Papita ek raseela fal hai, niyamit roop se papite ko khane se shareer me kabhi bhi vitamins ki kami nahi hoti. Ham kachcha aur paka hua dono tarah ke papite ko kha sakte hai kachche paite se jyadatar sabji banayi jati hai aur hai aur khane ke liye paka hua papita khaya jata hai. Papita khane ke ek nai anek fayde hain, yeh aasaani se avsoshit ( absorve ) ho jata hai jisse yeh jaldi hi fayda pahuchata hai.

Papite (Papaya) Ke Savan Se Aapko Kya-Kya Milta Hai?

Papita khane se hume niche likhe gaye vitamin prapt hote hai;

  • Vitamin-A,
  • Vitamin-B,
  • Vitamin-C,
  • Vitamin-D (Thodi Matra mai milta hai)

Isme pepsin namak pachak tatva hota hai jo shareer ke pachan tantra ko majboot banaye rakhta hai. Isme calcium aur carotene bhi achchi matra me paya jata hai, is sab ke alawa carbohydrates, protein, anti-oxidants, iron, potassium aur phosphorus bhi hota hai.

papaya-papita ke benefit aur fayade

Papite (Papaya) ke Benefits Hindi Mai:

1. Kabj aur Babasir Se Suraksha: Papite me pachak tatva paya jata hai, jisse hamara pachan tantra durust rehta hai. Isliye yadi aapka pet saaf nahi hota hai ya aapko babasir ki shikayat hai toh aap roz ek papite ka seva Karen isse aapka khana achchi tarah pachega aur subah achchi tarah pet saaf hoga jisse kabj ki shikayat nahi rahegi.

2. Skin Ke Liye Labhdayak: Papite ka istemaal twacha ko khoobsurat banane ke liye bhi kiya jata hai. Papita khane se bhi hamari twacha saaf rehti hai sath hi agar papite ko direct twacha par lagaya jaye toh hamari twacha chamakdaar ban jati hai. Aaj ke samay me kayi prakaar ke utpaad aise hain jo twacha ki khoobsurti badane ke liye market me uplabdh hain jinme papite ka upyog kiya ja raha hai. Yeh hamari twacha ko khoobsurat banane ke sath sath hamari twacha ki jhurriyon ko bhi kam karta hai.

3. Kamjori Dur Karne Ke Liye: Papita shareer me moujood kamjori ko door karta hai, aur hamare shareer ko andar se majbooti pradaan karta hai. Khaas kar ye purusho ke purushatva ko badhata hai aur unhe andar se majbooti pradaan karta hai.

4. Masik-dharm (Periods) Ki Pareshani Ko Bhi Door Karta Hai: Jin mahilao ke masik dharm aniyamit hote hain unke liye paita ek vardaan hai. Agar 250gram papite ka sevan mahine bhar kiya jaye toh masik dharm ki aniyamitta khatam ho jati hai, aur masik dharm sahi time par aane lagte hain.

5. Jhurriyon (wrinkles) Se Mukti: Jyadatar mahilao ko jhurriyon ki samasya hoti hai , jhurriyon se bhara hua chehra budhape ki nishani hoti hai. Isse bachne ke liye papite ko chehre par ragad bhi sakte hain ya phir papite ke gude ko masalkar facepack ki tarah apne chehre par laga le aur aadhe ghane tak ise chehre par laga rehne de, iske baad sookh jane par gungune pani se pane face ko dho le, aisa lagataar karne se aapke chehre se jhurriyan khatam ho jayengi.

6. Blood Pressure Ke Liye Bhi Laabhdayak: Papita high blood pressure ke mareezon ke liye bahut hi faayedemand hai, papite me carpan naam ka ek tatva moujood hota hai jo blood pressure ko control karta hai . Iske liye kachha papita istemaal me laaya jata hai. Blood pressure ke mareej ko rozana ek kachcha papite ka sevan karna chahiye, isse blood pressure control me rehta hai.

7. Peeliya Se Chutkaara: peeliya rog ka sambandh seedhe hamare liver se hota hai, kyuki jab hame peeliya hota hai toh hamara liver kamjor hota hai. Isliye hame hamare pet aur liver ka khass dhyan rakhna chahiye. Ja bhi peeliya rog ho toh us vyakti ko pratidin ek paka hua papeeta khana chahiye, isse aapka pachan thik rahega aur kabj nahi hoga jisse aapka peeliya bhi jaldi se jaldi thik ho jayega.

Is sab ke alawa papite me badi matra me vitamin-A hota hai isliye ye aankho aur twacha ke liye bahut hi jyada achcha maana jata hai. isse aankhon ki roshni toh achchi hoti hi hai sath hi twacha bhi swasth aur chamakdaar rehti hai.

Papite (Papaya) me calcium bhi bahut matra me paya jata hai isse haddiya majboot hoti hai. ye har tarah ke protein ko pachane me sahayak hota hai. papite me fibre ka achcha shrote hota hai, iske sath hi isme cancer rodhi aur healing properties bhi hoti hain. papita hamare immune system ko majboot karta hai, agar aapko baar baar sardi khasi hoti hai toh pratidin papite ka sevan Karen isse aapko fayda milega.

Badte huye bachcho ke behtar vikas ke liye bhi papita bahut hi laabhkari hota hai. is prakaar ham inhe kahenge papite ke fayde. Toh bas papite ke in laabhkari guno ka payda uthaiye.