Jyadatar mahilaayen (womens) aur ladkiya sleeveless kapde pehenna pasand karti hai, lekin kayi baar wo ye sab nahi kar pati hain uska sabse bada kaaran ye hota hai ki unke under-arms kaale hote hain jiske kaaran unhe sleevless kapde pehenne me sharam aati hai. Kayi baar under arms kaale hone ke kaaran hath upar karne me bhi sharmindgi mehsoos hoti hai aur mann me jhijhak bani rehti hai.

Agar aap is pareshani se joojh rahe hain toh is pareshani ko chipaye nahi balki ise door kare aur ise door karne ke liye hamare dwara kuch upaay sujhaaye ja rahe hain jisse aapke under arms ko kaalepan se chutkaara milega aur aap apne under arms ko gora bana sakte hai. Jiske baad aap apni marji ke anuaar sleeveless kapde pehen sakte hain aur khul kar apne hath upar utha sakte hain.

under arms ka kaalapan gharelu nuskhe

Under arms ke kaalepan ko toh ham kam kar sakte hain lekin sabse pehle hame ye janna hoga ki ye hota kin kaarano se hai, kyuki agar hamare under arms gore hote hain toh hame chote kapde phenne me koi sharam nahi aati hai aur agar hum parlour bhi jate hain toh hum aatmavishwas se bhare hote hain, kyuki hamare under arms gore aur saaf hote hain. toh aaiye jante hain under arm kaale hone ke kuch kaaran, taaki aap aage aisi cheese na Karen jisse aapke under arm kaale aur dark na ho.

Kaale Under Arms Hone Ke Kaaran Aur Kam Karen ke Upay

1. Jyatar ladkiya sharam ke karan ghar me hi razer se hi apne under arm ko saaf kar leti hain jo ki bahut hard hota hai aur isse puri tarah jad (root) se baal saaf nahi hote hain jo ki aadhe aadhe reh jate hain aur kaale kaale dikhte hain, jiske kaaran under arm kaale dikhayi dete hain aur sath hi isse nishan bhi ban jate hain. Kyuki razer se baal saaf karne se bahut hi jyada aur kaale baal aate hain isliye kosish Karen ki under arm saaf karne ke liye razer ka upyog na kara jaye.

2. Iske alawa hum market me uplabdh kayi prakar ki creams ka upyog karte hain jinme kayi prakaar ke chemicals hote hain jo hamare under arms ki twacha ko nuksaan pahuchate hain, kyuki waise bhi hamare under arms ki twacha bahut hi patli hoti hai, jisse hamari twacha dheere dheere karke kaali padne lagti hai, isliye aisa utpaad ka prayog kiya jana chahiye jisse baal jad se (root) nikle iske liye wax ek achcha maadhyam hai. Wax se baal jad se nikal jate hain aur nishaan bhi nahi bante hain.

3.Kayi baar dekha jata hai ki hum durgandh (smell) se bachne ke chakkar me jarurat se jyada hi deo type ki cheezon ka upyog karte hain jinme bahut adhik maatra me rasaynik tatva moujood hote hain jo hamare under arms ki twacha ko nuksaan pahuchate hain. Iski jagah hame kuch prakritik upaay karna chahiye ya phir sambedansheel twacha wale deo ka upyog Karen.

4.Kabhi kabhi hum jaroorat se jyada tang (tight) kapde pehente hain, jisse hamare under aap aur hamare kapdo ke beech me gharshan hota hai, jiske kaaran hamari twacha kaali pad jati hai. Khas kar ke garmiyo din dino mai is baat ka jada dhyaan rahe.

5.Iske saath hi kayi baar hum shaving karne wali cream ka use karte hain usse bhi under arm kaale pad jate hain, ye hi is samasya ka pramukh kaaran hai. Iske sthan par waxing achcha vikalp hota hai, isme dard toh hota hai lekin isme baal jad se nikal jate hain aur wax se hamare under arms ka kaala pan bhi kam hota hai aur dheere dheere hamare under arm ki twacha light ho jati hai.

6.Vanshanugat kaarako se bhi kaale under arm ki samasya ho jati hai, iske alawa motapa, atyadhik wazan ( weight ) bhi iska kaaran ban sakta hai. Madhumeh ki bimaari ke shikaar marrezon ko pigmentation ke kaaran dark under arm ki samasya ho sakti hai. Iske alawa garv-nirodhak goliyon ka sevan karne wali mahilao ko bhi kaale under arms ki samasya ho sakti hai.

7.Dark under arm mrit ( dead ) koshikao ke sanchit hone ke kaaran bhi ho sakta hai, jisse under arms me dark kaali kaali papdi jam jati hai, jisko nimbu dwara hataya ja sakta hai kyuki nimbu me lactic acid hota hai aur lactic acid twacha ke kaalepan ko kam karke uski achchi tarah safayi karta hai.

Toh yahan hamne jaana ki hamare under arms ke kaale hone ke kya kya kaaran hain, aur ham aisa kya kya karte hain jisse hamare under arm kaale pad jate hai.

Isliye ab ye baat dhyan rakhe ki jo sujhaw hamne aapko diye hai unhe aap apnaye jisse aapke under arms kaale na ho. Ab aage is lekh me ham aapko batayenge ki kaale under arms ko gora aur saaf kaise kiya jaye.

LEAVE A REPLY