Ye baat toh ham sabhi jante hai ki jin logo ko migraine hota hai, un logo ke sar mai jab dard hota hai toh wo dard bahut hi khatarnak hota hai aur bahut hi jyada takleef deta hai.
Iss dard ka koi samay ya kaaran nahi hota hai, ye kabhi bhi shuru hota hai aur thik bhi ho jata hai. Kayi log iske upchar ke liye kayi prakaar ki dawaye bhi lete hai, lekin inn dawao ko regular lene par hi aap iss dard se bach sakte hai aur jaise hi aap inn dawao ko lena band karte hai toh ye dard phir se shuru ho jata hai. Iss tarah ham keh sakte hai ki dawao se iska permanent ilaaj sambhav nahi hai.

Toh ghabrane ki baat nahi hai agar aap migraine se pidit hai toh aap iske liye kuch gharelu upchar bhi apna sakte hai jinse aapko migraine ke sar dard mai araam bhi mil jayega aur sath hi iska koi side effect bhi aapko nahi hoga. Toh aaiye jante hai aise kuch gharelu upaayo ke bare mai, jinke dwara aap migraine ke sar dard ko dur kar sakte hai.

Migraine in Hindi – 9 Gahrelu Upaye Sir Daar ko Khatam karne Ke

migraine in hindi

1) Sahi ahaar le: Migraine ki samasya se bachne ke liye aapko sabse pehle apne ahaar par khaas dhyan dena chahiye. Agar aap sahi ahaar lete hai toh aap iss samasya se bach sakte hai. Apne ahaar me sabhi tarah ke vitamins aur minerals ko shamil kare aur aisa bhojan le jo aapke liye faydemand ho. Kayi baar ham kuch aise khadya padartho jaise beans, mirchi, achar aur paneer ka sevan karte hai jo hamare sar ke dard ko badate hai. Iske alawa coffee aur khatte falo ka sevan karne se bhi bachna chahiye.

2) Sahi neend le: Migraine ke dard se bachne ke liye aapko sahi aur bharpur neend lena bahut jaruri hai. Ek vyakti ko kam se kam 7 se 8 ghante ki neend jarur lena chahiye. Agar aap sahi neend nahi lete hai toh isse aapka sar dard bad sakta hai aur aapko migraine ki pareshani bhi ho sakti hai. Isliye raat ko sahi samay par soye aur subah sahi samay par uthe. Iss tarah neend niyamit rup se le aur uska ek samay nirdharit bhi kare.

3) Meditation aur yoga kare: Meditation aur yoga ek aisa upchaar hai jo har tarah ki pareshani ko dur kar sakta hai. Meditation se mann ko shanti milti hai aur yoga aapko sharirik rup se prabal banata hai. Isliye kuch pranayam aur yoga ko apni dincharya mai jarur shamil kare. Isse aap migration ko jad se khatam kar sakte hai.

4) Sar ki malish kare: Sar ki halke hatho se malish karne se bhi sar dard se chutkara paya ja sakta hai. Lekin yahi dard agar migraine ke kaaran ho toh iske liye aap kapoor mai ghee ko mila le aur isse sar ki halke hatho se malish kare. Isse aapko migraine ke sar dard mai araam milega.

5) Gardan aur kandho ki malish kare: Migraine ke kaaran hone wale sar dard mai agar kisi bhi oil ya ghee se sar, kandhe aur garden ki hatho se malish ki jaye toh isse dard mai rahat mil sakti hai. Iske liye aap chahe toh halki khushbu wale kisi oil ka bhi prayog kar sakte hai.

6) Makkhan aur mishri: Migraine ke sar dard se chutkara pane ke liye makkhan aur mishri bhi aapko rahat dila sakte hai. Iske liye aap makkhan aur mishri ko mila kar sevan kare, isse aapko migraine ke sar dard mai araam milega.

7) Nimbu ka chilka: Ji haan, nimbu ka chilka aapke sar dard mai araam dila sakta hai. Agar aapko migraine ke kaaran sar mai dard hai toh aap nimbu ke chilke ko ek dam barik pis le aur uska lep bana le. Ab iss bane huye lep ko apne mathe par laga le, isse migraine ke sar dard mai aur migraine mai araam milta hai.

8 Garam pani ki sikayi: Garam pani se sikayi ke dwara aapka sar dard thik ho sakta hai, iske liye aap ek bartan mai garam pani kare aur ab iss pani mai toliya bhigo le aur ab iss toliya ki madad se dard wale hisse mai sikayi kare, isse aapka sar dard mai araam milega. Garam pani se sikayi aap sardiyo ke samay mai kar sakte hai.

9) Thande pani ki sikayi: Kuch logo ko thande pani ki sikayi se bhi araam mil jata hai. Iske liye aap ice cubes ka istemal kar sakte hai ya phir chilled water bhi le sakte hai. Jab aapke sar mai dard ho toh iske liye toliya ko thande pani mai bhigo kar dard wali jagah par sikayi kare, isse aapko araam milega. Agar aap ice cubes ka istemal kar rahe hai toh iske liye kisi bhi kapde mai ice cubes ko rakh le aur sar par isse sikayi kare. Iss prayog ko aap garmiyo ke dino mai kar sakte hai.

Iss tarah yaha aapne jana Migraine in Hindi ko kis tarah gharelu upaayo dwara migraine ke dard se chutkara paya ja sakta hai. Toh agar aap bhi migraine ke dard se pareshan hai toh inme se kisi bhi upaay ko apnaye, isse aapko araam milega. Lekin ek baat jarur yaad rakhe ki sahi ahaar aur puri neend har vyakti ke liye jaruri hoti hai. Isliye sahi ahaar aur neend puri jarur le.