh unhe bahut hi achcha lagta hai aur wo aapse aakarshit hote hain aur unko lagta hai ki aapke liye wo vyakti mahatvapurna hai.
  3. Aapka achcha vyavhaar bhi logo ke aakarshan ka Kendra ban sakta hai. Agar aapka vyavhaar achcha hai toh log aapse bahut hi jaldi aakarshit honge.
  4. Pyar aur sahanubhuti (sympathy) dono hi aisi cheeze hain jiski is duniya me sabko jarurat hoti hai. Agar aap kisi bhi vyakti se pyar se baat karte hain toh wo aapka hokar reh jaata hai, isliye pyar aur sympathy kisi bhi vyakti ke vyaktitva ka aadhar hoti hai.
  5. Kaha gaya hai ki “dusron ke sath waisa hi vyavhaar Karen jaisa aap dusron se swayam ke liye chahte hain”, isliye agar aap dusron ko samman dete hain toh wo bhi aapko tna hi samman aur izzat denge. Isliye aapko chahiye ki khaas mouko par apne doston or sambandhiyon ko khaas mouko ki badhaayiyan de, jisse unko lagega ki aapki zindgi me wo log ahmiyat rakhte hain, isse unke dil me aapke liye pyar aur izzat badegi.
  6. Ek kahawat toh aap sabhi logon ne suni hi hogi ki “such ke sab sathi, dukh me na koi” . Iska matlab hai ki sukh ke samay me sab sath dete hain magar dukh ke samay me sab sath chor dete hain. Isliye kabhi bhi buri paristhiti me apne doston or sambandhiyon ka sath kabhi na chore, unki sahayata Karen, aur unko kabhi bhi is cheez ka ahsaas na hone de ki aapne un par koi ahsaan kara hai.isse wo zindgi bhar aapko yaad rakhenge aur aap unke dil me bhi jagah bana lenge.
  7. Baaten karte samay ek baat ka dhyan jarror rakhe ki aap khud bolne ke bajay samne wale ki baton ko sahi dhang se sune. Agar samne wala aapse apni koi pareshani share karta hai toh uski pareshani ke har bindu ko dhyan se sune aur usko uski samasyaon ke samadhan ke liye kuch achche tareeke bhi bataye jisse wo apni pareshaiyon se nikal sake. Logon se judne ka ye ek achcha tareeka hai.
  8. Tyohaar ek achcha mouka hote hain logon se judne ke liye. Jab bhi aapke doston aur sambandhiyon ke yahan kisi bhi prakar ka khushi ka mouka pade toh unko tohfe de, Tohfa chota ho ya bada ye jaruri nahi hai lekin aapne kitne dil se diya hai ye baat maaye rakhti hai, isse aap baki logo se alag vaktitva ka pradarshan karte hain aur ye logon ko bahut hi aakarshit karta hai.
  9. Is baat ka vishesh roop se dhyan de ki jab aap kisi se bhi baat kar rahe ho tab kisi bhi prakaar ki nakaratmak baat na kare, isse aapke vyaktitva par asar padega,cisliye jab bhi aap kisi se koi bhi baat karte hain toh dhyan rakhe ki aap us Vishay ke bare me sakaratmak baat hi Karen. Kyuki aap agar apne doston se jude rehna chahte hain toh unke bare me koi bhi burai ya nakaratmak baat na Karen. Agar aapko unko samjhana h hai toh unko is tareeke se samjhyen ki unko bura bhi na lage aur unke liye aapka sujhaav sahib hi ho.
  10. Kisi ko bhi protsahan dena ek bahut achchi baat hai, isliye agar aap me ye baat hai toh aapk doston me kabhi kami nahi aayegi.jyadatar dekha gaya hai ki log dusron ko protsahan den eke wajay khudke bare me jyada baaten karte hain jo ki achche vyaktitva ki nishani nahi hai, isliye aisa karne se bache aur jitna ho sake dusron ko protsahan de. Is tarah agar aap achche dost aur rishte banaye rakhna chahte hain toh dusro ki tareef karne ko apni aadat me laayen,kyuki har insaan me koi na koi khoobi hoti hai aur har koi chahta hai ki uski tareef ho aur koi bhi vyakti khudki tareef sunkar khush ho jata hai, isliye agar koi cheez tareef ke kabil hai toh tareef jaroor Karen.

Is prakar aap anya logon jaise- aapke dost, rishtedaar aur aapke samaaj me rehne wale logo se agar aap achcha vyavhaar rakhte hai toh aap jaroor hi aakrshit vyaktitva wale vyakti ban jayenge. Kyuki insaan hone ke naate hamara ye farz banta hai ki hame waisa hi vyavhaar dusron ke sath karna chahiye jaisa ham khud dusro se apne liye chahte hain.

Kabhi bhi apne vyavhaar ko na badle,agar aapke saath koi bura vyavhaar bhi karta hai toh aap uske sath bura vyavhaar na Karen balki use uske haal par chor de, kyuki aap apne achche vyavhaar ke liye jaane jaate hain aur dusron ke karan aap use kabhi kharab na Karen.Achcha vyavhaar hamesha achcha fal deta hai, Kyuki har koi achche vyavhaar wale vyakti ke sath rehna chahta hai.

LEAVE A REPLY