Patle aur sundar pairo ki chahat har ek ladki ko hoti hai, kyuki agar aapke pair patle aur sundar hote hai toh aapka pura shareer aakarshak dikhayi deta hai.

Jyadatar dekha gaya hai ki log apne pairo ki taraf dhyan nahi dete hain lekin log yeh baat bhool jate hain ki aapke pair bhi aapke shareer ka ek aham hissa hain. Aapko sundar banana ke liye aapke pairo ka sundar hona bhi bahut jaruri hai. Kyuki agar aapke pair (khaas kar ladkiyon ke) mote aur gande honge toh aapka shareer bhi un pairo ke kaaran ganda dikhayi pdega, aur aapki personality par bhi iska asar hoga.

Hame apne pairo ka khaas dhyan rakhna chahiye kyuki agar aap dekhen toh hamare pure shareer ka bhaar hamare pairo par hi rehta hai jiske kaaran pairo par dabaw padta hai, aur us dabaw ke kaaran hamare pairo me thakaan ho jati hai aur wo kharab dikhayi dene lagte hain.

Toh agar aap bhi sundar aur aakarshak pair pana chahte hain toh aaj hum aapko kuch aise sujhav batane ja rahe hain jinko aajmakar aap sundar aur aakarshak pair pa sakte hain. Hamare in upayon ko apnakar aap dekhenge ki aapke pair kitne khoobsurat lagne lage hain.

Pairo ko Sundar Banane ke liye Gharelu Nuskhe:

1. Footwears ka chunav:
Footwears ka chunav pairo ke liye bahut aham maana jata hai. Aap apne pairo me is prakaar ke jute ya chappal pehne jo aapke pairo ko kisi bhi prakaar ki takleef na de kyuki pairo me takleef hone se pairo ko thakaan ho jati hai. Khaas kar dekha gaya hai ki mahilaye heals wale sandle ka istemaal karti hain, jisse aapke pairo me toh dard hota hi hai sath hi inke kaaran kamar dard ki shikayat bhi ho jati hai. heals wale chappal kamar ki haddi par jor dete hain jisse aapke kamar ki haddi bhi badti hai, isliye daily use me kabhi bhi heal wale chappal ka istemaal na Karen. Daily ke isaab se aap flats ya aapke pairo ko jo aaramdayak lage wohi pehne.

2. Pairo ko de aaram:
Pairo ke aaraam ka khayal rakhna bhi bahut hi jyada jaruri hai kyuki pair hi hain jo hamare shareer ke pure bhaar ko sehen karte hain aur din bhar ki bhaag doud me hamara sath dete hain, toh yahan par pairo ko aaram dena jaruri ho jata hai. raat ko jab hum sone jate hain toh inko achchi tarah saaf karke inme lotion lagan chaiye aur jab bed par lete toh bed me let kar apne pairo ko deewar par laga kar khada kar le aur kuch der tak aise hi rakhen. Isse aapke pairo ko aaram milega aur wo swasth rhenge.

3. Vyayaam bhi hai jaruri:
Pairo ko sundar aur swasth rakhne ke liye vyayaam bhi bahut jaruri hai. pairo ko sundar aur swasth banaye rakhne ke liye bahut sare exercise hote hain lekin agar aap jyada mehnat nahi karna chahte hain toh aap Bajrasan kar sakte hain. Bajrasan ke bare me aur jaane Bajrasan se hone wale laabh me. Vajrasan se na sirf aapki thighs aur pair sundar ban jate hain balki kamar aur pet ki atirikt charbi bhi hat jati hai. Toh is prakaar pairo ko sundar banana ke liye aap vyayaam ka bhi sahara le sakte hain.

pairo ko slim aur gora aur fatne ke nuskhe

You may also like: Benefits of Walking: Paidal Chalne Ke Tarike Aur Fayde

4. Vitamin-E hai jaruri:
Pairo ke liye vitamin-E bahut jaruri hai. Market me vitamin-E ke kayi lotion moujood hain jinko aap apne pairo par laga sakte hain. Apne pairo par vitamin-E ka lotion lagakar upar ki taraf massage karna chahiye. Is prakaar aapke pairo ki sundarta barkarar rehti hai.

5. Dhoop se bachaye:
Aap sirf apne chehre ko hi dhoop se bachate hain lekin pairo ke baren me aap kabhi nahi sochte jis kaaran pair dhoop me jal jate hain. Isliye hamesha is baat ka dhyan rakhe ki jab bhi aap ghar se bahar nikle, toh dhoop se bachane ke liye apne pairo par sunscreen lotion jaroor lagayen. Isse aapke pair dhoop se bach sakenge. Iske alawa pairo ko dhoop se bacahne ke liye aap apne pairo me socks bhi pehen sakte hain.

6. Pairo ko sundar rakhne ke liye ahaar:
Pairo ke liye santra (orange), strawberry ko khana chahiye. Isse aapke pairo ke khoon ka rakht sanchaar hota rehta hai jisse aapke pair sundar banenge. Akhrot khane se bhi pairo ko sundarta milti hai.

7. Tala (oily) aur masaledaar (spicy) khana na khayen:
Oily aur masaledaar khana khane se bache kyuki ye na sirf aapke pairo me sujan paida karta hai balki ye aapke pet ke liye bhi achcha nahi hota hai. Isse aapke pair fool jate hain jiske kaaran aapke pair achche dikhayi nahi dete hain.

Is prakaar yahan hamne aapko bataya ki kis tarah apne pairo ko sundar aur aakarshak banaya ja sakta hai. Toh ab in upayon ka prayog Karen aur jaldi hi apne pairo ko sundar evam aakarshak banayen.