Mouth cancer symptoms in Hindi –

Cancer ka naam sunte hi koi bhi dar jata hai, kyuki yeh ek aisi bimari hai jo bahut jyada khatarnak hai. Agar sahi samay par iska ilaaj nahi karawaya jaye toh yeh thik nahi hoti hai aur insaan ki jaan tak chali jati hai. Yahan par ham mouth cancer ki baat kar rahe hai, muh mai hone wale cancer ko mouth cancer kaha jata hai. Yeh bahut chote se muh ke chaale se shuru hota hai aur cancer ka rup le leta hai, darasal yeh chaala muh mai hone wale anya chaalo ki tulna mai alag hota hai aur jaldi thik nahi hota hai. Isse andaja lagaya ja sakta hai ki yeh cancer ho sakta. Yeh jyadatar purusho ko hota hai, kyuki jyadatar purush tobacco, pan-masala aur alcohol ka sevan karte hai, jisse wo mouth cancer ke shikar ho jate hain.

Iske pramukh lakshan hontho aur muh ke andar sujan aur safed dhabbe padna, iske alawa muh mai bewajah khun aana, gale mai kharash ka lambe samay tak bane rehna, muh hamesha sukha mehsus karna aadi hai. Ye bahut hi khatarnak bimari hai, agar ise sahi samay par pehchan liya jaye toh iska ilaaj sambhav hai aur vyakti ki jaan ko bachaya ja sakta hai.

Muh ke Cancer ka Ilaj –

Mouth Cancer Symptoms in Hindi

Jyadatar mouth cancer ke ilaaj mai deri ke karan logo ki mout ho jati hai. Iske lakshan dhire-dhire samne aate hai. Isliye iske prati aware hona bahut jaruri hai. Iske wohi lakshan samne aate hai jo sabse pehle doctor oral screening test leta hai. Iss test mai agar cancer ke lakshan samne aate hai toh doctor neeche bataye gaye test karta hai.

Iske alawa iss bimari ke ilaaj mai CT (Computerized tomography) scan, PET (Positron emission tomography) scan, MRI (magnetic resonance imazing) scan aur kayi tarah ke X-ray bhi hote hai. Toh aaiye yaha jante hai ki remedy for mouth cancer in hindi ke bare mai.

Biopsy: Iss test mai doctor patient ke muh se, mouth cancer ko paida karne wale tissues ko ek chote se chaku (Knife) se kat kar nikalte hai aur phir uss ke dwara iss test ko kiya jata hai aur iske dwara cancer ka treatment kiya jata hai.

Punch Biopsy: Agar muh ka cancer aisi jagah mai ho, jaha se uske tissues ko asaani se nikala ja sakta hai, jaise gaal ya phir jeebh par, toh tissues ko nikalne ki iss technique ko punch biopsy kaha jata hai. Iss prakriya ko karte samay sabse pehle cancer wale area mai anesthesia ka injection lagaya jata hai. Iske baad uss jagah ke cancer tissues ko saaf kiya jata hai.

Fine Needle Aspiration (FNA): Iss uchaar ka upyog gale mai hone wale cancer ke tissues ko saaf karne ke liye kiya jata hai. Yeh aspiration biopsy method ki tarah hi kaam karta hai. Iss method ke dwara gale mai cancer ko badane wale cancer ke tissues ko saaf kiya jata hai aur cancer ko rokne ke liye upchar kiya jata hai.

Endoscopy: Endoscopy prakriya ke dwara gale ka checkup kiya jata hai, iss mai rubber ki ek nali se durbeen wala camera laga hota hai, use muh ke andar se dalkar gale mai utara jata hai. Iske dwara gale ke andar paida ho rahe tissues ka pata kiya jata hai aur unhe saaf karne ka kaam kiya jata hai. Iske alawa isse yeh bhi pata kiya jata hai ki, agar kisi vyakti ko gale ka cancer hai toh yeh muh mai toh nahi fel rata hai.

Iss tarah upar aapne jana ki mouth cancer ke liye kya upchar kiye ja sakte hai. Iske alawa agar aap kuch baato ka dhyan rakhe toh aap muh ke cancer ke khatre ko kam kar sakte hai.

Muh ke Cancer Ka Ilaj in Hindi

Toh aaiye jante hai mouth cancer se bachav ke liye kuch tips ke bare mai.

  1. Sabse pehli tips yeh hai ki aap apne muh aur dantoh ko saaf rakhe aur dono samay bhojan ke baad brush kare.
  2. Drink aur smoking na kare aur agar aap nahi karte hai toh smoking aur sharab pine wale logo se dur rahe.
  3. Junk food, processed food aur cold drinks bagerah ka sevan kam se kam kare aur ghar ke bane aur nutrients se bhare khadya padartho ka sevan kare.
  4. Dhup se bache kyuki hontho par hone wala cancer suraj ki tez roshni se hota hai. Iske alawa ultra violet rays se bachne ke liye sunscreen ka istemal kare.
  5. Saal mai ek baar apne muh ka checkup jarur karaye, Iske alawa muh mai kisi bhi tarah ki koi aisi problem ho jo thik hone mai jyada samay le rahi hai toh doctor ko jaldi se jaldi dikhaye.
  6. Oil, ghee, cheeni aur namak ka istemal kam se kam kare.

Iss tarah agar aap bhi cancer se bachna chahte hai toh upar diye gaye tips apnaye aur sath hi samay samay par apne muh ke swasth ka checkup karate rahe. Iss tarah mouth cancer se bachav sambhav hai.

LEAVE A REPLY