Har mahila chahti hai ki uske hath sundar dikhe, jiske liye hathon ki sundarta ke sath-sath nakhuno ki sundarta bhi bahut jaruri hoti hai. Aaj ke samay me jab bhi ladkiya kisi bhi party me jati hai, toh chahe wo birthday party ho ya shadi ki party, sabhi me ladkiya apne nails par sundar sundar nail paint lagati hai aur kayi ladkiya toh nails ko sajane ke liye nail art bhi karti hai.

Lekin is sab ke liye sabse pehle sundar nakhuno ka hona bhi bahut jaruri hota hai, kyuki jab tak aapke hathon ke nakhun hi nahi honge tab tak aap nakhuno ko saja bhi kaise sakte hai. Iske alawa agar nakhun huye bhi aur wo swasth nahi honge tab tak aap un par kuch bhi nahi kar sakte. Isliye nakhuno ka swasth rehna bhi bahut jaruri hai. Kyuki agar aaj ke samay me dekha jaye toh ladkiya apne nails par apni dress se match ka nail polish lagakar rakhti hain, toh phir is tarah unke liye nails ki care bahut jaruri hoti hai.

Waise toh har mahila chahti hai ki uske nakhun achche sundar aur lambe ho, jisse uske hathon ki sundarta bhi bad jaye. Lekin kayi baar gharelu kaam ke kaaran unke nakhun kamjor hokar tut jate hain aur unke nakhun majboot nahi reh pate hain. Isliye ab jyada tension lene wali baat nahi hai, kyuki aap ghar me moujood utpaadon se hi apne nails ki care kar sakti hai aur apne nails ko majbut rakh kar unhe sundarta pradaan kar sakti hain.

Toh aaiye aaj ham is article me jante hain ki gharelu upaay dwara nakhuno ko kaise sundar banaya ja sakta hai.

Nails Badhane ke Tips in Hindi – Khubsurat aur Long Nails Ke Liye

Nails Badhane Ke tips in Hindi

Nail polish ko jyada samay tak nails par na rakhe:
Nakhuno ki care ke liye sabse pehli jaruri cheez ye hai ki aap apne nakhuno par jyada samay tak nail polish na laga rehne de. Kyuki jyada lambe samay tak nakhuno par nail polish laga rehne se nails ko bahut jyada nuksaan pahuchta hai aur wo kharab aur aswasth ho jate hain. Isliye agar aap kahin jate bhi hain aur nail polish lagati bhi hain toh uske ek do din me hi nail polish ko nikaal le.

Malish Karen: 
Nakhuno ke liye masaage bahut hi prabhavi hoti hai. Agar aap bhi apne kamjor nakhuno se pareshan hain toh apne nakhuno par nariyal ke tel se ya arandi ke tel se massage Karen, isse aapke nakhuno ko majbuti milegi. Iske alawa aap chahe toh kisi bhi moisturizer cream ya phir nail cream ka upyog malish karne ke liye kar sakte hain. Waise bhi malish ek aisi prikriya hai jisse blood circulation thik rehta hai, jisse aap lambe samay tak apne nakhuno ko majbut aur sundar banaye rakh sakte hain.

Jaitun ka tel me nimbu ke ras ki kuch bunde milakar is misran se apne nails ki massage karen aur achche result ke liye ise hafte me kam se kam 2 baar jarur karen aur raat ko sone se pehle hi karen, isse aapke nails me majbuti aa jayegi.

Vitamin-E: 
Vitamin-E ke capsule se aap apne baalo aur twacha ki dekhbhaal toh karte hi hain, usi tarah in vitamin-E ke capsule ki madad se aap apne nails ko bhi majbuti aur sundarta prdaan kar sakti hain. Iske liye aap vitamin-E capsule ki kuch bunde le aur isse apne nakhuno ki malish Karen. Is tarah vitamin-E ke capsule ki sahayat se jab aap apne nails par massage karte hain toh isse aapke nails sundar toh hote hi hain sath hi inhe majbuti bhi milti hai. Iske sath hi agar aap best result chahti hain toh isko lagane ke baad apne hathon par manicure hand gloves pehen le.

Nimbu:
Nimbu khane ka swad toh badata hi hai sath hi ye hamari twacha aur baalon ke liye bhi laabhdayak hota hai. Iske sath hi ye hamare nakhuno ko bhi majbuti pradaan karta hai. Iske liye chahe toh aap nakhuno par nimbu ko aise hi ragad sakte hain ya phir nimbu ka ras nikaal kar, use garam pani me daal de. Ab is garam pani me apne hath ki ungliyon ko kuch 5-10 minute tak ke liye rakhe aur uske baad apne hathon ko saaf pani se dho le. Aisa karne se aapke hathon ke nakhun sundar ho jayenge.

Calcium aur protein yukt bhojan Karen: 
Calcium aur protein yukt bhojan bhi hamare nakhuno ke liye bahut hi jaruri hota hai, kyuki agar dekha jaye toh hamare nails ka adhaar calcium aur protein hi hain. Agara hamare shareer me inki kami hogi toh hamare nails kamjor hokar tutenge hi. Isliye hame sampurna ahaar lena chahiye jisme sabhi tarah ke poshak tatva shamil ho.

Cuticles ko saaf rakhe: 
Cuticles hamare nakhuno ke dono taraf hoti hai, jisko hame saaf karna chahiye, kyuki agar ham ise saaf nahi karte hain toh isme gandgi jam jati hai. Agar inko saaf nahi kiya jata hai toh ye hamare nakhuno ko kharab bhi kar sakte hain, isliye samay samay par inhe saaf karte rehna chahiye.

Nakhuno ko samay-samay par kaate:
Agar dekha jaye toh hamare hath hi sare kaam karte hain jiske kaaran hamare hath hi sabse pehle gande hote hain, isliye hame apne nakhuno ko samay samay par katte rehna chahiye. Kyuki hamare nakhun jitne badte hain, wo utne hi kamjor aur gande hote jate hain isliye unhe jyada lambe bhi na hone de aur unki andar ki safayi ke sath sath bahar ki safayi ka bhi khayaal rakhen. Sath hi nakhuno ki lambayi jitni upyukt ho utni hi rakhe.

Menicure aur pedicure Karen: 
Menicure aur pedicure nakhuno ki dekhbhal ke liye bahut hi jyada jaruri hota hai. Isse na sirf aapke nakhun achche rehte hain balki isse aapke hathon ki sundarta bhi badti hai, isliye har 15-20 din me manicure aur pedicure karen, jisse aapke nakhun sundar aur majbut bane rahen.

Toh upar aapne jana ki kis tarah gharelu upaay dwara aap apne nakhuno ki dekhbhaal kar sakte hain sath hi nakhuno ko majbut aur sundar bhi bana sakte hain. Toh ab in nushkho ko ajmaiye aur apne nakhuno ko sundar banaiye.

LEAVE A REPLY