Kya hai Shatavari (शतावरी)?

Shatavari Benefits – Ye ek mahatvapurna aushadhi ke rup me prayog me layi jati hai. Ye ek aisi aushadhi hai jo hamare sharir ko kayi tarah ki bimariyo se bachane me madad karti hai. Shatavari ka podha jhadinuma hota hai, isme ek se do inch lambe gucche hote hai, jinme phool aur manjariya lagi hoti hai. Isme aise kayi gun paye jate hai, jisse ye hamare sharir mai hone wale kayi rogo ke upchar ke liye prayog mai layi jati hai.

Shatavari (शतावरी) ki agar baat kare toh;

  • Ishe sheetal, madhur aur divya rasayan mana jata hai.
  • Isse sar me dard, khansi aur neend na aane ki samasya ko dur kiya ja sakta hai.
  • Jo log cancer se pidit hai, un logo ke liye shatavari bahut hi kargar sabit ho sakti hai. Iss tarah iske anginat guno se hame anginat fayde hai.

Shatavari benefits: 7 Asparagus Ke Fayde in Hindi

shatavari benefits

Toh aaiye aaj yaha ham shatavari se hone wale fayde ke bare me jante hai.

Khansi dur kare:

Khansi ko dur karne me shatavari behad labhkari mani jati hai. Iske liye shatavari ke ras me aduse ka ras aur mishri mila kar chhat lene se khansi me araam milta hai. Iske alawa agar aapko khansi ke sath cough me khoon aata hai toh aise me shatavari khane se labh milta hai.

Sar dard dur kare:

Jab kabhi bhi aapko sar me dard ho toh shatavari aapke sar dard ko dur karne me madadgar hoti hai. Ye na sirf normal sar dard ko dur karti hai balki migraine me hone wale sar dard ko dur karne me bhi bahut madadgar sabit hoti hai.

  • Iske alawa aadhashishi rog ko dur karne me bhi shatavari kargar sabit hoti hai.
  • Iss tarah ke sar dard ko dur karne ke liye shatavari ko kut kar ras nikal le aur barabar matra me shatavari ka ras aur til ka tel mila le. Ab iss tarah bane huye mishran se apne sar par malish kare.
  • Isse aapka sar dard thik ho jayega aur migraine jaisi bimari ke sar dard me bhi araam milega.

Bukhar me araam dilaye:

Bukhar hone par shatavari (शतावरी) faydemand hoti hai. Aapko bukhar tez ho ya kam ye dono tarah ke bukhar me labhdayak sabit hoti hai. Bukhar ke upchar ke liye shatavari aur giloy ke ras me gur mila kar sevan kare. Isse samasya aur tez dono tarah ke bukhar me araam milega.

Dast me khoon aana dur kare:

Kayi baar jab aapko dast ho jate hai toh dast me se khoon aane ki samasya bhi ho jati hai, aisi condition me shatavari bahut madadgar sabit ho sakti hai.

  • Iske liye aap sabse pehle geeli shatavari ko pees kar dudh me mila le, phir ise kapde se chhan le. Ab iss ras ko ghee me mila kar paka le. Jab bhi dast me khoon aane ki samasya ho toh iss tarah bane huye mishran ka sevan kare. Isse dast me khoon aane ki samasya me araam milega.

Youn shakti badhaye:

Shatavari (शतावरी) ka sevan purusho ki youn shakti badhane me behad labhkari mana jata hai. Shatavari ke chunar ko dudh me mila kar pine se ya phir iska paak bana kar sevan karne se purusho ki youn shakti badti hai. Iss tarah purusho ki youn shakti badhane me shatavari behad labhdayak hai.

Cancer ke upachar me labhdayak:

Shatavari ka sabse bada benefit ye hai ki cancer ke upachar me iska prayog kiya jata hai.

  • Isme kayi aise tatva jaise vitamin-A, B, C, potassium aur zinc paye jate hai, jo ki cancer ke upachar me upyogi hote hai.
  • Iske alawa shatavari me bharpur matra me anti oxidants paye jate hai jo ki cancer se hame bachate hai.
  • Isme histone namak protein paya jata hai jo ki cancer ke upachar me madad karta hai.

Anidra ko bhagaya dur:

Agar aap anidra ki bimari se pareshan hai toh iske liye shatavari ka sevan karna shuru kare. Shatavari ke sevan dwara anidra ki pareshani ko dur kiya ja sakta hai.

  • Iske liye 5 se 10m gram shatavari ka churna le aur 10 se 15 gram ghee aur dudh me mila kar sevan kare. Isse neend na aane ki samasya samapt ho jayegi.

Anya prayog:

Shatavari benefits ki agar baat kare toh samanya dino me bhi iska prayog kiya ja sakta hai, jisse kayi samanya rog hamse dur rehte hai.

  • Agar aap iska prayog karna chahe toh iske liye shatavari ko 4 se 5 minute pani me ubaal le aur uske baad mixer me acchi tarah se grind kar le. Ise apne freeze me rakh le aur subah shaam 2-2 chammach iska sevan kare.

Upar apne jana shatavari benefits ke bare me. Toh agar aap bhi upar batayi gayi kisi bhi bimari se pareshan hai toh bataye anusar shatavari ka sevan kare. Shatavari bahut hi faydemand podha hai. Iska sevan aapko swasth rakhne me madad kar sakta hai.