Shaadi ki pehli raat ko kaise banaya jaye yaadgaar (Suhagraat ya First Night)?

Shaadi ki pehli raat yaane suhagraat ka har ladka aur ladki besabri se intezaar karte hai. Yeh har ladka ya ladki ki zindgi ka sabse khass din hota hai. Sabhi chahte hain ki unki suhaag raat sabse khass ho aur har koi apni suhaaag raat yaadgaar banana chahta hai.

Sabhi apne partener ke liye kuch na kuch sapne saja kar baithte hain aur use khaas banana ke liye bahut se plan karke rakhte hain. ye wo din hai jis din 2 log ek dusre ko pure tareeke se ek dusre ke hawale kar dete hain aur ek dusre ko tan, mann, dhan se sweekar karte hain.

Is article ko padkar aapko apni Shaadi ki pehli raat (suhagraat ya first night) mai bahut madad milegi aur agar aap jaldi hi Shaadi ke bandhan me bandhne ja rahe hain toh is article ko jaroor hi padiye, isse aapko pata chalega ki Shaadi ki pehli raat kya karna hai jisse aapka partner aapse khush ho jaye, jisse aapki Shaadi ki pehli raat zindgi bhar ke liye yaadgaar ban jaye.

Suhagraat Tips in Hindi: In 7 Baato Ka Rahe Khas Dhyan

1) Baaten Karen:

Jab aapki Shaadi ki pehli raat (suhagraat ya first night) ho toh jitna ho sake aap apne partner se baaten Karen agar wo baat karna chhahe toh.kyuki baat karne se aapko uski pasand na pasand ke bare me pata chalega aur aap unse achchi tarah ghul mil jayenge. Arrange marriage me ye jaruri hota hai kyuki aap apne partner ko achchi tarah se nahi jante hai. Baaten karne se samne wala vyakti aapse comfortable ho jata hai aur mann se hichkichahat bhi kam ho jati hai jo aage badne ke liye bahut jaroori hai.

2) Tohfa (Gift):

Agar ho sake toh Shaadi ki pehli raat me apne partner ko gift jaroor de, gift dekar apne partner ko special feel karaye aur unhe pyar karen. Kyuki khass kar ladkiyan apni Shaadi ki pehli raat par apne first night gift ka besabri se intezaar karti hai. Unke liye wo tohfa har cheez se badkar hota hai, aur wo us tohfe ko zindgi bhar samhaal kar rakhti hai. Isliye tohfa aisa de jise aapka partner samhaal kar rakh sake jo jaldi kharab na ho.

3) Romantic baaten Karen:

Shaadi ki pehli raat apne partner ko gift den eke baad use pyar bhari baate Karen. Agar aap gaana ga sakte hai toh apne partner ke samne koi gaana bhi suna sakte hain. apne achche moments share Karen jinse aapko khushi milti hai, isse aapka partner aapse familiar ho jayega aur aapke beech nazdeekiya aayengi. Apne partner ko apni pasand aur napasnad bhi jaroor batayen.

4) Partner ka rakhen khayaal:

Aapke riste ko majboot karne ke liye jaroori hai ki aap apne partner ka puri tarah se khayaal rakhen. Shaadi me aap aur aapka partner bahut jyada thak jate hain jiske kaaran Shaadi ki pehli raat me aapke partner ko neend bhi aa sakti hai. Agar aapka partner thak gaya hai toh pehli raat me hi sex na Karen, aap ise agli raat me bhi kar sakte hain. apne partner ki har cheez ka khayaal rakhen isse aapke beech pyar aur badta hai.

5) Dheere dheere shuruaat karen:

Shaadi ki pehli raat (suhagraat) ka matlab sambhog (sex) karna nahi hai balki ise aaraam se aur partner ke comfort ko dhyan me rakhkar karna chaiye. Starting me aap apne partner ka hath pakad kar use pyar se sehlaaye, phir dheere dheeere aage bade. Uske baad aap chota sa kiss kar sakte hain aur agar aapke partner ko achcha lagta hai toh aap smooch bhi Kar sakte hain. Foreplay ek achchi process hai jise aap sex karne se pehle kar sakte hain. aisa karne se aapko ghabrahat bhi nahi hogi aur aap us condition me bhi enjoy kar sakenge.

6) Maan se daar ko nikale:

Shaadi ke baad first night mai 2 ajnabi ek dusre ke samne hote hain, khas kar arrange marriage me ye pareshani hoti hai. Tab mann me ek dar rehta hai ki kaise kya hoga toh mann se us darr ko nikal de aur confidence ke sath apne partner ka sath de. Aisa karne se aapka aatmavisvaas bhi badega aur aapke partner ko bhi achcha lagega. Ye aapk din ko khaas bana sakta hai.

7) Galti hone par handle Karen:

Kuch bhi karte samay agar kuch galti ho jati hai toh use apna mood kharab na Karen, ise has kar taal de aur phir se start Karen ya phir thodi der aap romantic baaten bhi kar sakte hain jisse aapka mood ban jaye aur phir start Karen.


Suhagraat Tips in Hindi: In 7 Baato Ka Rahe Khas Dhyan

Suhagraat-tips-in-hindi

Shaadi har kisi ke liye ek achcha anubhav hota hai. Jisme aap apne partner ke sath hote hain. toh in tips ke jariye aap apne partner ko khush kar sakte hain. Iske sath hi jab aap apne partner ke sath familiar ho jayen toh kuch tips hain jo aap sex karne ke pehle step by step apne partner ke sath kar sakte hain.

    • Apne partner ke sath be me lete rahe aur pyari pyari baaten Karen jo aapke partner ko pasand ho. Kuch apni kahen aur apne partner ki bhi sune. Apne partner se har Vishay me khul kar baat Karen ki use kya pasand hai aur kya nahi pasand.
    • Phir dheere dheere uske kareeb jayen aur apne partner ki body ko sehlaate rahe aur baaten karna jaari rakhen. Apne partner ki body ko is tarah se sehlaaye jisse use comfortable lage aur wo achcha mehsoos kare.
    • Aap apne partner ke forehead par kiss kar sakte hain ya unke hathon ko choom sakte hain, isse aapke partner ko bahut achcha lagega aur aapke beech pyar badega, kyuki agar aap unke forehead par kiss karte ya unke hatho ko choomte hain toh unhe ye ahsaas hota hai ki aapke liy sex hi sab kuch nahi hai aap dil se bhi unse pyar karte hain, kyuki koi bhi rishte me bhavnatmak roop se judna bahut ahmiyat rakhta hai.
    • Iske baad agar aapka partner aage badna chahta hai toh aap unhe dheere dheere honthon par bhi kiss kar sakte hain, aur yaad rahe sab kuch bahut hi pyar aur care se karna chahiye. Isse aapki bonding bahut majboot hogi.
    • Honthon par kiss karne ke baad aapko pyar se unke gale me aur kaan me kiss karna chahiye. Iske baad agar aapka partner sex ke liye ready ho toh aap us process ko bhi aage bada sakte hain.
    • Baat yahi khatam nahi hoti. Kayi baar dekha jata hai ki charam seema par pahucne ke baad ladke bahut thak jate hain aur wo peeth ferkar so jate hain, jo ki unhe nahi karna chaiye kyuki aisa karne se aapke saathi ko bura feel ho sakta hai. Charam seema pr aphuchne ke baad aapko apne partner ke saath lete rehna chahiye aur use sehlaate reha chaiye, sath hi aap chota chota kiss bhi kar sakte hain, isse har relation me pyar badta hai.

Sex har relation ko bandh kar rakhta yahi suhagraat naye jivan ki first night hoti hai lekin wo agar emotions ke sath na kiya jaye toh wo kuch kaam ka nahi hota hai. Har rishte me emotions bahut mahatva rakhte hain, isliye apne rishte ko pehle bhavnatmak tour par jode uske baad sharirik tour par. Dekhiyega aapki zindgi khushiyon se bahr jayegi.