Maa banna har mahila ke liye uske jivan ka sabse bada uphaar maana jata hai. Har mahila iss khabar ko sunne ke liye betaab rehti hai. Lekin iske liye aapko pregnancy ke symptoms ke bare mai pata hona jaruri hona chahiye. Toh aaj ham garbhavastha (Pregnancy symptoms in Hindi)ke kuch symptoms ke bare mai batane ja rahe hai, jisse aap iss baat ka andaja laga sakte hai ki aap garbhvati hai.

Waise toh garbh dharan karne par kuch lakshan saaf dekhe ja sakte hai, lekin kayi baar shuruaati samay mai kuch mahilaye garbh dharan karne ke lakshano ko nahi samajh pati hai. Jiske kaaran unhe kayi tarah ki swasth samasyao ka samna karna padta hai.

Isliye ye jaruri hai ki har mahila ko pregnancy symptoms ke baare mai pata ho, jisse wo ye jan sake ki wo maa banne wali hai. Toh aaiye jante hai pregnancy symptoms ke bare mai.

Pregnancy Symptoms in Hindi – 11 Aehem Lakshan Garbh Ke

Pregnancy Symptoms in Hindi

1) Mahvari ya Periods ka band ho jana:

Samanyata ye lakshan har mahila ko pata hota hai, kyuki jab mahila garbh dharan kar leti hai toh uski mahvari ka aana band ho jata hai. Ise garbh dhaaran ka sabse pehla lakshan maana jata hai. Lekin iske alawa bhi kuch aise lakshan hote hai jinse aap isse pehle hi garbh dharan ke bare mai pata laga sakte hai, jo ki neeche bataye gaye hai.

2) Saans lene mai bharipan:

Agar aapko saans lene mai bharipan lagta hai, jaise abhi-abhi aap bhaag kar aayi ho ya aapne bahut sari sidiya chad li ho. Toh aisa tab hi hota hai jab mahilaye pregnant hoti hai. Aisa isliye hota hai kyuki aapke garbh mai pal rahe bachche ko oxygen ki jarurat hoti hai aur wo iss oxygen ko aapse leta hai, isliye aapko oxygen ki kami aa jati hai. Ye pareshani tab aur bad jati hai jab aapka bachcha pet mai bada hota hai, iss tarah ye pareshani aapko garbhavastha ke douraan hoti hi hai.

3) Sar mai dard hona:

Jab mahilaye garbh dharan karti hai toh unke sharir mai kayi hormonal changes hote hai, jiske kaaran mahilao ko sar dard ki pareshani bhi ho sakti hai. Iss tarah sar mai dard hona bhi garbhvati hone ka ek lakshan mana ja sakta hai.

4) Stano (Breast) mai bharipan aana:

Stano mai agar bharipan ki baat ki jaye toh ye mahilao ko maahvari ke pehle bhi hota hai, lekin garbhavastha mai stano mai bharipan hone ke sath sath anya lakshan bhi dekhne ko milte hai. Aise mai stano mai bharipan, unka size bad jana, iske sath hi nipples ke aas-pass ke hisse mai jyada kaalapan aana aur stano ki naso ka ful jana aadi garbhavastha ke lakshan hai. Aise samay mai aap achchi aur araam dayak bra pehne jisse aapke stano ko araam mile.

5) Ulti aana (Vomiting):

Jyadatar dekha jata hai ki garbhavastha ke shuruaati 2 se 3 mahino mai mahilao ko ulti aane ki samasya ho jati hai. Kayi mahilao ko subah, dopahar aur raat ke samay ulti yani ki matli aati hai. Iska ek kaaran sharir mai hone wale parivartan (changes) bhi ho sakte hai. Aise mai iss tarah ka bhojan le jisko khane se aapka mann achcha rahe aur aap jise asaani se pacha sake.

6) Peshab (Toilet) baar-baar aana:

Pregnancy ke starting days mai mahilao ko peshab baar-baar aati hai. Iska kaaran ye hai ki pregnancy ke douraan mahilao ka sharir atirikt taral (Liquid) padarth ka nirmaan karta hai, jisse mahilao ke mutrashay (Kidney) par jor padta hai aur mahilao ko baar-baar peshab (toilet) aati hai.

7) Pet mai aithan aur kabj hona:

Garbhavastha ke douran pet ka fulna shuru ho jata hai aur sharir mai sujan bhi aa jati hai. Iske alawa kayi baar pet mai aithan ki samasya bhi ho jati hai, jiska pramukh kaaran pet mai bachche ke akaar ke badne ke kaaran hone wala khichav hai. Sath hi aise mai pachan kriya par bhi nakaratmak asar padta hai, jisse mahilao ko kabj ki shikayat ho jati hai.

8) Khatta khane ka mann karna:

Agar aapko achanak se khatta khane ka mann karne laga hai aur khana khane ka mann bahut kam hi karta hai toh aap samajh lijiye ki aap maa banne wali hai. Aisa isliye hota hai kyuki jab aap garbh dhaaran karti hai toh aise mai aapke sharir mai hormonal changes hote hai jisse aapko normal khana khane ka mann nahi karta hai aur sath hi aap chatpata khana pasand karte hai.

9) Sunghne ki kshamta ka bad jana:

Jab mahilaye garbh dhaaran kar leti hai toh aise mai mahilao ki sunghne ki kshamta bad jati hai. Aise mai achchi smell wali perfume ka istemal kare aur gandi aur kachre wali jagah se dur rahe.

10) Bahut jyada thakaan hona:

Garbh dharan ke pehle hafte se hi bahut adhik thakan hona ek pramukh lakshan hai, aur ye thakan khaas kar subah ke samay hoti hai. Iss awastha mai sharir mai progesterone namak hormone banta hai, jiske kaaran sharir bahut jaldi thak jata hai.

11) Nature mai badlaav (changes):

Mahilao mai garbh dharan ke douran kayi hormonal changes hote hai, jiska asar unke nature par padta hai. Kayi baar toh mahila bahut chidchidi ho jati hai aur kuch samay baad wo normal behave karne lagti hai. Iss tarah ke lakshan mahila ke garbhvati hone ki taraf ishara karte hai.

Ye the 11 Pregnancy Symptoms in Hindi, in lakshano ka dhyan rakh kar aap asaani se pata kar sakti hai ki aap maa banne wali hai, lekin phir bhi ek baar doctor ki salaah jarur le aur apni sara treatment karaye. Kyuki isse aapke mann mai koi question nahi rehta hai aur aap puri tarah se santusht ho jati hai.

LEAVE A REPLY