Mahilao ke lips ke upar baalon ka hona aam baat hai, lekin jab ye jarurat se jyada bade aur kale dikhayi dete hain toh ye aapko sharminda kar sakte hain. Kayi baar inko hatane ke liye ham kayi tarah ke prayaas karte hain lekin unko karne ke baad bhi hame kuch khaas fayda nahi milta hai. Upper lip hair ko hatana kaafi dard naak bhi hota hai.

Aam tor par lips ke upar baal tab aate hain jab mahilao ke shareer me hormones ka asantulan paida ho jata hai, jiske kaaran ye kuch jyada bade aur kale dikhayi dete hain, jisse aapka chehra bahut hi bura aur bhadda dikhayi deta hai aur isse aapke chehre ki sundarta bhi kharab ho jati hai.

Waise toh kayi tarah ke products hote hain jinse upper lip hairs ko hataya ja sakta hai, lekin kayi baa rinse hame kuch khaas fayda bhi nahi milta hai, isliye aaj ham yahan par kuch aise upaay batane ja rahe hain jo gharelu hone ke sath-sath laabhdayak bhi hai.

Chaliye Jante hai How to Remove Upper Lips Hair in Hindi

Toh aaiye jante hain upper lip hair ko hatane ke gharelu upay.

How to Remove Upper Lips Hair in Hindi

1) Kachche papite ka karen prayog: Kachche papite ka prayog aapke upper lip ke baalo ki growth kam karta hain, kyuki papite me papain namak anzyme paya jata hai, jo ki baalon ki growth kam karne me madad karta hai. Iske prayog ke liye kachche papite ka paste bana le aur 2 chammach papite ke paste me ½ chammach haldi powder ko mila lijiye. Is paste ko achchi tarah se milane ke baad apne upper lip par lagaye aur massage karen. Lagbhag 15 minute tak ise laga rehne de. Isse aapke upper lip hair ki growth kam ho jayegi. Is prayog ko ek hafte me kam se kam 2 baar jarur karen.

2) Haldi (Turmeric): Haldi hamare upper lip hair ko hatane ke liye bahut hi achcha upaay hai. Iske liye ek badi chammach haldi le aur usme pani milakar gadha paste bana le, ab is paste ko apne hontho ke upari hisse par laga le. Is paste ko tab tak laga rehne de jab tak ki ye such na jaye aur sukh jane par isko dheere-dheere ragad kar nikaal le. Aap chahe toh haldi me pani ki jagah par doodh ko bhi mila sakte hain aur ek chammach haldi me doodh milakar gaadha paste bana le aur is paste ko apne honthon ke upari hisse par laga le, aur is paste ko sukh jane tak laga rehne de. Sukh jane par ise araam se ragad kar nikaal de, isse aapke lips ke upar ke hair ki growth dheere dheere kam ho jayegi. Best result ke liye is prayog ko lagbhag 4 hafte tak karen.

3) Dahi aur besan ka paste: Dahi aur besan ka paste twacha ke liye bahut hi achcha hota hai aur isse twacha mulayam hoti hai, sath hi iska prayog karne se upper lip hairs ko bhi hataya ja sakta hai. Iske liye ek chammach besan me, thoda sa dahi mila le aur aap chahe toh isme chutki bhar haldi bhi mila sakte hain. Ab ise achchi tarah se milakar paste bana le aur is paste ko apne upper lip hair par laga le aur tab tak lagakar rakhen, jab tak ki ye sukh na jaye. Sukh jane ke baad ise halke haathon se ragad kar nikaal le aur dho le. Is prayog ko rojana karne se aapke upper lip hair dheere-dheere kam ho jayenge.

4) Oatmeal: Upper lip hair ko oatmeal ke prayog dwara bhi hataya ja sakta hai. Iske liye ek chammach oatmeal me, ek chammach shehad milakar usme thoda sa nimbu ka ras mila le aur ise achchi tarah milakar paste bana le. Ab is paste ko upper lip par laga le aur lagbhag 10-15 minute baad hairs ke opposite directon me massage karen aur gungune pani se ise saaf kar le. Achche parinaam ke liye is prayog ko hafte me kam se kam 2-3 baar karen.
Nimbu aur cheeni ka paste: Iska paste banana ke liye 2 nimbu lekar unka ras nikaal le, ab is ras me thoda sa chini aur pani mila de. Ab ise achchi tarah mila le aur tab tak milaye jab tak chini puri tarah se ghul na jaye. Ab is paste ko apne honthon ke upari hisse par laga le aur 10-15 minute ke baad ise pani se dho le.

5) Santre aur nimbu ke chilke ka paste: Santre aur nimbu ke chilke sukha kar pees le. Ab paste banane ke liye 1 chammach santre ke chilke ka powder aur 1 chammach nimbu ke chilke ka powder le aur isme ek-ek chammach gulab jal aur jetun ka tel daal kar achchi tarah mila le. Ab is paste ko apne upaaer lip par laga le aur lagbhag 10-15 minute ke liye laga rehne de aur apni ungliyon ki madad se massage karen aur pani se dho le.

6) Anda (Egg): Anda bhi upper lip ke hair ko hatane ka ek achcha upaay hai. Iske liye ek kachche ande ka safed bhaag lijiye aur isme ek chammach aata aur chini ko achchi tarah mila lijiye. Ab is paste ko apne honthon ke upari hisse par lagbhag aadhe ghante ke liye laga rehne de. Achche parinaam ke liye is prayog ko hafte me lagbhag 2 baar jarur karen.

Upar aapne jana ki hamare upper lip ke hair ko hatane ke liye kya gharelu upay kiye jayen, jisse asaani se aapke upper lip saaf reh saken aur aapka chehra sundar dikh sake.