Sardi Ke Liye Gharelu Nuskhe

Jab bhi mousam me badlaaw aata hai toh sardi-jukham hona ek bahut hi saamanya si pareshani hai, kayi baar hamari laparwahi ke kaaran bhi ham sardi-jukhaam ke shikaar ho jate hain.

Tho yadi aap sardi-jukhaam ke shikaar ho gaye hain toh hamare dwara diye gaye Sardi ke liye gharelu nushkhe bahut hi kaam aayenge.

1) Adrak le aur uska ras nikaal le aur shehad le, in dono ko barabar matra me milakar khayen, isse aapko sardi me raaahat milegi. Lekin dhyan rakhen ki jab aap isko khaye toh khane ke baad pani na piyen ya phir raat ko sone se pehle ise khayen.


2) Ek bahut hi asaan sa upaay hai sardi bhagane ka, pani ko garam Karen aur uski bhaap le, isse aapko bahut hi halka lagega aur aap pehle se behtar mehsoos karenge.


3) Muleti aur kaali mirch 10-10 gram le aur inhe bhoon kar pees le. Iske baad 30 gram purane gud me mila le aur inhe achchi tarah milakar inki choti choti goliya bana le, aur taaze pani ke sath le isse aapko sardi me aaram milega.


4) Sardi ke liye gharelu nushkho me ye nushkha sabse achook hai. Is nushkhe se purane se purana sardi-jukhaam thik ho jata hai. Iske liye aamla lete hain aur uske chilkon ko sukhakar churna banakar barabar matra me mishri mila le. Usme se 6 gram subah taaze pai se khayen.


5) 8 se 10 kaali mirch le aur 10 se 15 tulsi ke patte le aur inki chay banakar piye. Isse aapki sardi jukham aur khasi ke saath saath aapka bukhar bhi thik ho jayega.


6) Roz pure din me 2 se 3 long (clove) chabaye, isse bhi sardi me aaram milega. Long (clove) ko chai mai bhi daal kar le sakte hai, isse bhi aap ko kaafi rahat milegi.


7) 2-3 boond sarso ka tel naak me daalne se sardi me turant aaraam milta hai. Sarso ka tel normally kisi bhi shop par aasani se mil jata hai.


8) Garam chane ko soonghne se bhi aapka sardi-jukhaam thik ho jata hai.

Ye gharelu upay kafi asardaar sabit ho sakta hai.


9) Garam pani Karen aur usme neelgiri ka tel daal kar usi bhaap le, isse bhi sardi me raaahta milti hai. Dhyaan rahe ki aap ke sir ke upar saaf kapada ya towel ho jisse steam loss na ho.


10) Ek chammach garam desi ghee me kaali mirch ka churan mila le aur roti ke sath iska sevan Karen, isse sardi khatam ho jati hai.


11) Sarson ke tel ko garam karke use apne seene par, naak, pairon ke talwe par lagaye.

Isse bhi aapko aaram milega.


12) Garam doodh me chhuhaare ubaal le ab usme thodi se kesar aur ilaichi mila le uar iska sevan Karen, isse bhi aapki sardi par asar hoga.


You may also like: Bukhar Ka Ilaj – 5 Tips for Viral Fever in Hindi

Khansi Ke Liye Gharelu Nuskhe

Aksar dekha jata hai hum thandi cheeze khane ke baad garam cheeze kha lete hain ya phir garam cheeze khane ke baad thandi cheeze kha lete hain, jisse ham khasi ke shikaar ho jate hain.

Yahan hamne kuch gharelu nushkhe batayen hain, jinhe hum kahenge, toh aaiye jante hain ki kis tarah gharelu cheezon se hum apni khasi ko thik kar sakte hain.

Khansi ke Ilaj Ke liye Video

1) Raat ko sone se pehle garam doodh me haldi milakar use toda gunguna hoe par pine se khasi me aaram milta hai, lekin yaad rakhe isko peen eke baad pani na piye.


2) Thoda sa gud le aur use thoda sa garam kar le aur garam hone par usme thoda sa haldi mila le, thanda hone par iski goli bana le aur raat ko sone se pehle ise kha le aur so jayen. Khasi me aaram milega.


3) Paan ke patte me mulethi ke chran ko rakhkar apne daathon ( teeth ) se chabakar choos le. Isse aapko khasi me aaram milega aur gale ka dard bhi thik hoga sath hi gala bhi khul jayega.


4) Agar khansi ke karan gala baith gaya ho toh 4-5 kaali mirch ko batasha ke sath sone se pehle khayen, isse aapko aaram milega.


5) Iske alawa kaali chay banaye aur usme kaali mirch, loung aur tulsi ke patte bhi daal le uar achchi tarah ubaalkar kaadha bana le au rise piye isse bhi aapka gala thik hoga aur khasi bhi thik hogi.


6) Adrak ke ras ko gud me mila kar garam pani mai mila le aur raat ko sone se pehle piye isse bhi aapko khasi me aaram milega aur khasi haldi thik hogi.


7) Paani me tulsi ki aptti aur shehad (honey) milakar kaadha banakar subah aur sham dono time piyen. Isse khasi se hone wali takleef dur hogi.


8) Haldi ko garam pani ke sath pine se bhi khansi me aaram milta hai. Haldi ko chai mai lene se bhi khansi mai aarma dekha ja sakta hai.


9) Ajwaine garam hoti hai. Ise din me do baar chutki bhar khane se bhi khasi me aaram milta hai, ya phir raat ko kaala namak le aur us namak ko aap chuse, isse aapko subah tak aaram milega.


10) Sonth ko bhi aap doodh ya pani ke sath le sakte hain, ye bhi sardi khasi ke liye bahut hi labhkaari hota hai lekin yaad rakhen ki iske baad thanda pani na piyen kyuki isse aapko nuksaan ho sakta hai.


11) Nimbu ko waise bahut thanda maana jata hai lekin ye bhi hamari khansi ko thik kar sakta hai. Iske liye nimbu aur shehad ko garam pani ke sath le.


12) Pudeene ki pattiyon, kapoor aur ajwain ko pani me daal de aur is pani ko dhoob me rakh de. Phir ise 1-1- chammach din me do baar le.


13) Laung ko ghee me senk le aur is tarah ghee me senki huyi laung ko muh me rakhne se baar baar khansi nahi aati. Aisa din mai kaam se kaam 3-4 baar jarur kare.


14) Shehad aur kachche pyaz ka ras samaan matra me lekar mila le, iske baad is mishran ko kisi andher kamre me 3-4 ghante ke liye rakh de. Baad me ise piyen. Ye khasi ki dawa ki tarah kaam karta hai.


sardi-aur-khansi-gharelu-upay