Gharelu Nuskhe for Loose Motion in Hindi – Loose motion ki agar baat Karen toh ye bahut hi pareshani wali cheez hai, iske hone ke kayi kaaran ho sakte hain. Kayi baar hum kuch aisi cheeze kha lete hain jo hamare pet ko kharab kar deti hai aur hame apach ho jati hai, apach hone ke kaaran bhi hame loose motion ho sakte hain. Kayi baar hamare bahut jyada ghabrane ke kaaran bhi hamara pet kharab ho jata hai.

Is prakaar ham keh sakte hain ki hamare pet me kharabi ke kaaran hame loose motion hote hain. Jab bhi kisi bhi vyakti ko loose motion hote hain toh us vyakti ko bahut saavdhani baratni chahiye aur apna pura dhyan rakhna chahiye, kyuki kayi baar jyada loose motion hona jaanleva bhi ho sakta hai. Hamare is article me hum kuch aise uaay batane ja rahe hain jinko apnakar aap apne loose motion ko gharelu cheezon ke upyog ke dwara thik kar sakte hain.

Loose Motion in Hindi – Dast ka Gharelu Upcaar

LOOSE MOTION IN HINDI - DAST KA ILLAJ
Toh aaiye jante hai losse motion ko thik karne ke gharelu upaay.

Kela hai faydemand: Kela (Banana) loose motion ke liye bahut hi faydemand fal hai. Isko khane se aapke loose motion turant hi thik ho jate hain aur ye bahut hi jaldi fayda pahuchata hai. Isse pet ka pachan bhi thik rehta hai aur ye loose motion ke kaaran hone wali pet ki jalan ko bhi kam karta hai. Is prakaar jab bhi aapko loose motion ho toh turant araam pane ke liye aap kele ka sevan Karen, isse aapke dast bhi ruk jayenge sath hi pet ko bhi araam milega.

Dahi-chawal ka Karen sevan: Loose motion me araam ke liye dahi-chawal sabse achcha bhojan hai. Loose motion ke samay doctors bhi dahi chawal khane ki salaah dete hain, isse pet ko thandak milti hai aur aapke loose motion me bhi araam milta hai.

Fate doodh ka Karen sevan: Dast hone par kachche doodh se bane fate doodh ka sevan karna chahiye isse bhi aapke losse motion me araam milta hai. Iske liye 250 gram fresh kachcha doodh le aur isme ek nimbu nichod de aur iske baad ek chammach chini daal de. Nimbu daalne se doodh fat jayega. Is prakaar taiyaar doodh ko achchi tarah se mila le aur phir is prakaar bane fate doodh ka sevan Karen, ye aapke loose motion ke liye bahut hi laabhkari siddh hoga.

Khoob pani piyen: Jab bhi aapko loose motion ki shikayat ho tab khoob pani ka sevan aren, isse loose motion ke kaaran hone wali pani ki kami door hoti hai aur shareer me pani ki kami bhi nahi hoti hai.

Loose Motion Treatment Bacho Ke Liye

Agar loose motion kisi bade ko ho tab hum ye upaay apna sakte hain, lekin wohi yadi bachcho ko loose motion ki pareshani ho jaye, Toh unko toh ham kela aur dahi-chawal jaisi cheeze nahi khila sakte. Isliye hame bachcho ke liye kuch alag karna padta hai.

Jyadatar bachcho ko loose motion infected food aur unhygienic food ke kaaran hote hain, isliye bachcho ke khane par vishesh dhyan de aur unke khane ki saaf safayi ka pura dhyan rakhe. Jab bhi bachcho ko loose motion ho tab bachcho ko namak ka pani pilayen, kyuki kayi baar bachcho ke shareer me pani ki kami hone ke kaaran bhi loose motion jaisi pareshaniya ho jati hai.

Iske alawa bachcho ko halka ahaar de, isse unka dehydration kam hoga aur bachche ke dast par bhi control hoga aur agar iske baad bhi dast band nahi ho rahe hain toh bachche ko jaldi se jaldi doctor ko dikhayen.

Is prakaar yahan hamne aapko bataye kuch aise gharelu upaay jinko apna kar aap apne loose motion ko ghar par hi thik kar sakte hain.