PCOS Treatment in Hindi – Aaj ke samay me bahut si mahilao ko ye pareshani hoti hai aur ye pareshani koi choti-moti pareshani nahi hai balki ye bahut badi pareshani hai. Agar kisi mahila ko PCOS ki pareshani hai toh us mahila ko maa banne me dikkat ho sakti hai aur kayi baar toh ye tak hota hai ki mahila is bimari ke chalte maa banne se banchit reh jati hai.

Iske liye sabse pehle ye janna jaruri hai ki ye PCOS ki bimari hai kya. Toh aaiye sabse pehle ham aapko ye batate hai ki PCOS hai kya, uske baad ham aapko batayenge ki iske symptoms kya hote hain, jisse aap ye jaan sake ki kisi mahila ko PCOS hai ya nahi.

Jaane Kya hai PCOS in Hindi:

PCOS (Polycystic Ovary Syndrome): PCOS ki samasya samanyata sex hormones me imbalance hone ke kaaran hoti hai. Darasal chahe mahila ho ya purush dono me hi prajnan sambandhi sex hormones bante hai, Lekin jis mahila ko PCOS ki samasya hoti hai us mahila ke ovary me ye hormones samanya matra se jyada bante lagte hain. Iske alawa kayi baar mahilao ke shareer me purush hormones bhi aa jane ke kaaran unhe ye pareshani ho jati hai.

Dekha jata hai ki mahilao ke hormones me jara sa bhi badlaw aane par iska asar uske masik dharm par dekha ja sakta hai, jiska asar unki ovary par padta hai aur ovary me cyst ban jata hai. Agar ye samasya lagataar bani rehti hi toh iska asar na keval ovary par padta hai balki isse uski fertility par bhi asar padta hai aur aage chal kar ye pareshani cancer ka rup le leti hai.

Isliye is pareshani ko sahi samay par pehchaan kar iska ilaaj karwana bahur hi jyada jaruri hai, Kyuki agar ovary me cyst banne lagte hain toh ye hamare liye bahut hi ghatak siddh ho sakta hai aur mahilao ki ovary kuch kaam ki nahi rehti, jiske chalte wo garbh dhaaran karne ke bhi kabil nhi reh jati hain.

Symptoms of PCOS in Hindi

Isliye jaruri ye hai ki sabse pehle iski pehchan ki jaye aur uske baad iske liye sahi upaay kiye jaye. Toh aaiye ab yahan ham jante hain ki isko pehchana kaise ja sakta hai aur iske symptoms kya-kya ho sakte hain. Jisse ki aap ise sahi samay par pehchaan kar iska sahi dhang se ilaaj karwa sake aur apne garbh ko swasth rakh saken.

• Aniyamit maahwari iska sabse pehla symptom hai, isliye jab bhi aapke periods baar-baar aniyamit rup se aane lage toh turant hi doctor ko dikhaye aur ye pata karen ki aapko PCOS ki samasya toh nahi hai.
• Chehre par baal aana iska dusra sabse bada symptom hai.
• Muhaase bahut jyada hona.
• Achanak se hi sambhog iksha me kami aa jana.
• Garbh dhaaran karne me pareshani hona bhi iska ek bada symptom hai.

Is prakaar yadi aapme upar diye gaye symptoms me se ek bhi symptom hai toh turant hi ye janne ki kosis karen ki kahin aapko PCOS ki pareshani toh nahi hai aur ye bhi jane ki aapko ye pareshani hone ke kya kaaran ho sakte hain. Kyuki yadi aap ye jaan jate hai ki is parehsnai ka kya kaaran hai toh aap shayad bahut hadd tak is pareshani ko control kar sakte hain.

Jaane Kyu Hota Hai PCOS in Hindi

PCOS Treatment in hindi
Toh aaiye ham aapko apne is article me aage batate hain ki aapki kin buri aadaton ke kaaran aapko ye pareshani ho jati hai.

• Aaj ke samay ki life style ne hame bahut sari pareshaniya aur bimariya di hain. Kaam karne ke chakkar me aur paisa kamane ke chakkar me ham itna busy hain ki khudka jara bhi dhyan rakhne ka hame time nahi hai. Ladkiya jab apne khan-paan ka dhyan nahi rakhti hain toh unka shareer kamjor ho jata hai sath hi wo tanav ki shikaar ho jati hai. Iske alawa aaj kal ki life style ko agar dekha jaye toh ladkiya bhi smoking aur drink karti hai jiska parinaam ye hota hai ki isse unke shareer ko bahut nuksaan pahuchta hai aur wo is beemari ki shikaar ho jati hain.

• Hamare khaan-Paan ka bhi hamare shareer par bahut asar hota hai. Is prakaar agar hamara khan-paan sahi nahi hai toh iska nakaratmak prabhaw hamare shareer par dekhne ko mil sakta hai. Sahi mayne me agar aaj ke samay me dekha jaye toh mahilaye pizza,burger jaise junk food ka sevan bahut jyada matra me karti hain, jisme bahut jyada matra me oil hota hai aur ye hamare sharer ko bahut jyada nuksaan pahuchata hai. Is prakaar is tarah ka kharab khan-paan is beemari ka pramukh kaaran hai.

• Iske alawa iska teesra aur sabse pramukh kaaran shareer ka motapa hai. Agar mahilaye moti hoti hain toh unke shareer ka jyada wajan hone se shareer me estrogen naamak hormone ki matra badti hai, jo ki ovary me cyst ko banane ke liye bahut mahatvapurna bhumika nibhata hai. Is prakaar agar aap mote hain aur agar aapko PCOS namak bimari hai toh sabse pehle aap apna wajan kam karne ki koshish karen. Yadi aapka wajan kam ho jata hai toh is bimari se aap jaldi hi chutkaara pa sakte hain.

Toh yahan aapne jana ki kis tarah hamari kuch buri aadaton ke kaaran ham is ghatak bimari ke shikaar ho jate hain. Lekin ghabrane ki baat nahi hai, isse chutkaara pane ka bhi hamare pass ilaj hai.

PCOS Treatment in Hindi

Agar aap kuch aadaton ko chor de toh aap bahut hadd tak isse chutkaara pa sakte hain. Agar aap rozana work out karen aur vyayaam aur yoga ko apni dincharya me shamil karen, sath hi agar aap bahar ka junk food khana kam kar de aur apne shareer ke motape ko kam kar le toh aadhe se jyada bimari kam ho jayegi.

Iske sath hi neeche ham aapko PCOS se chutkaara pane ke liye kuch gharelu upaay batane ja rahe hain, jisse aap khudko aur apne garbh ko swasth rakh sakti hain. Agar aap vegetarian hain toh aap in ahaar ko apna sakte hain jisse aap apni aniyamit maahwari aur PCOS ki samasya se nijaat pa sakti hai.

1) Paalak (Spinach):

Paalak ek aisa ahaar hai jo bimaar vyakti ko agar roz khilaya jaye toh wo bhi swasth ho sakta hai, ise super food ke naam se jana jata hai. Isme bahut adhik matra me calories hoti hain aur ye aapke sharer me khoon ki kami ko bhi dur karta hai. Isliye apni pareshani ko dur karne ke liye aaj se hi iska sevan karna shuru karen.

2) Tamatar (Tomato):

Tamatar bhi ek bahut hi swasth vardhak ahaar hai jo aapke liye bahut hi laabhkaari hota hai. Tamatar me laikopein hota hai, jo ki aapke shareer ke wajan ko kam karne me aapki madad karta hai. Aap chahe toh tamatar aur paalak ko ek sath kaatkar salad ke rup me bhi kha sakte hain, ye ahaar bahut hi jyada faydemand hota hai aur aapko is bimari se ladne me bhi madad karta hai.Pattedar sabjiya: Apne ahaar me pattedar aur hari sabjiyon ko shamil karen, kyuki hari aur pattedaar sabjiyan bahut hi jyada poshtik aur laabhdayak hoti hain. Kuch hari sabjiyan aisi hoti hain jinhe ham salad ke rup me bhi kha sakte hain. Isliye apne ahaar me salad ko bhi shamil karen.

3) Daal chini:

Ye hamare masalo me prayog hone wala ek prakaar ka masala hai. Ye hamare shareer me insulin ko badane se rokta hai aur shareer ke motape ko bhi kam karta hai. Iske liye aap ise pani me bhigo kar iska sevan karen.

4) Mulethi:

Ye ek aisa padarth hai jiska sevan karne se mahilao ke shareer se purush hormone kam hone lagte hain aur unke shareer ko PCOS se suraksha milti hai. Is prakaar iska sevan mahilao ke liye har tarah se laabhdayak hota hai.

5) Mushrom:

Iska sevan sabhi mahilao ko karna chahiye kyuki ye mahilao ki ovary ko swasth rakhta hai aur sath hi mashroom low calorie se bharpoor hota hai, jo ki aapke liye bahut hi faydemand hota hai. Iske alawa agar aapki ovary me cyst hai toh iske sevan se aapko isme bahut hi jyada laabh milta hai.

6) Shakarkand:

Jyada meetha sehat ke liye achcha nahi hota hai aur khass kar jab aapko PCOS naamkak pareshani ho tab toh aur aapko meetha kam kar dena chahiye, iski jagah par agar aap meetha khane ke shoukeen hai aur agar aapka mann meetha khane ko karta hai toh aap shakarkand ka sevan kar sakte hain, isme kam GI hota hai aur aap rozana iska sevan kar sakte hain.

7) Doodh (Milk):

Doodh aur usse banne wale sabhi khadya padarthon me bharpoor matra ma calcium paya jata hai, jo ki mahilao ke liye bahut hi jyada jaruri hota hai. Is prakaar PCOS se ladne ke liye sharer ko calcium ki bahut hi jyada jarurat hoti hai aur isse haddiyan bhi majboot hoti hain. Doodh rozana pine se andashay aur garbh swasth rehta hai, isliye rozana mahilao ko doodh ka sevan karna chahiye.

8) Dahi (Curd):

Dahi me bhi bharpoor matra me calcium paya jata hai jisse shareer me calcium ki purti hoti hai, iske sath hi iske rozana sevan se mahilao ko vaginal infection nahi hota. Isliye mahilao ko apne bhojan me isko jarur shamil karna chahiye.Agar aap non-vegetarian hain toh aap in padarthon ke sevan se PCOS ka gharelu upchaar kar sakte hain.

9) Anda (Egg):

Anda bahut hi jyada poshtik hota hai kintu iske andar ka peela bhaag dil ke liye nuksaan dayak hota hai, isliye jab bhi aap ise ubaal kar khate hain toh ise nikaal kar iska sevan Karen.

10) Machli (Fish):

Salmon fish ka sevan mahilao ke liye bahut laabhdayak hota hai, iske sevan karne se ye mahilao me androgen hormone ko thik karta hai. Iske alawa tuna fish bhi bahut poshtik hoti hai. Isme bahut sara omega 3 fatty acid aur vitamin paya jata hai, jo ki PCOS bimari se ladne me hamar madad karta hai. Is prakaar tuna fish ka sevan karne se mahilao ko jaldi hi araam milta hai.

Is prakaar yadi mahilaye apne ghar par in padartho ka sevan karti hai toh unhe PCOS ki bimari me jaldi hi araam milega. Doctors ke anusaar hormone balance karne ke liye bahut sari dabaye hain, jinse aap PCOS se chutkaara pa sakte hain, lekin agar unke sath-sath aap in upaayon ko bhi karte hain toh aapko jaldi hi araam milega.

Baba Ramdev Yoga for PCOS in Hindi

Iske alawa surgery dwara bhi cyst ko nikala ja sakta hai, lekin yadi surgery thik nahi huyi toh dobara cyst banne ke chances rehte hain, isliye doctors ke ilaaj ke sath sath aap ye upaay bhi apna sakte hai.Toh ab der kis baat ki hai, in upayon ko apna kar PCOS ka nivaran karen aur apne ovary ko swast rakhe aur khud bhi swasth rahen.