Aapne namak ke guno ke bare me toh suna hi hoga. Agar khane me namak na ho toh khana kitna bhi swadisht kyun na ho wo beswad hi lagta hai, aaj hum yahan namak ke scrub ke bare me janenge. Ji haan yahan hum namak ka prayog khane ke swad badane ke liye nahi kar rahe hain balki nama ke prayog se twach ko nikhaar rahe hain.

Agar aapki twacha par daag dhabbe hain ya aapki twacha muhason ke kaaran kharab ho gayi hai toh aap namak (salt) se bane scrub ka upyog karke in daag dhabbon aur muhason se chutkaara pa sakte hain. Ye scrub hum aasani se apne ghar par hi baith kar bana sakte hain. Iske liye ham namak ke sath ghar par uplabdh anya utpaadon ko namak ke sath milakar bana sakte hain.

Yeh scrub aapki twacha ke liye bahut hi upyogi sabit ho sakta hai. Toh aaiye jante hain ki namak (salt) ka scrub aapke liye kaise banaya ja sakta hai aur yeh aapke liye kitna upyogi hai.

Namak ke scrub se aapki twacha par ek alag hi tarah ka nikhar aa jata hai aur sath hi twacha ki dead skin nikal jati hai. yeh twacha ki dead skin nikalne wale oil ko bhi niyantrit karta hai. namak se twacha ko saaf kiya ja sakta hai. agar aapke chehre par muhase hain toh aap apne chehre par scrub ke roop me namak ka prayog kar sakte hain. Toh aaiye jante hain namak ke scrub ko banane ki vidhi aur uske labh.

Jaane Salt Scrub Ke Fayde Apane Face ke Liye in Hindi

Salt scrub namak ke fayde in hindi

1. Rookhi twacha ke liye:
Epsome salt me cleansing milk mila lete hain aur ise apne chehre par apply karte hain. Cleansing milk mila lene se aapki twacha par rashes nahi padte hain aur aapki twacha me moisture bhi aa jata hai, isliye rookhi twach balon ko hamesha namak me cleansing milk milakar prayog karna chahiye.

2. Cleansing:
Namak se twacha ko saaf karne ke liye usme oil jaise – rosemary, lavender aadi ka tel milakar aap apni chehre par apply kar sakte hain. Aisa karne se aapke chehre ke daag dhabbe aur muhase gayab ho jayenge. Is prayog ko aap mahine me keval ek baar hi Karen.

3. Muhaso aur Sun Tanning se chutkara:
Epsom salt me shehad ko milakar bhi ek scrub banaya ja sakta hai jo ki sutanning aur muhason ke liye laabhdayak hota hai. Shehad se twacha ko moisture milta hai aur ye muhason ke liye bhi laabh dayak hota hai. Epsom salt me dahi ko milakar bhi face mask banaya ja sakta hai, isse bhi sun tanning aur muhason me fayda milta hai.

4. Black Heads se chutkaara:
Ek boond Epsom salt me scrub ko milakarapne chehre par lagaye, isse aapke chehre ki dead skin nikal jati hai aur sath hi aapki skin ke pores khul jate hain magar ek baat dhyan rakhe ki aap is scrub ko golayi me lagayen. Isse aapke black heads bhi achchi tarah nikal jate hain. Aap is prayog ko hafte me do baar kar sakte hain.

5. Epsom salt me kuch boonde nimbu ki milane se ek prbahavi scrub taiyaar ho jata hai. Ye scrub bahut hi jaldi taiyaar ho jata hai. Iske dwara muhase aur black heads me rahat milti hai aur aapka chehra saaf rehta hai.

Toh yahan aapne jaana namak se scrub karna aur usko kis tarah prayog kiya jata hai sath hi usk laabh ko bhi jana. Toh ab der kis baat ki hai namak scrub ka prayog Karen aur uska laabh uthayen.