Garbhavastha Me Kya Khana Chahiye – Aksar dekha jata hai ki jab mahilaye pregnant hoti hai toh wo apne khane pine par vishesh dhyan deti hai aur sath hi kisi bhi cheez ko khane se pehle 10 baar sochti hai. Kyuki agar wo kuch bhi bekar padarth ko khati hai toh isse unhe hi nahi balki unke garbh mai pal rahe bacche par iska bura asar pad sakta hai. Iss tarah har mahila garbhawastha ke douran kisi bhi cheez ko bahut dar-dar kar khati hai.

Yaha ham aapko kuch aise falo ke bare mai batane ja rahe hai jo ki aap garbhawasta ke douran bina kisi hichak ke kha sakti hai, kyuki agar dekha jaye toh mahilaye papita (Papaya) aur ananas (Pineapple) jaise falo ko khane mai farhej karti hai, kyuki yeh garbhwati mahilao ke liye nuksandayak sabit hota hai. Iske alawa bhi agar dekha jaye toh mahilao ko falo ke bare mai puri jankari na hone ke kaaran wo har fal ko khane mai dar mehsus karti hai.

Toh ab darne ki baat nahi hai, yaha bataye jane wale falo ko aap bina hichak ke kha sakti hai kyuki yeh fal aapke aur aapke garbhasth bacche ke liye acche hote hai aur sath hi inse aapko koi bhi nuksan nahi pahuch sakta hai.

Pregnancy Tips in Hindi – Garbhavastha Mai Khane Wale Fal (Phalon)

Pregnancy Tips in Hindi - Pregnancy Mai Khaye Jane Wale Fruits

Toh aaiye jante hai Pregnancy mai khaye jane wale fruits ke bare mai.

Apple (Seb): Apple mai vitamin-A, B1, B2, B6, C aur kayi tarah ke poshak tatva paye jate hai. Iske alawa isme folic acid bhi paya jata hai, jo ki garbhwati mahilao ke liye accha maana jata hai. Iss tarah agar aap garbhwati hai toh iska sevan karna na bhule.

Sweet lime (Mosambi): Mosambi mai paye jane wale anti-oxidants garbh mai pal rahe bacche ke liye acche hote hai. Iske alawa agar dekha jaye toh mosambi ka sevan karne se garbhwati mahila ko matli ya ulti aane ki samasya mai rahat milegi.

Lemon (Nimbu): Nimbu ka sevan hamare pure sharir ke liye accha mana jata hai, yeh pachan ko thik rakhne mai madadgar hota hai, sath hi yeh ulti aane ki pareshani ko bhi dur karne mai madadgar sabit hota hai. Iske alawa iske sevan se sharir ke sare toxin padartho ko bahar nikalne mai madad milti hai.

Orange (Santra): Santre ki agar baat kare toh iski khushbu se hi aap tarotaza mehsus karte hai. Iss tarah yeh garbhawati mahila ke muh ke swaad ko accha karne mai madadgar hota hai, kyuki yeh swad mai khatta-meetha hota hai. Iske alawa isme kayi tarah ke vitamins aur poshak tatva paye jate hai jo ki garbhwati mahila ke liye acche hote hai.

Banana (Kela): Kele mai jaruri vitamins paye jate hai. Agar dekha jaye toh isme vitamin-B6 aur C paya jata hai. Iske alawa magnese, potassium, biotin, copper aur dietry fiber paye jate hai, jo ki garbhwati mahilao ke liye acche mane jate hai. Iske alawa garbhawastha ke douran hone wali pachan sambandhi pareshaniyo ko dur karne mai bhi kela madadgar sabit ho sakta hai.

Litchi: Litchi bhi garbhawastha mai khaya jane wala ek aisa fal hai, jisko khane se aapko iska koi side effect nahi hoga. Iss tarah garbhawastha mai bina dar ke aap litchi ka sevan kar sakte hai.

Berry (Ber): Berry bhi kayi sare anti-oxidants se bhare hote hai. Yeh garbhawati mahila aur uske hone wale bacche dono ke liye behad faydemand sabit ho sakte hai.

Mango (Aam): Mango ki agar baat kare toh isme acchi matra mai vitamin-A aur C paya jata hai, jo ki garbhwati mahilao ke liye accha mana jata hai. Iske alawa agar dekha jaye toh iska sevan karne se pachan tantra bhi thik rehta hai. Iss tarah garbhwati mahilaye aam ka sevan kar sakti hai.

Avocado: Avocado ki agar baat kare toh isme acchi matra mai folic acid paya jata hai, jo ki garbhwati mahilao ke liye behad jaruri hota hai. Iss tarah agar dekha jaye toh garbhwati mahilao ke liye yeh faydemand sabit ho sakta hai. Isliye agar aap garbhwati hai toh avocado ka sevan karna na bhule.

Grapes (Angoor): Angoor mai kayi tarah ke aise poshak tatva aur vitamins paye jate hai jo ki garbhawati mahilao ke liye acche mane jate hai. Isme magnesium, potassium, phosphorus, sodium aur foliate paya jata hai, iske alawa vitamin-A ka yeh accha source hai. Toh agar dekha jaye toh garbhwati mahilao ke liye angoor ka sevan labhdayak sabit hota hai.

Iss tarah agar aap bhi garbhwati hai aur aap falo ko khane se darte hai toh dare nahi aur upar bataye gaye falo ka sevan kare, kyuki garbhwati mahilao ke liye falo ka sevan jaruri hota hai, isliye falo ka sevan karna na chore aur bina dare inka sevan kare.