Men Beauty Tips in Hindi – Private Part Grooming

Jyadatar dekha jata hai ki purush apne shaving aur sir ke baalon ki samay samay par grooming karate rehte hain, jisse unka chehra clear dikhta hai aur unme aatma vishwas bhi aata hai. Wohi agar dusri jagah dekha jaye toh wo apne private part par itna dhyan nahi dete kyuki wo kayi baar ye soch lete hain ki wahan kaun dekhne ja raha hai.

Halaki inhe nazar andaaz nahi karna chahiye kyuki ye na sirf aapke aatmavishwas ko kam karta hai balki ye hamari twacha ke liye bhi thik nahi hota hai.

Purusho ke viprit mahilaye is baat ke liye jyada sajag rehti hain, wo samay samay par apne private part ki grooming karti rehti hain. Toh aaiye aaj hum aapko yahan par aise kuch kaaran batayenge jinke kaaran Purusho ko apne private part ki grooming karna jaruri hai.

Men Beauty Tips in Hindi Karan (reasons) :

mens beauty tips in hindi parivate part grooming

1. Private part ki agar samay samay par safayi na ki jaye toh private part par bade huye baalon ke kaaran wahan gandgi jama ho jati hai kyuki baalon ke kaaran wahan ki achchi tarah se safayi nahi ho pati hai, iske sath hi bade huye baalon ke kaaran private part me garmi aur pasine ke kaaran hamari twacha par keetanu ( bacteria ) jama ho jate hain. Is prakaar Purusho ko samay samay par wahan ki shave ya safayi karte rehna chahiye jisse private part ki safayi rahe aur kisi bhi prakaar ke sankraman se bacha ja sake.

2. Private part ki achchi tarah se safayi karne se aapka private part adhik aakarshit dikhayi deta hai. private part saaf rakhne se wo aakarshit toh dikhayi deta hi hai sath hi aapke partner ko bhi achcha lagta hai, aur kisi bhi prkaar ki samasya bhi nahi hoti hai. aisa karne se aapka partner aapke sath bitaye huye pyar ke palon me asahaj nahi hota hai.

3. Yadi aap Gupt angon ki safayi nahi karte hain toh aapke janan ang (reproduction part) chote dikhayi deta hai, kyuki agar private part ki safayi nahi ki jati hai toh wahan par bade bade baal dikhayi dete hain jiske kaaran janan ang baalon me dhak (cover ho jate hain) jate hain aur janan ang chote dikahyi dete hain isliye dhyan rakhe ki aapke private part ki aap safayi rakhenge toh aapke janan ang bade aur aakarshit (attractive) dikhayi dete hain aur aapke janan ang ke bade dikhne se aapme aatmaviswaas ki bhi briddhi hoti hoti hai.

4. Agar purush apne private part ki grooming karte hain aur achchi tarah se safayi karte hain toh aapka private part saaf dikhayi deta hai, aur har saaf cheez swasth nazar aati hai. Iss prakaar agar private part ki safayi rahe toh ye saaf ho jata hai ki aapko kisi bhi tarah ki koi bhi beemari ya sankraman (infection) nahi hai aur isse aapka private part bhi swasth dikhayi deta hai. wahan ki saaf safayi karne se aapko apne private part ki skin saaf dikhayi deti hai jisse aap apni private part ki skin ki bhi care kar sakte hain aur dekh sakte hai ki wahan par kisi tarah ke rashes toh nahi ho areh hai.

5. Private part ki safayi karne se ya wahan shaving karke clean karne se us sthan ko chune me samvedansheelta mehsoos hoti hai aur hamari samvedansheelta badti hai. Janan ang bahut hi samvedansheel hote hai. Jab bhi inke aas pass koi chuan(touch) hoti hai toh hame bahut hi achcha mehsoos hota hai, jab hamara partner hamare in angon ko chuta hai toh bahut hi achcha anubhav hota hai aur jab hamare janan ang saaf rehte hain toh hame chuan (touch) ka ek achcha ahsaas hota hai.

Men beauty tips in hindi – Upar hamne aapko bataya ki private part ko kyun aur kaise aap saaf rakh sakte hain, saath hi grooming karne se aapka private part aakarshak dikh sakta hai aur kisi bhi prakar ke sankraman se bhi bacha ja sakta hai. Toh ab der kis baat ki hai apne private part ko saaf rakhkar khudme bhi aatma viswas jagaye aur apne partner ko khush rakhkar ek achche anubhav ko jiyen.