Nimbu (Lemon) se hone wale anmol fayde

Nimbu ek aisa fal hai jo ki hara tarah se faydemand hai aur iske dhero labh hai. Agar dekha jaye toh ye ek aisa fal hai jiska upyog khane ka swad badane me toh kiya hi jata hai sath hi iske kayi tarah ke achaar bhi hamare khane ka taste badate hai. Jyadatar salad me nimbu ka prayog kiya jata hai aur bina nimbu ke salad ki plate dhuri hi lagti hai.

Is tarah agar dekha jaye toh ye na sirf hamare khane me prayog me laya jata hai balki ye hamari twacha ki khubsurti badane me aur sath hi kayi tarah ki twacha ki problems ko bhi dur karne me bhi hamari madad karta hai. Ye sab toh phir bhi aapne suna hoga lekin ye kabhi nahi suna hoga ki iske dwara ham apne ghar ki safayi bhi kar sakte hai aur sath hi kayi baar bartano ko chamkane ke liye bhi nimbu ka prayog kiya jata hai.

Aaj ham apne is article me nimbu se hone wale kayi tarah ke faydo ke bare me hi batane ja rahe hai, jisse aap ise padkar nimbu ke faydo ke bare me achchi tarah se jaan sakenge aur isse hone wale faydo ka labh utha sakege. Toh aaiye jante hai nimbu (Lemon) se hone wale faydo ke bare me.

Nimbu ke Fayde in Hindi – 9 Benefits of Lemons

Nimbu ke Fayde in Hindi

Pet (Stomach) ke liye hai faydemand: Nimbu ka sevan pet ke liye faydemand hota hai. Jo log apne pet ke pachan aur kabj se pareshan rehte hai unke liye nimbu ka sevan karna bahut faydemand hota hai, kyuki nimbu pet ke pachan ko thik karke kabj jaisi pareshani ko dur karta hai aur pet ko saaf rakhta hai, jisse hame pet se sambandhit koi bhi pareshani nahi hoti hai.

Acidity ko kare dur: Agar aapke pet me acidity aur gas hoti hai toh aap half glass nimbu pani banaye aur usme baking soda mila kar iska sevan kare. Isse aapko acidity me toh araam milega hi sath hi uske kaaran hone wale pet dard me bhi araam milega. Is tarah nimbu me moujud poshak tatava acidity ki samasya ke liye behtareen hai.

Wajan ko ghatane me madadgar: Agar aap apne sharir ke badte huye wajan se pareshan hai toh nimbu aapke liye madad de sakta hai. Ji haan agar aap apne sharir ke wajan ko kam karna chahte hai toh rojana subah khali pet ek glass gunguna nimbu pani piye toh ye aapke extra fats ko release karne me madad karta hai. IS tarah nimbu pani aapke motape ko kam karne me aapki madad kar sakta hai.

Immunity badaye: Nimbu me vitamin C paya jata hai jo ki hamare sharir ko kayi tarah ke germs se ladne me madad karta hai. Nimbu ka sevan hamare sharir ki immunity bada kar hamare sharir ki kayi rogo se raksha karta hai. Is tarah nimbu ke sevan dwara aap sardi-khasi aur flu jaisi bimariyo se bach sakege aur jaldi bimar nahi padege.

Twacha ke liye faydemand: Nimbu me bharpur matra me vitamin C paya jata hai jo ki hamari twacha ke liye bahut faydemand hota hai. Nimbu ek natural bleaching agent ke sath-sath ek natural cleanser ka kaam karta hai, jo hamari twacha ki gandgi ko saaf karke, twacha ko sundar aur glowing banata hai. Sath hi ye hamari twacha ka rang nikharne me bhi madadgar hota hai.

Pimples ko dur kare: Nimbu me kuch anti bacterial gun paye jate hai, jo ki nimbu ko achcha cleanser banate hai. Is tarah agar aap bhi apne chehre ke pimples se pareshan hai toh rojana apne chehre par 5 se 10 minute ke liye nimbu ka ras lagaye, aisa karne se aapki ye samasya dur ho jayegi.

Baalo ke liye faydemand: Nimbu aapke baalo me hone wali sabse badi pareshani rusi yani ki dandruff ko dur karne me madad karta hai, kyuki dandruff ke karan hi hamare baal jhadte hai. Isliye nimbu hamare baalo ki rusi ko dur karke, unka jhadna kam karta hai. Is tarah nimbu hamare baalo ke liye bhi faydemand hai.

Daanto ko chamkaye: Nimbu ke dwara aap apne daanto ko natural whitening de sakte hai. Ji haan nimbu ke dwara daant saaf karne se aapke daant bhi chamak jate hai aur sath hi ye hamare masudo (Gums) ko bhi majbut banata hai. Iske alawa agar nimbu pani se gargle kiya jaye toh isse hamare muh ki durgandh bhi dur ho jati hai.

Cancer ke khatre ko kam karta hai: Nimbu ka sevan har age group ke logo ko karna cahiye, kyuki ye kayi tarah ki bimariyo se hame dur rakhta hai. Agar cancer ki baat kare toh, nimbu ke ras ke sevan dwara isse bhi bacha ja sakta hai, kyuki nimbu ka ras hamare sharir me free redical form nahi hone deta hai, jo ki cancer ka sabse bada kaaran hai. Isliye nimbu ko apni diet me jarur shamil karna chahiye.

Waise toh nimbu ke kayi fayde hai jo ki aapko iske prayog dwara mil sakte hai, lekin yaha aapne jana ki nimbu ka sevan aapko kya-kya health benefit de sakta hai. Toh aaj se hi nimbu ko apne ahaar me shamil kare aur apne sharir ko kayi tarah ki bimariyo se dur rakhe.

LEAVE A REPLY